Maafiù 4:4 - WƆŊ FƐ̀Ì EBÒ SÌÀŊ DAYÀA

⁴ Kɛɛ wo Jisɛ̀ naŋ fàsàì wo Sɛ̀tanàaŋ wààŋ, “È yaà sìnga niŋ wɔŋ fɛ̀ì Dayàa sùà yèè wɔ̀ŋ naŋ woò wààŋ kɛ̀, ‘Anyùuŋ kpùuŋ ɓɔ̀ àŋ nɔ̀ŋ nɔŋ wɔ̀ŋ nyiiŋ gèeɔ̀ sùà wèè è nɛ̀ŋje tiŋ guùŋ, kɛɛ sɔɔ̀ aŋ tùlìà kè miè gbòa gbiŋ ke yèɛ naŋ fòlò wò Dayà nyààŋ lɛ ke jii.’ ”

Maafiù 4:4 ပူးပေါင်းရင်းမြစ်များ

Maafiù 15:11

E nɛ̀ŋjeɛ̀ kɔ̀àùm kò sùà lɛ, e fòum nyɛ̀nɛ̀ŋ maŋ nɔ̀ŋ wò nyuùŋ gò zɛ̀nɛ̀ŋ, sɔɔ̀ e nɛ̀ɛŋ fuliàùm ko nyààŋ lɛ, tiŋ nàŋ nyɛ̀nɛ̀ùm maŋ nɔ̀ŋ wo nyuùŋ gò zɛ̀nɛ̀ŋ.”

Maafiù 4:10

Wo Jisɛ̀ nauŋ fasàì wààŋ, “Yewà kià, Sɛ̀tanàaŋ! È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Maafiù 4:7

Wo Jisɛ̀ nauŋ fasàì wààŋ, “Kɛɛ wɔŋ fɛ̀ì Dayàa naŋ ɓɛìŋ woò wààŋ, ‘Ɓɔ̀ mùŋ gbìàŋ wò Kana mɔɔ̀ŋ wò Dayà mɔɔ̀ŋ è wàa dìì.’ ”

Luù 4:12

Wo Jisɛ̀ nauŋ fasàì wààŋ, “Kɛɛ wɔŋ fɛ̀ì Dayàa naŋ ɓɛìŋ woò wààŋ, ‘Ɓɔ̀ mùŋ gbìàŋ wò Kanaà wò Dayà mɔɔ̀ŋ è wàa dìì.’ ”

Luù 4:4

Kɛɛ wo Jisɛ̀ naŋ fàsàì wo Dɛwìɔ wààŋ, “È yaà sìnga niŋ wɔŋ fɛ̀ì Dayàa sùà kɛ̀, ‘Anyùuŋ kpùuŋ ɓɔ̀ àŋ nɔ̀ŋ nɔŋ wɔ̀ŋ nyiiŋ gèeɔ̀ sùà wèè è nɛ̀ŋje tiŋ guùŋ.’ ”

Luù 4:8

Kpeiŋ wo Jisɛ̀ nauŋ fasàì wààŋ, “È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Jɔ̀ɔŋ 15:26

“Kpeiŋ mìŋ doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ yewe koɓɛ̀ wo Dèdaà wɔ yèè wò doiŋ nàŋ wòò e tɔ̀ɔ̀nyaàaŋ. Yèè wò doiŋ nàŋ kpuumò woiŋ wòò e tɔ̀ɔ̀nyaàaŋ e nyaàiŋ eim dè.

Jɔ̀ɔŋ 6:63

Wo Jìnàŋ Kanaà Dayà nàŋ kiɛ̀ŋ wo nyùùŋ wɔŋ nyiiŋ gèe. E nɛ̀ŋ kɛnɛ gbiŋ e fè è gààŋ nyuùnkpùuŋ sùà wèè e kìɛ̀ŋ wò nyùùŋ wɔ̀ŋ nyiiŋ gèe. Maŋ mìè maŋ mìŋ naŋ gbòò ko nɛ̀ɛ̀iŋ niìŋ maŋ, màŋ nyɛnɛŋ wo Jìnàŋ Kanaà Dayà woiŋ nɔ̀ŋ ko sùà, wo yèɔ kiɛ̀ŋ wɔŋ nyiiŋ gèe wɔ̀.

Luùm 15:4

Maŋ keì maŋ gbiŋ yaà sìnga miŋ wɔŋ fɛ̀ì Dayàa maŋ, naŋ nɔ̀ŋ sìnga miŋ wèè maŋ wi kaà, yèè maŋ wi kìɛ̀ŋ ke jii tɔumtɔ̀ùm yaà ke jii nyingè wèè eiŋ kùwìè ke jii tùlia, ke yèɛ wɔŋ fɛ̀ì Dayàa naŋ wi kiɛ̀ŋ lɛ.

Ɛfesɔ̀ 6:17

Jàaìŋ e jòèye kùàŋ dìì e nɔ̀ŋ mààŋ ke ɓɔ̀ɗì ɗùà, yèè ke mìè Dayà ke nɔ̀ŋ mààŋ e kòyà ɗùàa wo Jìnàŋ Nɛɛmaàŋ naiŋ kiɛ̀ŋ lɛ.