Maafiù 5:20 - WƆŊ FƐ̀Ì EBÒ SÌÀŊ DAYÀA

²⁰ Sɔɔ̀ naŋ jɔ̀ɔ̀lɔ̀ màŋ Sàwà Dayà maŋ dìì tɛ̀ɛ̀ e nìàŋ anyùùŋ nyaŋ àŋ nyaaŋ aŋ Fɛlosiì nyaŋ yèè e ɗeweɛ̀ aŋ kààmɔ̀ɔ̀ŋ maŋ Sàwà Dayà nyaŋ jɔɔlɔ̀ mìŋ dìì lɛ. Tɔ̀ miŋ woòiŋ, sèè nìŋ go miŋ jɔ̀ɔ̀lɔ̀ dìì è tɔ̀ɔ̀nyaàŋ sùà, niŋ naàŋ wa nàwèè kɔ̀ è Kànà kò àìjɛnɛ̀ɛŋ sùà.

Maafiù 5:20 ပူးပေါင်းရင်းမြစ်များ

Maafiù 16:12

Kpeiŋ àŋ naŋ ngàà nyìmè kɛ̀ wo Jisɛ̀ fè nyìŋ weè kìɛ̀ŋ sùà è gòo wèè è nyaàiŋ dè è sòi jùwìà gbɔ̀uɛ̀, kɛɛ aŋ yɛmɛ̀ nyiŋ bi diɛŋ wèè e kàà aŋ Fɛlosiì nyaŋ yèè aŋ Sadusiì nyaŋ.

Maafiù 18:5

Wo nyùnɔ̀ɔŋ gbiŋ naŋ jàà wo jɔ̀àkàiŋ mààŋ wɛɛ̀ bà guùŋ kùàŋ dìì esaɓù e deè mɛ̀ wɔ, wo nyùùŋ bi wòim jàà kùàŋ dìì.”

Maafiù 3:10

E gbuu kòò è yaà naàŋ nɛ̀wɛ niŋ tɛ wèè e kɛ̀ɛ̀kɛ̀ɛ̀ maŋ kùù maŋ e hàì koɓɛ̀ maŋ kuù gùlò maŋ. Ke kùù gbiŋ ke yèɛ gò kòmàŋ maŋ kuù kòmàŋ kɛnɛ yɛ̀, kè do nàŋ nɔ̀ŋ kɛ̀ɛ nyiŋ aŋ nyiŋ gbìàŋ ko hmɔ̀iŋ.

Maafiù 7:21

“Anyùùŋ nyaŋ gbiŋ nyààìm ‘Kanaà, Kanaà’ nyaŋ, nààŋ naàŋ kɔ̀ è Kànà àìjɛnɛ̀ɛŋ sùà, sɔɔ̀ nɔŋ aŋ yè nyaŋ do nàŋ nyɛ̀nɛ̀ŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè aŋ nyɛ̀nɛ̀ŋ lɛ.

Luù 11:44

E keì nyìnga do nàŋ nɔ̀ŋ ko nɛ̀ɛ̀iŋ niìŋ! Nìŋ yaà mààŋ maŋ hùàaŋ gò kɛ̀ɛ̀nɛ̀ŋ fee maŋ yè maŋ anyùùŋ kaaìŋ diɛŋ esaɓù kɛ̀ aŋ nyimààŋ è kiiŋ miŋ, e nyiŋ nyɛ̀nɛ̀ŋ aŋ nɔ̀ŋ anyuùŋ gò zɛ̀nɛ̀ŋ wo Dayà fɛɛ̀feìŋ.”

Luù 12:1

Nààŋ e fààŋ anyuùŋ kpùuŋ zimgbe naŋ wa dèènè koɓɛ̀ guùŋ wo Jisɛ̀ kɔɔ àŋ gè nyàwè nyàwè aŋ dàwi, wo Jisɛ̀ naŋ fè anyùùŋ màŋjɛ̀wɛ̀uŋ nyàŋ jiɛ̀ e gòo wààŋ, “Yɛ̀mɛìŋ nyɛ̀iŋ bi diɛŋ e nyaàiŋ dè e sòi jùwìà e gbɔ̀ù aŋ Fɛlosiì nyaŋ. Mìŋ sɔ̀à e kàà e keì jàà fɛ̀ɛ̀ sùà nyiŋ nɛ̀. E je nyiŋ ɗeweɛ̀ lii àŋ zuwà nyùùŋ.

Luù 18:17

Mìŋ yààìŋ wòò sùà e tɔɔɓaaà kɛ̀, wo nyùnɔ̀ɔŋ gbiŋ gò jɔ̀ɔ̀lɔ̀ è Kànà Dayàa dìì mààŋ wò jɔ̀àkàiŋ wɔ̀, julɔfɔ wo fè nàwèè kà è kanauŋ nɛ̀ sùà.”

2 Kɔliìŋ 3:9

Sèè ke nyɛ̀nɛɛ̀ŋ hiàŋ e nìmìlà fàa lɛ̀ naŋ kùwìè e jòòwo, kɛ̀ ke nyɛ̀nɛɛ̀ŋ hiàŋ e jòèye lɛ̀ do nàŋ kùwìè e jòòwo gbee!

2 Kɔliìŋ 5:17

Wo nyùnɔ̀ɔŋ gbiŋ naŋ dè wo Jisɛ̀ Kulaì maŋjɛ̀wɛ wɔ̀, wò yaà naàŋ wo nyuùŋ jɛ̀ì, wo gɔuɔ̀ wò ka, wo jɛ̀ìɔ wò hnàŋ.

Fèle 3:9

yèè wèè ka jàànè miàŋ bi koɓɛ̀ Jisɛ̀ Kulaìi. Miŋ kuwà ɓɛìŋ è tɔ̀ɔ̀nyààŋ miàŋ bi, e yèɛ nafàìm sèè mìŋ jɔɔlɔ̀ maŋ Sàwà maŋ dìì lɛ. E yèɛ mìŋ kuwa naàŋ lɛ nàŋ yaà, wo Dayà wòim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, e tɔ̀ɔ̀nyaàaŋ yewe wo Dayà sìwè yèè e nyaàiŋ naŋ dè e hààwe lɛ̀.

Hiɓu 12:14

Kàmeìŋ ɗewe niŋ nyiniàŋ maŋ nyiiŋ gèeiŋ màŋ ke jii fàa sùà anyùùŋ nyaŋ gbiŋ e fèemàŋ, yèè niŋ nyiniàŋ maŋ nyiiŋ gèeiŋ màŋ nɛɛmaŋ sùà, esaɓù kɛ̀ wo nyùùŋ gbiŋ naàŋ yɛ̀mɛ̀ wò Kanaà sèè wò go niŋ nyɛ̀nɛ̀ŋ.

Maŋ kèì nyɛɛnɛŋ 21:27

E nɛ̀ŋ gò zɛ̀nɛ̀ŋ gbiŋ naàŋ jɔ̀ kò jawa gbeeì, e kìlà wo nyùnɔ̀ɔŋ gbiŋ wò kuwa ke jii kùwà ninaŋ wɔ̀ ɔ̀ɔ̀ wo yèɔ tɔɔ wɔ̀ wo naàŋ jɔ̀ kò jawa gbeeì. Anyùùŋ nyaŋ nɔŋ nàŋ doo nàŋ jɔ̀ nyaŋ nàŋ yaà anyùùŋ nyaŋ maŋ deè nyiŋ màŋ yaà sìnga miŋ wɔ̀ŋ fɛ̀ì fùngò fùngò Ɓaawaaà sùà e nyaàiŋ dè aŋ yè nyaŋ kuwa nyiiŋ gèe wèè julɔfɔ nyàŋ.