Maafiù 5:3 - WƆŊ FƐ̀Ì EBÒ SÌÀŊ DAYÀA

³ “E zɔlɔ̀ yaà anyùùŋ nyaŋ naŋ pɔɔ̀ wo jinàaŋ sùà nyaŋ. Nyiŋ nàŋ kanaŋ e Kànà àìjɛnɛ̀ɛŋ!

Maafiù 5:3 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Maafiù 11:6

Wo Dayà do nàŋ kpùùmò anyùùŋ nyaŋ gbiŋ gòim gììyà màŋhɛɛ, èsàɓù màŋ keì maŋ mìŋ nyɛnɛŋ màŋ.”

Maafiù 13:16

“Kɛɛ sèè è nɔ̀ŋ wèè nyɛ̀iŋ, wo Dayà wòiŋ kpuumàŋ, esaɓù kɛ̀ maŋ fɛɛ̀iŋ màŋ yɛmɛ̀ dìì e kìlà maŋ nuùiŋ màŋ komo maŋ kàìŋ.

Maafiù 19:14

Yèè wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Dàngeìŋ aŋ jɔ̀àkàiŋ jɔa nyàŋ aŋ hnàŋ ko nɛ̀ɛ̀ŋ miìŋ, ɓɔ̀ nìŋ kilià nyiŋ kùàŋ feìŋ, esaɓù kɛ̀ e Kànà àìjɛnɛ̀ɛŋ è yaà wèè anyùùŋ mààŋ nyɛɛ̀ŋ.”

Maafiù 24:46

Aŋ ɓɔìjɔ̀à do nàŋ nɔ̀ŋ e zɔlɔ̀ sùà sèè wo kààmɔɔŋ nyiŋ nɔɔ̀ŋ wo hnàŋ wo nyiŋ mɛɛ̀ŋ àŋ yaà nyìnìè e tòmo nyiŋ nɛ̀.

Maafiù 25:34

Kpeiŋ kɛ̀ miàim wo Kanaà kà wòò anyùùŋ nyaŋ wɔŋ kùàŋ jìka miɔ̀ŋ mìàŋ, ‘Hnàaìŋ, nyɛ̀iŋ nyàŋ wo Dèda miɔ̀ŋ naŋ haayà nyaŋ! Hnàaìŋ niŋ ɓemè e Kànà Dayàa naŋ wa nɔ̀ŋ bàne niŋ weèiŋ lɛ paŋgàà e ɗuunyaàŋ naŋ wa nɔ̀ŋ bàne niŋ lɛ̀.

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 8:11

Anyuùŋ zimgbe do wa nàwèè nàŋ yèwè maŋ tàta màŋ gbiŋ sùà wèè aŋ jɛ̀ì wo Eɓulɔhɛɛ̀ŋ, wo Ààze, yaà wo Jègɔ kɔɔ ko jììyè nɛ̀ŋ e Kànà àìjɛnɛ̀ɛŋ sùà.

Luù 11:28

Wo Jisɛ̀ naŋ fasàì wò naŋ woò wààŋ, “E zɔlɔ̀ yaà ngèè koɓɛ̀ anyùùŋ nyaŋ komo ke mìè gbìàŋ Dayàa yèè aŋ nyiŋ jàà kùàŋ dìì nyaŋ!”

Luù 18:14

Kpeiŋ wo Jisɛ̀ naŋ woò wààŋ, “Nààŋ aŋ fèlàà tìyèe nyàŋ naŋ wa kɔ̀ maŋ gboo nyiŋ màŋ sùà, e kèè e tɔ̀ɔ̀nyààŋ wo nyuùŋ kùwà e nɛ̀ɛ̀nɛ̀ŋ fuɔɔ̀ŋ naŋ wa fɔ̀ɔ̀yɛ̀ wo Dayà jii, kɛɛ e fè wa wò Fɛlosiìɔ. Anyùùŋ nyaŋ joowà nyiŋ bi nyàŋ, wo Dayà do nyiŋ nàŋ deeyè. Anyùùŋ nyaŋ deeyà nyiŋ bi nyàŋ, wo Dayà do nyiŋ nàŋ joowò.”

Luù 22:29

Yèè nààŋ nɔŋ wo Dèda miɔ̀ŋ naim kìɛ̀ŋ e tɔ̀ɔ̀nyaàaŋ wèè ka kɛ̀ɛ̀ e kana, yɛi nɔŋ mìŋ doiŋ nàŋ kìɛ̀ŋ e tɔ̀ɔ̀nyaàŋ bì.

Luù 22:30

Nìŋ do nàŋ jènɛ̀ŋ yèè naŋ tìà wɔŋ gbɛ̀gbɛ̀ miɔ̀ŋ diɛŋ e Kana mɛ̀ sùà. Yèè nìŋ do nàŋ jɛ̀ì maŋ kpùà kana diɛŋ wèè naŋ nɔ̀ŋ aŋ sìèfeìŋ maŋ zìì ɗì zììyà jɛ̀wɛ̀ tìyèe màŋ diɛŋ ko Ezɔ̀ɛ̀.”

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Jɔ̀ɔŋ 20:29

Yèè wo Jisɛ̀ naŋ wòò wo Tàmaŋ wààŋ, “Mùŋ naŋ haawè esaɓù kɛ̀ mùŋ naim yɛmɛ̀? E hààya yèè e zɔlɔ̀ è yaà anyùùŋ nyaŋ kòò àŋ yɛ̀mɛ̀ìm nyaŋ kɛɛ àŋ kuwa e hààwe.”

Jìiiŋ 1:10

Yèè anyuùŋ hààwè Dayà nyaŋ naŋ banè nyaŋ aŋ gè zɔlɔ̀ sèè wo Dayà deeyà nyiìŋ, esaɓù kɛ̀ wo nyuùŋ bàneɔ̀ wò yaà mààŋ maŋ kuùfɛ̀ɛ̀, maŋ yè maŋ fè kòlà maŋ fà maŋ.

Jìiiŋ 1:12

E zɔlɔ̀ yaà anyùùŋ nyaŋ jeeyà tɔ̀ɔ̀nyaàŋ sùà aŋ kɔ̀ɛ̀ e wàà e keì nyìnga dìì aŋ fè sɔ̀à nyaŋ. Sèè àŋ kɔɛ̀ e wàa bi dìì àŋ maaŋ, wo Dayà do nyiŋ nàŋ jàà kùàŋ dìì aŋ yɛ̀mɛ̀ e pààwà ke ɓɔ̀ɗì wɔŋ nyiiŋ gèe gò jùàa wò naŋ wa ɓèmè e ɗààhiì wèè wo fè anyùùŋ nyaŋ mànaùŋ nyaŋ.

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.

Maŋ kèì nyɛɛnɛŋ 19:9

Wo màikàa naim woò wààŋ, “Singà tɛɛ̀. E zɔlɔ̀ yaà anyùùŋ nyaŋ àŋ naŋ nyààŋ koɓɛ̀ wɔŋ ɗàà ke yɛɛ̀ gbìaàŋ e nyaàiŋ dè wo Ɓaawaaà.” Wo màikàa naŋ ɓɛìŋ woò wààŋ, “Maŋ mìè gbòà tɔ̀ɔ̀nyaàŋ maŋ e nyaàiŋ dè wo Dayà.”

Maŋ kèì nyɛɛnɛŋ 22:14

E zɔlɔ̀ yaà anyùùŋ nyaŋ naŋ sɔ̀ɔ̀ maŋ ɓuuɓane nyiŋ màŋ tɛ̀ɛ̀ nyaŋ. Àŋ do nàŋ kùwìè e tɔ̀ɔ̀nyaàŋ wèè aŋ gbìlà ke kuù kòmàaŋ e yìwìà ke kùlɛ̀ɛ kiɛ̀ŋ wɔŋ nyiiŋ gèeɔ̀ lɛ, e kìlà aŋ jɔ̀ɔ̀yɛ̀ wɔŋ gbàngì jawa gbeeɔ̀ sùà wèè ko jawa gbeeì.

Maŋ kèì nyɛɛnɛŋ 3:17

Mùŋ woà mààŋ, ‘Mìŋ naŋ banè yèè mìŋ yaà tɛ̀ɛ̀, mìŋ kuwa e nɛ̀ɛŋ gbiŋ mìŋ naŋ kpɛɛ̀ŋ weè niŋ lɛ̀.’ Kɛɛ muŋ nyimààŋ è ɗeweɛ̀ ke jii mɔ̀ɔ̀nɛŋ naum wòòyè fùùŋ e kìlà mùŋ naŋ tɛɛwɛ̀ wèè aum tɔ̀ɔ̀ ke nyowo lɛ̀. Mùŋ yaà wo nyuùŋ kɛ̀ɛ̀o sìwè, ke kpanja, yèè wo nyuùŋ zììlè fɛ̀ɛ̀.