Maafiù 5:25 - WƆŊ FƐ̀Ì EBÒ SÌÀŊ DAYÀA

²⁵ “Sèè wo nyùùŋ wò mɔnɔŋ wèè woum gbìàŋ ke sàwà wèè e nànàaŋ mùŋ nauŋ jàà lɛ, banè e keì bi sùà fiò nyɛ̀iŋ nyùùŋ bi e teengaà nìŋ nɔ̀ɔ̀ŋ kààìŋ koɓɛ̀ guùŋ nìŋ yaà kɔ̀ɔ̀yɛ̀ ko sààŋ sàwài lɛ̀. Sèè mùŋ go niŋ nyɛ̀nɛ̀ŋ, wo nyùnɔ̀ɔŋ doum nàŋ fè koɓɛ̀ wo nyuùŋ gbàì sàwàa, kɛ̀ wo nyuùŋ gbàì sàwàa wòum kìlà koɓɛ̀ wo pòìsiàa. Kpeiŋ wo pòìsiàa doum nàŋ gbìɛ̀ŋ ko sààŋ nyìwì.

Maafiù 5:25 ပူးပေါင်းရင်းမြစ်များ

Maafiù 26:58

Wo Pììlɛ yaà wa wo Jisɛ̀ maŋjɛ̀wɛ e fèemàŋ mùnlaŋ sùà, yèè wò naŋ kɔ̀ ko jɔ̀ɔ̀lègbèè wɔŋ gbòòkùàŋ wo Kànà Sìèfèìŋ Zòòlo Gbeeɔ̀. Kuii wò naŋ wa jɛi yaà anyuùŋ tùnìàŋ ke Saaŋ Zòòlò Dayàa, wèè wo yɛmɛ̀ kɛ̀ kiìŋ nàŋ do wa nàŋ nɔ̀ŋ e jìwààjɛ̀wɛ̀ e nɛ̀ɛŋ hewa nàŋ kààìŋ wo Jisɛ̀ lɛ.

Luù 18:3

Wo jɔ̀ùnèèdàà bà hewa jòò ko jàwà guùŋ bi. Wo nìe wɛɛ̀ hewa kà koɓɛ̀ wo kana gbàì keì wɛɛ̀ pɛɛpɛɛ wèè e tɔ̀ɔ̀nyaàuŋ nɛ̀ wààŋ, ‘Kpùùmaàim muŋ kiɛ̀im e tɔ̀ɔ̀nyaàŋ mɛ̀ e yìwìà wo joo miɔ̀ŋ sìwè!’

2 Kɔliìŋ 6:2

Kòmaìŋ e nɛ̀ɛŋ wo Dayà naŋ woò lɛ, “Nààŋ e teengaà naŋ haì wèè kaiŋ kpuumàŋ, Mìŋ naiŋ kumìè. Nààŋ e teengaà naŋ haì wèè kaiŋ joeyè, Mìŋ naiŋ kpuumò.” Jàaìŋ maŋ nùŋ e dìì, E teengaà lɛɛ̀ wèè wo nyùùŋ yɛ̀mɛ̀ e kpùùmàŋ Dayàa, nàaŋ ɗɔɔ yɛɛ̀ nàŋ yaà ke ɗɔɔ wèè wo nyùùŋ gbiŋ jòèyà.

Hiɓu 12:17

E teenga bà naŋ mààŋ, yèè wò naŋ nyɛ̀nɛ̀ŋ wànàŋ wèè e zòòlò dèdauŋ nɛ̀ kɛ̀ɛ̀ ko nɛ̀ɛ̀uŋ niìŋ. Kɛɛ wo gò wa yɛ̀mɛ̀ è ɗewe wèè wo niŋ ɓɛìŋ yɛmɛ̀, jòòpɛɛ wò naŋ wa pɔ̀wɔ̀ wo dèdauŋ nɔɔ̀ŋ yèè wò naŋ gòlò wèè e keì bi.

Hiɓu 3:13

Kɛɛ è yaà tɛ̀ɛ̀ wèè naŋ kìɛ̀ŋ àŋ dàwiiŋ nyàŋ maŋ jii nyingè ke ɗɔɔ gbiŋ, nààŋ nɔŋ ke mìè Dayàa “Nàaŋ” wɔŋ fɛ̀ì Dayàa sùà naŋ woò lɛ. Wo nyùùŋ bà gbiŋ e tɛɛiŋ ɓɔ̀ wò nyɛ̀nɛ̀ŋ kè jiiuŋ nɛɛ̀ŋ kè do nyìngà esàɓù maŋ jùumù maŋ wò do nàŋ nyɛ̀nɛ̀ŋ maŋ.

Hiɓu 3:7

Weètii, nààŋ wo Jìnàŋ Nɛɛmaàŋ naŋ woò lɛ, “Sèè nìŋ komo nàaŋ kè mìè Dayàa,