Maafiù 5:15 - WƆŊ FƐ̀Ì EBÒ SÌÀŊ DAYÀA

¹⁵ E kìlà wo nyùùŋ gbiŋ fè sìà è laumpò wo niŋ hòà wɔ̀ŋ pòum dìì. Wò jàa niìŋ koɓɛ̀i e laumpòɛ jaà lɛ wèè e kìɛ̀ŋ anyùùŋ nyaŋ gbiŋ e gbolòùŋ ko saaìŋ.

Maafiù 5:15 ပူးပေါင်းရင်းမြစ်များ

Luù 11:33

“Wo nyùùŋ gbiŋ fè sìà è laumpò kpeiŋ wo niŋ nyɛɛnɛ̀ŋ ɔ̀ɔ̀ wo niŋ hòà wɔ̀ŋ pòum dìì. Wò jàa niìŋ koɓɛ̀i e laumpòɛ jaà lɛ wèè e kìɛ̀ŋ anyùùŋ nyaŋ jɔ̀à ko saaìŋ nyaŋ e gbolòùŋ.

Luù 11:36

Sèè ke kpùnaŋ mɔɛ̀ŋ gbiŋ kè nɔ̀ŋ e gbolòùŋ sùà, e yèɛ ke bà gbiŋ fè kè nyìwì sùà, ke gbiŋ do nàŋ mɛ̀ɛ̀ŋ, màànààŋ e gbòlòùŋ laumpòɛ mɛɛŋ ko nɛ̀ɛ̀ŋ muìŋ lɛ.”

Luù 8:16

“Wo nyùùŋ gbiŋ fè sìà è laumpò wo niŋ hòà wɔ̀ŋ pòum ɔ̀ɔ̀ wɔ̀ŋ gbùmaŋ dìì. Wò jàa niìŋ koɓɛ̀i e laumpòɛ jaà lɛ wèè e kìɛ̀ŋ anyùùŋ nyaŋ jɔ̀à ko saaìŋ nyaŋ e gbolòùŋ.

Fèle 2:15

wèè kɛ̀ nìŋ naŋ ɓɛ̀nɛ̀ŋ nɔ̀ŋ aŋ jɔ̀à gò kɛ̀ɛ̀nɛ̀ŋ tɔ̀mɛ nyàŋ, aŋ yè nyaŋ e keì gò jeè nyaŋ wèè wo Dayà. Nìŋ joà anyùùŋ e tɛɛ e ɗuunyaàŋ aŋ yè nyaŋ naŋ dìè kàaɓì yaà maŋ keì naanààŋ. Kàmeìŋ ɗewe niŋ mɛ̀ɛ̀ŋ mààŋ e gbòlòùŋ maŋ ɗu ke nyiliɛ̀,

Hiɓu 9:2

Anyùùŋ naŋ wa nyɛ̀lɛ̀ ke vààyà Dayàa. Ko tàamàŋ jiɛ̀jiɛɛ̀i ke vààyàa dìì, kuŋ àŋ nyaaŋ wa ko Nɛ̀nɛ̀ŋ Nɛɛmaìŋ. Manɛ̀ŋ maŋ yaà wa koɓɛ̀ bi màŋ nàŋ yaà ke kuù sɛ̀ɛ̀ maŋ laumpò, yèè wɔ̀ŋ gbɛ̀gbɛ̀ɔ wɔŋ yèɔ àŋ jaa wa e gbɔ̀ù nɛɛmaàŋ diɛŋ e yèɛ àŋ kìɛ̀ŋ wo Dayà lɛ.

Maŋ kèì nyɛɛnɛŋ 2:5

Gòngoìŋ e kèè koɓɛ̀i nìŋ yaà wa paŋgàà nìŋ naŋ sɔ̀ɔ̀ lɛ. Kìlaìŋ koɓɛ̀ Dayài niŋ nyɛ̀nɛ̀ŋ e yèɛ nìŋ naŋ wa nyɛ̀nɛ̀ŋ jiɛ̀ lɛ. Sèè nìŋ go kìlà, mìŋ do nàŋ hnè ko nɛ̀ɛ̀iŋ niìŋ ka ɓèmè maŋ kuù sɛ̀ɛ̀ laumpòiŋ màŋ e yìwìà koɓɛ̀i màŋ jaa lɛ̀.