Maafiù 5:17 - WƆŊ FƐ̀Ì EBÒ SÌÀŊ DAYÀA

¹⁷ “Ɓɔ̀ nìŋ gongò kɛ̀ mìŋ naŋ hnè wèè ka jàà maŋ Sàwà Dayà maŋ yèè maŋ mìè gbìàŋ aŋ wɛ̀ijì nyaŋ ɓula. Miŋ gò hnàŋ wèè ka miŋ noo gè, kɛɛ mìŋ naŋ hnè wèè ka tɔ̀ɔ̀ e fàsai kɛnɛ miŋ nɛ̀ e hɛɛnɛ̀ŋ.

Maafiù 5:17 ပူးပေါင်းရင်းမြစ်များ

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Maafiù 7:12

“Tùwoìŋ tɛ̀ɛ̀ koɓɛ̀ anyuùŋ kpùuŋ dàwiiŋ nyàŋ màànààŋ nìŋ manaŋ wèè aiŋ tuwò lɛ. Tɛɛ̀ nàŋ yaà e fàsàì maŋ Sàwà Dayà maŋ yaà e yèɛ aŋ wɛ̀ijì nyaŋ naŋ wa kaà lɛ.

Luù 16:17

Ko àìjɛnɛ̀ŋ yaà e ɗuunyaàŋ do wa nàwèè nàŋ hàì ko dìa, kɛɛ e pɛɛ nɔ̀ŋ ke tomi jɔa maŋ Sàwà maŋ sùà, ke naàŋ nɔ̀ŋ dao ge nyiŋ.

Jɔ̀ɔŋ 8:5

Ke Sàwà wiɛ̀ sùà wo Mòòze naŋ woò wààŋ aŋ hɔ̀wà wo jɔùŋ mààŋ wɛɛ̀ le dùò e jeèsùà wo fà. Sèè è nɔ̀ŋ yɛi, kiìŋ mùŋ kuwa maŋ woò e keì bi sùà?”

Nyɛ̀nɛ̀ŋ 18:13

Àŋ naŋ wòò wo Gàliò nyààŋ, “Wo felaa wɛɛ̀ yaà kààmè ɗewe wèè wo nyɛ̀nɛ̀ŋ anyùùŋ nyaŋ gbiŋ àŋ zòòlò Dayà e ɗeweɛ̀ maŋ sàwà wi màŋ gò tɔɔ̀ lɛ.”

Nyɛ̀nɛ̀ŋ 21:28

Kpeiŋ àŋ naŋ tɔ̀ɔ̀tù kpàaŋ nyààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kìɛìŋ e kpùùmaŋ! Wo felaa wɛɛ̀ nàŋ yaà kàà sùà anyùùŋ nyaŋ gbiŋ maŋ tàta màŋ sùà kɛ̀ aŋ fè anyuùŋ wi nyàŋ jɛwɛ e kìlà ɓɔ̀ àŋ jɔɔlɔ̀iŋ maŋ Sàwà maŋ wo Dayà naŋ kìɛ̀ŋ Mòòze màŋ dìì; eɓìèmàŋjɛ̀wɛ̀ tii, wò naŋ hìɛ̀ŋ anyùùŋ nyaŋ fè àŋ Juùù nyaŋ wo nyiŋ jɔ̀ɔ̀yɛ̀ ko Saaŋ Zòòlò Dayài, yèè wò gè e ɓɛ̀ɛ̀jàa zɛ̀nɛɛ̀ŋ ko zòòlò nɛɛmaŋ yaà!”

Nyɛ̀nɛ̀ŋ 6:13

Kpeiŋ àŋ naŋ hìɛ̀ŋ aŋ sèì kàaɓì nyiŋ nyàŋ wèè aŋ tuuyà wo Siiwììŋ. Àŋ naŋ woò nyààŋ, “Wo felaa wɛɛ̀, ke ɗɔɔ gbiŋ wò woà e keì naanààŋ nyaàiŋ dè ke Sààŋ Zòòlò Nɛɛmaŋ wiɛ̀ yèè maŋ Sàwà Dayà maŋ.

Luùm 10:4

Wo Jisɛ̀ Kulaì naŋ wa hìɛ̀ŋ maŋ Sàwà maŋ ko dìa, wèè kɛ̀ anyùùŋ nyaŋ gbiŋ kɛɛnɛ̀ŋ hààwe nyàŋ, àŋ do nàŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài.

Luùm 3:31

Tɛɛ̀ ɓɛ̀nɛ̀ŋ tɔ̀ɔ kɛ̀ esàɓù e hààwe lɛɛ̀ e jàaiŋ maŋ Sàwà Dayà maŋ ɓula? Kpele! E fè yɛi gbiŋ. Kɛɛ tɔɔɓaa è kuwo maŋ Sàwà maŋ kpaŋ e kìlà eiŋ miŋ jɔ̀ɔ̀lɔ̀ dìì tɛ̀ɛ̀.

Luùm 8:4

Wo Dayà naŋ wa tɛɛ̀ nyɛ̀nɛ̀ŋ wèè kɛ̀ yàwi nààŋ yè nyaŋ yààìŋ nyiiŋ gèeɔ̀ sùà nyaŋ eiŋ jɔ̀ɔ̀lɔ̀ ke Sàwàa dìì esàɓù wo Jìnàŋ Dayàa sùà, kɛɛ e fè wèè kè nyɛ̀nɛ̀ŋ è kèìŋ nyuùŋkpùuŋ nɛ̀.