Maafiù 5:22 - WƆŊ FƐ̀Ì EBÒ SÌÀŊ DAYÀA

²² Kɛɛ tɔ̀ miŋ woòiŋ naàŋ kɛ̀, sèè maŋ tùù wo dàwi mɔɔ̀ŋ sìwè wèè foo, àŋ doum nàŋ hìɛ̀ŋ ke sàwà fɛɛ̀feìŋ. E kìlà sèè maŋ wòò wo nyùùŋ gbiŋ mààŋ, ‘Wò siaŋ nɔŋ wèè foo!’ Àŋ doum nàŋ kɔ̀ɔ̀ ko sààŋ sàwà. Yèè sèè maŋ wòò wo nyùùŋ gbiŋ mààŋ wò yaà wo nyuùŋ kpàna, mùŋ do wa nàwèè nàŋ nɔ̀ŋ e keì nyìnga dìì e hmɔ̀ɔ̀ŋ jàhamaàŋ sùà.

Maafiù 5:22 ပူးပေါင်းရင်းမြစ်များ

Maafiù 10:17

Yɛ̀mɛìŋ nyɛ̀iŋ bi diɛŋ. Anyùùŋ doiŋ nàŋ kùwò aiŋ kòà ke sàwà wèè aiŋ gbaì. E kìlà àŋ doiŋ naŋ vukò maŋ sààŋ zòòlò aŋ Juùù nyaŋ dìì.

Maafiù 10:28

Ɓɔ̀ nìŋ dùàŋ ànyùùŋ nyaŋ jiwe ke kpùnaàŋ nyaŋ, kɛɛ eɓìèmàŋjɛ̀wɛ̀ tii aŋ fè ɓɛ̀nɛ̀ŋ jìwà wɔ̀ŋ nyììŋ jinàaŋ. Kɛɛ dùaìŋ wo Dayà, wo yèɔ pɔɔpɔ̀ɔ̀ ke kpùnaàŋ yaà wɔŋ nyììŋ jinàaŋ ko jàhamaŋ wɔ̀.

Maafiù 12:24

Nààŋ aŋ Fɛlosiì nyaŋ naŋ wa tɛɛ̀ kòmò, àŋ naŋ woò nyààŋ, “Wò gè anyùùŋ aŋ jinàŋ naanààŋ maŋjɛ̀wɛ esaɓù kɛ̀ wo kànà aŋ jinàŋ naanààŋ nyaŋ wo Bɛɛziɓù nàŋ yàuŋ maŋjɛ̀wɛ!”

Maafiù 17:5

Nààŋ wò yaà wa gbuuye, ke nyili fuaà naŋ hnè yèè kè naŋ nyiŋ ɓùwò. Yèè ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀. Kòmaìŋ e mìè nyaàuŋ nɛ̀!”

Maafiù 18:21

Kpeiŋ wo Pììlɛ naŋ hnè koɓɛ̀ Jisɛ̀i yèè wò nauŋ dawè wààŋ, “Kanaà, sèè wo wùìya miɔ̀ŋ wò jààìm e nànàŋ, sùà kiìŋ mìŋ nauŋ ɓɛ̀nɛ̀ŋ jùùyà hakɛ̀? E sùà nɔɔnɔŋ le tìyèe è yaà tɛ̀ɛ̀?”

Maafiù 18:35

Yɛi wo Jisɛ̀ naŋ wa kpɛ̀ɛ̀yɛ̀ gbòa wààŋ, “E ɗèwè guùŋ lii sùà wo Dèda miɔ̀ŋ ko àìjɛnɛ̀ŋ do wa nàwèè nàŋ nyɛ̀nɛ̀ŋ nyɛ̀iŋ nààŋ bà guùŋ gbiŋ sèè mùŋ go jùùyà wo wùìya mɔɔ̀ŋ hakɛ̀ e yìwìà kè jii mɔɛ̀ŋ sùà.”

Maafiù 23:15

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ yèè nyɛ̀iŋ nààŋ Fɛlosiì nyaŋ. Nìŋ yaà nyùùŋ fɛ̀ɛ̀ ɗòònààkeì. Nìŋ kaaìŋ dìì naŋ nìàŋ wɔŋ juwoɔ̀ wèè naŋ kàmè anyùùŋ nyaŋ fè àŋ Juùù nyaŋ wò guùŋ wèè wo hààwè e yèɛ nìŋ kaà lɛ. Sèè nìŋ mɛɛ̀ŋ yèè nìŋ kile wo nyùùŋ bi koɓɛ̀ e hààweiŋ nɛ̀, nìŋ nyɛnɛŋ wo nyùùŋ wii wo nɔ̀ŋ e bànèbaneuŋ e sùà tìyèe wèè ko jàhamaŋ, màànààŋ nɔŋ nyɛ̀iŋ bi nìŋ doo nàŋ kɔ̀ lɛ.

Maafiù 23:33

Niŋ fè è nɛ̀ŋ gbiŋ eɓìèmàŋjɛ̀wɛ̀ aŋ kàì yèè aŋ jɔ̀à kòmàŋ aŋ kàì. Diè nìŋ naŋ ɓɛ̀nɛ̀ŋ dùaŋ wèè niŋ go nàŋ kɔ̀ ko jàhamaŋ ke ɗɔɔɛ̀ wo Dayà do wa nàwèè nàŋ gbàì e ɗuunyaàŋ lɛ?

Maafiù 25:41

“Kpeiŋ mìŋ do nàŋ wòò aŋ yè nyaŋ sìàìm wɔŋ kùàŋ gbɔnɔŋ nyàŋ mìàŋ, ‘Yèwa nìim feìŋ, nìŋ yaà e gbòònò Dayàa dìì. Kɔ̀àaìŋ niŋ sɛɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀ sùà, e yèɛ àŋ naŋ banebànè wèè wo Sɛ̀tanàaŋ yaà aŋ màikàuŋ nyàŋ lɛ.

Maafiù 26:59

Aŋ kànà sìèfèìŋ zòòlo nyàŋ e kpùlìà anyùùŋ gbèègbèè aŋ Juùù nyaŋ naŋ wa kàmè aŋ seì wèè aŋ jeèè wo Jisɛ̀ e keì wèè kàìsa aŋ jìwàuŋ.

Maafiù 3:17

Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo Jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Maafiù 5:34

Kɛɛ tɔ̀ miŋ woòiŋ kɛ̀, ɓɔ̀ nìŋ gboonò sèè nìŋ woà nààŋ nìŋ manaŋ wèè naŋ nyɛ̀nɛ̀ŋ e nɛ̀ŋ bà wèè wo nyùùŋ! Ɓɔ̀ nìŋ gboonò è dèè kò àìjɛnɛ̀ɛŋ diɛŋ, esaɓù kɛ̀ kuŋ wo Dayà jaa ke kpùà kanauŋ nɛɛ̀ŋ diɛŋ.

Maafiù 5:44

Kɛɛ tɔ̀ miŋ woòiŋ naàŋ kɛ̀, mànaìŋ aŋ jooiŋ nyàŋ e kìlà niŋ zoolò wèè anyùùŋ nyaŋ nimilàìŋ nyaŋ.

Luù 12:5

Tɔ̀ miŋ tɔɔ̀iŋ kɛ̀ ɓòò nìŋ kuwa naŋ dùàŋ. Dùaìŋ wo Dayà, wo yèɔ pɔɔpɔ̀ɔ̀ wɔŋ nyiiŋ nɔɔ̀ŋ, e kìlà wò kuwa e gààaŋ wèè weiŋ gbìàŋ ko jàhamaŋ. Hààwe nìim, wo Dayà nàŋ yaà wo nyùnɔ̀ɔŋ nìŋ kuwa naŋ dùàŋ wɔ!”

Luù 22:66

Nààŋ e nììɛ naŋ sìè, aŋ màmànkùmɛ̀ŋ fuɔɔ̀ŋ, aŋ kànà sìèfèìŋ zòòlo nyàŋ, yaà aŋ kààmɔ̀ɔ̀ŋ maŋ Sàwà Dayà nyaŋ naŋ dèènè koɓɛ̀ guùŋ, yèè àŋ naŋ hìɛ̀ŋ wo Jisɛ̀ anyùùŋ gbèègbèè aŋ Juùù nyaŋ fɛɛ̀feìŋ.

Jɔ̀ɔŋ 11:47

Kpeiŋ aŋ Fɛlosiì nyaŋ yèè aŋ kànà sìèfèìŋ zòòlo nyàŋ naŋ nyààŋ aŋ màmànkùmɛ̀ŋ fuɔɔ̀ŋ koɓɛ̀ guùŋ yèè àŋ naŋ nyiŋ woò nyààŋ, “Kiìŋ è naiŋ naàŋ ɓɛ̀nɛ̀ŋ nyɛ̀nɛŋ? Wo felaa wɛɛ̀ kòò wò yaà nyìnìè maŋ kèè mèè zimgbe.

Jɔ̀ɔŋ 15:25

Tɛɛ̀ naŋ nyɛ̀nɛ̀ŋ è naŋ hɛɛnɛ̀ŋ nààŋ è yaà sìnga niŋ wɔŋ fɛ̀ì maŋ sàwà nyiŋ nɔɔ̀ŋ sùà kɛ̀, ‘Anyùùŋ naim wa wùɔ̀ŋ wèè foo.’

Jɔ̀ɔŋ 7:20

Anyùùŋ nyaŋ e faaàŋ sùà naŋ fasàì nyààŋ, “Mùŋ naŋ sààŋ ke gbòà! Kiìŋ naum nyɛ̀nɛ̀ŋ mùŋ naŋ gongò kɛ̀ wo nyùùŋ bà manaŋ wèè woum jìwà?”

Jɔ̀ɔŋ 8:48

Aŋ Juùù nyaŋ naŋ wòò wo Jisɛ̀ nyààŋ, “È naum wa wòò e tɔɔɓaaà kɛ̀ mùŋ yaà wo nyùùŋ e yìwìà ko Sàmilià yèè kɛ̀ wo jinàŋ naanààŋ yààùm ko sùà.”

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 22:30

Kɛɛ wɔŋ niìsìaà bàa wo kànà aŋ kààlòòɗùà nyaŋ manaŋ wa wo nyìmàŋ e keì titiɛ̀ yèè esaɓùɛ anyùùŋ gbèègbèè aŋ Juùù nyaŋ naŋ wa jàà maŋ keì mɛɛ̀ŋ wo Pɔɔ̀ ɗì lɛ. Yèè wò naŋ gè wo Pɔɔ̀ maŋ jɔ̀ɔɔ màŋ, wò naŋ nyààŋ aŋ kànà sìèfèìŋ zòòlo nyàŋ yaà anyùùŋ gbèègbèè aŋ Juùù nyaŋ gbiŋ e dèène sùà. Kpeiŋ wò naŋ nyiŋ hìɛ̀ŋ wo Pɔɔ̀ wo nyiŋ wuŋ sèèlè fɛɛ̀feìŋ.

Nyɛ̀nɛ̀ŋ 23:1

Wo Pɔɔ̀ naŋ yɛ̀mɛ̀ anyùùŋ gbèègbèè aŋ Juùù nyaŋ dìiiŋ yèè wò naŋ woò wààŋ, “Wùìyaim nyàŋ, e gòngo mɛ̀ è yaà zɛ̀nɛŋ niŋ janjai e ɗeweɛ̀ mìŋ naŋ nyɛ̀nɛ̀ŋ wɔŋ nyiiŋ gèe siaŋ miɔ̀ŋ wo Dayà fɛɛ̀feìŋ lɛ e jèèsùà e hàì ke ɗɔɔ yɛɛ̀ nàaŋ.”

Nyɛ̀nɛ̀ŋ 24:20

Kɛɛ sèè è go yɛi nɔ̀ŋ, kɛ̀ tɔ̀ aŋ felaa nyɛɛ̀ŋ nyiŋ bi aŋ woò e keì naanààaŋ mìŋ naŋ nyɛ̀nɛ̀ŋ nààŋ mìŋ naŋ kɔ̀ anyùùŋ gbèègbèè aŋ Juùù nyaŋ fɛɛ̀feìŋ.

Nyɛ̀nɛ̀ŋ 4:15

Kpeiŋ àŋ naŋ wòò aŋ felaa nyàŋ kɛ̀ aŋ fɛɛnɛ̀ŋ weè feìŋ e yìwìà e dèèneɛ̀ sùà. Kpeiŋ anyùùŋ gbèègbèè fuɔŋ nyàŋ nao joo yèè àŋ naŋ tɔ̀ɔ̀tù ɗèwe nyiŋ wouwòù fèemàŋ.

Nyɛ̀nɛ̀ŋ 5:21

Wɔŋ niìsìaà aŋ keela nyàŋ naŋ jɔ̀ ko Saaŋ Zòòlò Dayài, nààŋ wo màikàa naŋ nyiŋ woò wèè aŋ nyɛ̀nɛ̀ŋ lɛ, yèè àŋ naŋ tɔ̀ɔ̀tù anyùùŋ nyaŋ kàa. Wo Kànà Sìèfèìŋ Zòòlo Gbeeɔ̀ yaà anyuùŋ kpùùmauŋ nyàŋ naŋ nyààŋ aŋ màmànkùmɛ̀ŋ fuɔɔ̀ŋ e kpùlìà anyùùŋ gbèègbèè fuɔŋ nyàŋ gbiŋ ko Ezɔ̀ɛ̀ wèè aŋ deenè. Kpeiŋ àŋ naŋ tùɔ̀ŋ anyùùŋ ko sààŋ nyìwìi wèè aŋ hiàŋ aŋ keela nyàŋ ko fɛɛ̀feìŋ nyiŋ niìŋ.

Nyɛ̀nɛ̀ŋ 5:27

Àŋ naŋ hìɛ̀ŋ aŋ keela nyàŋ ko saaìŋ, yèè àŋ naŋ nyiŋ sèèlè anyùùŋ gbèègbèè fuɔŋ nyàŋ fɛɛ̀feìŋ, yèè wo Kànà Sìèfèìŋ Zòòlo Gbeeɔ̀ naŋ nyiŋ tɛɛ̀ woò wààŋ,

Nyɛ̀nɛ̀ŋ 6:12

Tɛɛ̀ naŋ nyɛ̀nɛ̀ŋ anyùùŋ nyaŋ, aŋ màmànkùmɛ̀ŋ fuɔŋ nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ, aŋ kɛ̀ɛ̀nɛ̀ŋ maŋ jii fiìì wèè Siiwììŋ. Àŋ naŋ kùwò wo Siiwììŋ yèè àŋ nauŋ kɔ̀ɔ̀ koɓɛ̀ anyùùŋ gbèègbèè fuɔŋ nyàŋ.

Nyɛ̀nɛ̀ŋ 6:15

Anyùùŋ gbèègbèè fuɔɔ̀ŋ kinɛiŋ jaao wa nyàŋ naŋ gɔ̀àì wo Siiwììŋ le fɛ̀ɛ̀ yèè àŋ naŋ weè yɛmɛ̀ kɛ̀ wɔŋ dewàuŋ nɔɔ̀ŋ yaà mààŋ wɔŋ fèìŋ wo màikà.

Nyɛ̀nɛ̀ŋ 7:37

Wo Mòòzè naŋ wa wòò aŋ wùìyauŋ nyàŋ, anyùùŋ Ezɔ̀ɛ̀ nyaŋ wààŋ, ‘Wo Dayà doiŋ nàŋ tùɔ̀ŋ wo keela, màànààŋ nɔŋ wò naim wa tùɔ̀ŋ lɛ, yèè wò do nàŋ nɔ̀ŋ wo wùìyaiŋ nɔɔ̀ŋ bà guùŋ.’

Luùm 12:10

Mànaìŋ aŋ dàwi tɛ̀ɛ̀ mààŋ aŋ wùìyà ke kpòò guùŋ. Yèè nɔ̀iŋ e wùànàŋ sùà wèè niŋ tɔɔ̀ e ɓɛ̀ɛ̀jàa koɓɛ̀ aŋ dàwiiŋ nyàŋ.

1 Kɔliìŋ 6:10

ɔ̀ɔ̀ wo nyùnɔ̀ɔŋ wuo wɔ̀, ɔ̀ɔ̀ wo nyùùŋ kèè nɛ̀ŋjè, ɔ̀ɔ̀ anyuùŋ tìà maŋ mùàŋ, ɔ̀ɔ̀ wo nyuùŋ nàànààŋ ko nyààŋ, ɔ̀ɔ̀ anyuùŋ wùa, e Kànà Dayàa bà gbiŋ naàŋ wa nàwèè nàŋ nɔ̀ŋ wèè àŋ bà gbiŋ.

1 Kɔliìŋ 6:6

Kɛɛ wo wùìyaà bà kɔà wo wùìya ko zɛ̀mɛ̀ɛ̀ŋ keì aŋ dàngè anyuùŋ gò hààwè Dayà nyaŋ aŋ nyiŋ gbààì keì.

1Tɛsè 4:6

E keì lɛɛ̀ sùà, e fèèmàŋ felaa yaà jɔùŋ, wo bà gbiŋ ɓɔ̀ wò kaaɓì àŋ wùìya hààwè Dayà dàwiuŋ nyàŋ ɔ̀ɔ̀ wo nyiŋ nììngè fɛ̀ɛ̀. Èiŋ wa tɛɛ̀ woò gɔu, yèè è yààìŋ fè sùà e gòo nyìnga esaɓù kɛ̀ wo Kanaà Jisɛ̀ do nàŋ ngàìnɓù anyùùŋ nyaŋ nyɛnɛŋ maŋ keì miiŋ nyàŋ.

Taitɔ̀ 3:2

Wòò nyiŋ ɓɔ̀ àŋ woò è keì naanààŋ wèè nyùùŋ gbiŋ, kɛɛ aŋ mɔɔnɔ̀ŋ, yèè aŋ nɔ̀ŋ jii fàa sùà, yèè e teenga gbiŋ sùà aŋ tɔɔ̀ ke kpèè jii siaŋ koɓɛ̀ nyùùŋ gbiŋ.

Hiɓu 12:25

Yɛ̀mɛìŋ nyɛ̀iŋ bi diɛŋ yèè ɓɔ̀ nìŋ gè màŋhɛɛ wèè naŋ kòmàŋ kè mìè wò nyùnɔ̀ɔŋ gboo wɔ̀. Anyùùŋ nyaŋ naŋ wa gè maŋhɛɛ wèè aŋ kùmìàŋ ke mìè gbòà nɛɛmaàŋ e dììɛ diɛŋ wɔŋ Tòò Sanàa dìmɛ̀ nyaŋ, aŋ gò wa dùàŋ. Nìŋ naŋ gongò kɛ̀ nàŋ ɓɛ̀nɛ̀ŋ dùaŋ, sèè nìŋ gè maŋhɛɛ wèè naŋ jɔ̀ɔ̀lɔ̀ ke mìè gbòà nyùnɔ̀ɔŋ dìì, wò yèɔ naŋ gbòò e yìwìà ko àìjɛnɛ̀ŋ wɔ?

Hiɓu 5:9

E keì nyìngaà wo Jisɛ̀ naŋ wa kɔ̀ dìì lɛ, naŋ nyɛ̀nɛ̀ŋ wò naŋ wa nɔ̀ŋ wo nyuùŋ tùlìà jii dìà sùà, e kìlà wò naŋ nɔ̀ŋ ko tɔɔtuì wèè e jòèyè anyùùŋ nyaŋ jɔɔlɔ̀uŋ dìì nyaŋ,

Jìiiŋ 2:20

Muŋ nyuùŋ zùwoum, mùŋ manaŋ wèè maŋ tɔɔ̀ kɛ̀ e hààwe fɔɔnyɔ̀ɔ̀ŋ gò kùwìè kè nyɛ̀nɛŋ siaŋ è yaà wèè foo?

Jìiiŋ 3:6

E milèɛ è yaà mààŋ e hmɔ̀ɔ̀ŋ. È yaà e ɗuunyaŋ nyɛ̀nɛ̀ŋ kàaɓì, è jaa ko jɛ̀i niŋ niìŋ e kɔɔ wilɛ̀ sùà yèè è ɓaayà maŋ keì naanààŋ maŋ kpùnaŋ wi màŋ gbiŋ sùà. E sìà e ɗuunyaŋ nɔ̀ŋ wilɛ̀ e hmɔ̀ɔ̀ŋ e yèɛ hnàŋ ko nɛ̀ɛ̀iŋ niìŋ e yìwìà ko jàhamaŋ kuŋ bi lɛ̀.

1Pììlɛ 2:23

E teengaà àŋ yàaùŋ wa pɔ̀ɔ sùà ɓɛ̀ɛ lɛ̀, wo gò kɛ̀lɛ̀ɛ̀ è ɓɛ̀ɛ̀pɔ̀ɔ koɓɛ̀ nyùùŋ, e teengaà wò yaà kɔ̀ɔ̀yɛ̀ keì nyìnga dìì lɛ, wo gò sìà nyùùŋ gbiŋ è jùù, kɛɛ wò kùwìè ke jii tùlia wo Dayà sùà, wo Dayàa gbaì e tɔ̀ɔ̀nyaàaŋ wɔ̀.

1Pììlɛ 3:9

Ɓɔ̀ nìŋ giiyà è kpàŋ keì naanààŋ è keì naanààŋ ɔ̀ɔ̀ è kpàŋ gbòòno è gbòòno. Gììyaìŋ niŋ e zòòlo sùà esaɓù kɛ̀ e zòòlo nàŋ yaà e nɛ̀ɛŋ wo Dayà naŋ ɓèmè e ɗààhiì wèè woiŋ kiɛ̀ŋ nààŋ wò naiŋ nyààŋ.

1Jɔ̀ɔŋ 2:9

Sèè eiŋ woò wìàà è yààìŋ e gbolòuŋ sùà, kɛɛ è naiŋ wùɔ̀ŋ aŋ wùìyà wi nyàŋ, kɛ̀ kòò è yààìŋ nɔŋ kpɛ ke nyìwìɛ sùà sààmɛ pɛɛ.

1Jɔ̀ɔŋ 3:10

E tɛɛ gòòno sengèìɛ e fèèmàŋ aŋ jɔ̀à Dayà nyaŋ yèè anyùùŋ màŋjɛ̀wɛ̀ Sɛ̀tanàŋ nyaŋ nàŋ yaà, aŋ yè nyaŋ nyɛnɛŋ e yèɛ yaà tɔ̀ɔ̀nyaàŋ lɛ, nyiŋ nàŋ yaà aŋ jɔ̀à Dayà nyaŋ, yèè aŋ yè nyaŋ manàŋ àŋ wùìya nyiŋ nyàŋ lɛ naŋ yaà anyùùŋ màŋjɛ̀wɛ̀ Sɛ̀tanàŋ nyaŋ.

1Jɔ̀ɔŋ 5:16

Sèè maŋ yɛ̀mɛ̀ wo wùìya mɔɔ̀ŋ bà wò nyɛ̀nɛ̀ŋ e kèì jùumù e yèɛ fòuŋ wa nàwèè gè wɔ̀ŋ nyiiŋ gèe gò jùàa sùà lɛ, dàwè Dayà wèè wo kiɛ̀ŋ wo nyùùŋ wii wɔŋ nyiiŋ gèe gò jùà. Kɛɛ ɓɔ̀ è nɔ̀ŋ è jùumùɛ yèɛ do nàŋ nyɛ̀nɛ̀ŋ wò nyùùŋ wii nàwèè sòò wɔ̀ŋ nyiiŋ gèe gò jùà lɛ.

Juù 1:9

E teengaà wo Dɛwìɔ yaà wo kànà aŋ màikà nyaŋ wo Maikɔ̀ àŋ yaà wa kpàànè kpaane sùà nyààŋ e nyaàiŋ dè kɛ̀ ɓòò nàŋ ɓemàŋ e dìè wɛ̀ijìɔ Mòòzeɛ̀ wèè aŋ niŋ sìà lɛ, wo Maikɔ̀ gò wa nyìnìàŋ wò Dɛwìɔ è tɛɛmànaŋ wèè wouŋ wòò è keì naanààŋ, kɛɛ wò naŋ woò wààŋ, “Wo Kanaà Dayà nàŋ doum nàŋ hèè e kiti diɛ̀ŋ.”

Maŋ kèì nyɛɛnɛŋ 20:14

Wo Dayà naŋ gbìɛ̀ŋ e fàa e ɗùùnyàŋ anyuùŋ fàa nyàŋ e hmɔɔ̀ŋ kùwa gbee sùà. E hmɔɔ̀ŋ kùwa gbee lɛɛ̀ nàŋ yaà e fàa dìà tìyèeɛ̀.