Maafiù 5:12 - WƆŊ FƐ̀Ì EBÒ SÌÀŊ DAYÀA

¹² Sèè tii kaàiŋ, gèeìŋ zɔlɔ̀ yèè niŋ nɔ̀ŋ ke jii fàa sùà, esaɓù kɛ̀ wo Dayà doiŋ nàŋ kìɛ̀ŋ e jìwààjɛ̀wɛ̀ gbee ko àìjɛnɛ̀ŋ. E ɗèwè guùŋ lɛɛ̀ sùà nɔŋ anyùùŋ naŋ wa nìmìlà aŋ wɛ̀ijì nyaŋ yààìŋ wa tɛɛ nyàŋ e teenga gɔu sùà.

Maafiù 5:12 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 6:16

“Sèè mùŋ kuwo ke tɔùŋ, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do nyìmàŋ kɛ̀ mùŋ yaà kè tɔùŋ, màànààŋ anyuùŋ jàà fɛ̀ɛ̀ keì foo nyàŋ nyɛnɛŋ lɛ̀. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Luù 13:34

Wo Jisɛ̀ wààŋ, “Kuoo nyɛ̀iŋ nààŋ nyùnòò Jùlusɛ̀làm nyaŋ! Anyunùiŋ nyàŋ naŋ wa jìwè aŋ wɛ̀ijì nyaŋ, àŋ naŋ hɔ̀wɔ̀ aŋ keela nyàŋ wo Dayà naŋ wa tùɔ̀ŋ ko nɛ̀ɛ̀iŋ niìŋ nyaŋ. E teenga zimgbe mìŋ naŋ nyɛ̀nɛ̀ŋ wànàŋ wèè kaiŋ gbònògbònò koɓɛ̀ guùŋ, màànààŋ wo tɔɔ boolìɔ gbonàŋ aŋ tɔɔjɔauŋ nyàŋ maŋ gbauŋ màŋ dìì lɛ. Kɛɛ niŋ gò wa nyimèè wèè mìŋ doiŋ gbònò kòɓɛ̀ guùŋ.

Luù 6:23

Sèè tii kaaìŋ, gèeìŋ zɔlɔ̀, niŋ vaì niŋ dè esaɓù kɛ̀ nìŋ yaà e zɔlɔ̀ gbee sùà. Wo Dayà doiŋ nàŋ kìɛ̀ŋ e jìwààjɛ̀wɛ̀ gbee ko àìjɛnɛ̀ŋ. E kèì guùŋ lɛɛ̀ nɔŋ aŋ nèwàènèwe nyiŋ nyàŋ naŋ wa nyìnìè aŋ wɛ̀ijì nyaŋ wo Dayà naŋ wa tùɔ̀ŋ nyaŋ.”

Luù 6:35

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

Nyɛ̀nɛ̀ŋ 16:25

E tèèngà wɔŋ duùm hàì tɛɛ wo Pɔɔ̀ yèè wo Silà naŋ tɔ̀ɔ̀tù zòòlo yèè àŋ yaà dàà sùà maŋ nùŋ tɛ̀nɛŋ koɓɛ̀ Dayài, yèè aŋ pèesìnàŋ gbànaŋ nyàŋ ko sààŋ nyìwìi yaà nyiŋ wa kùmiaŋ sùà.

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

Luùm 5:3

Kɛɛ tii fè è gbiŋ! E gèìŋ ɓɛìŋ zɔlɔ̀ e keì nyìnga wilɛ̀ sùà, esaɓù èiŋ nyìmàŋ kɛ̀ e keì nyìnga kpuumàŋ wì eiŋ kùwà koɓɛ̀ guùŋ kpaŋ e kìlà e zɔ̀kpɔ̀ fè wi nyɛ̀nɛ̀ŋ è hààwe wilɛ̀ sùà.

1 Kɔliìŋ 3:8

Wo nyùnɔ̀ɔŋ naŋ nyùɔ̀ŋ wɔ, yaà wo nyùnɔ̀ɔŋ naŋ gɔ̀àà maŋ màì wɔ, e tɛɛ gòòno gbiŋ fè nyiìŋ è fèemàŋ. Wo Dayà do nàŋ pààwà nyùùŋ gbiŋ màànààŋ wò naŋ tomo lɛ̀.

2 Kɔliìŋ 4:17

Maŋ keì nyìnga nyɛɛ̀ mɛɛ̀ŋ wèè e teenga kpuu, màŋ yaà wì bànèbane sùà wèè e jòòwo gò jùà. E yèɛ do nàŋ nyɛ̀nɛ̀ŋ maŋ keì nyìnga wi màŋ gbiŋ maŋ nɔ̀ŋ mààŋ maŋ fè è nɛ̀ŋ bà gbiŋ sùà lɛ.

Fèle 1:29

Wo Dayà naiŋ kìɛ̀ŋ e ɗeweɛ̀ wèè naŋ tomo wèè wo Jisɛ̀ Kulaì, e fè nɔŋ wèè nauŋ kùwìè è hààwe tiŋ guùŋ sùà, kɛɛ sɔɔ̀ naŋ kà e keì nyìnga dìì e weèuŋ.

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

Kòlo 3:24

Jàaìŋ jii kɛ̀ wo Kanaà Jisɛ̀ Kulaì doiŋ nàŋ kiɛ̀ŋ wèè e nɔ̀ŋ e jìwààjɛ̀wɛ̀ e yìwìà e yèɛ wò naŋ bànè hàa wèè anyunùuŋ nyàŋ lɛ sùà. Wo Jisɛ̀ nàŋ yaà wo Kɛ̀ɛ̀nɛŋ kɛnɛɔ̀ nìŋ jɔɔlɔ̀ dìì wɔ.

1Tɛsè 2:15

aŋ yè nyaŋ naŋ wa jìwè wo Kanaà Jisɛ̀ Kulaì yaà aŋ wɛ̀ijì nyaŋ, yèè àŋ naŋ wi mɔɔnɛ̀ŋ nyaŋ. Ke jii sùlia yaà wo Dayà weè nyiŋ! Àŋ fè anyùùŋ gbiŋ e keì nyìnga.

Hiɓu 10:34

Nìŋ kuwa wa ke nyowo, yèè nìŋ naŋ tuwò tɛ̀ɛ̀ koɓɛ̀ anyùùŋ nyaŋ yaà wa ko sààŋ nyìwì nyaŋ. Yèè àŋ naŋ wa nyimèè wèè anyùùŋ aŋ ɓèmè manɛ̀ŋ siwè nyiŋ màŋ gbiŋ esaɓù, nàŋ nyìmàŋ kɛ̀ nìŋ kuwa e nɛ̀ŋ kɛnɛ, e nɛ̀ŋ kɛnɛ e yèɛ do nàŋ nɔ̀ŋ wèè julɔfɔ lɛ̀.

Hiɓu 11:26

Wo Mòòze wa nyìmàŋ kɛ̀ wèè maŋ kà e keì nyìnga dìì wèè wo nyùnɔ̀ɔŋ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, è kuwa e nàfa e nìàŋ sùlò bàneɛ̀ ko Ijè, esaɓù kɛ̀ wò yaà wa yɛ̀ɛ̀mɛ̀ dòmaŋ wèè e jìwààjɛ̀wɛ̀ ko dòmàŋfeìŋ nɛ.

Hiɓu 11:33

E yìwìà esàɓù hààweɛ̀ àŋ kuwa wa lɛ̀, àŋ naŋ sùmìè maŋ kànà fuɔŋ ɗi yèè àŋ naŋ miŋ ɓùlò. Àŋ naŋ wa nyɛ̀nɛ̀ŋ tɔ̀ɔ̀nyaàŋ, yèè wo Dayà naŋ nyiŋ wa kìɛ̀ŋ e nɛ̀ɛŋ wò naŋ wa jɔ̀ɔ̀ e ɗààhiì wèè wo nyiŋ kiɛ̀ŋ lɛ. Àŋ naŋ wa ɓùwò maŋ nyààŋ aŋ nyàa nyàŋ,

Hiɓu 11:6

Wo nyùùŋ gbiŋ fè ɓɛ̀nɛ̀ŋ nyɛ̀nɛ̀ŋ è yèɛ wò Dayà manàŋ lɛ̀ sèè wò go kɛ̀ɛ̀nɛ̀ŋ hààwe, esaɓù kɛ̀ wo nyùnɔ̀ɔŋ gbiŋ hnàŋ wo koɓɛ̀ Dayài wɔ̀ kuwa wo kɛ̀ɛ̀nɛ̀ŋ hààwe kɛ̀ wo Dayà yaà wɔŋ nyiiŋ gèeɔ̀ sùà, yèè wò kiɛ̀ŋ e jìwààjɛ̀wɛ̀ koɓɛ̀ anyùùŋ gbiŋ kamàuŋ nyaŋ.

Jìiiŋ 1:2

Nyɛ̀iŋ nààŋ wùìyaim nyàŋ gèeìŋ e zɔlɔ̀ gbee sèè e wàà maŋ keì nyìnga kà tinàŋ gbiŋ fòlòìŋ feìŋ,

Jìiiŋ 5:10

Wèè e tɔ̀ɔ̀màŋsèì e mɔ̀ɔ̀nɛŋ yèè ke jii kùwa, nyɛ̀iŋ nààŋ wùìyaim nyàŋ, yɛ̀mɛìŋ weè aŋ wɛ̀ijì nyaŋ naŋ wa gbùùyè e dèè Kanaà Dayà diɛ̀ŋ nyàŋ.

1Pììlɛ 4:13

Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.