Maafiù 4:25 - WƆŊ FƐ̀Ì EBÒ SÌÀŊ DAYÀA

²⁵ Ke gbòò anyuùŋ gbee nauŋ dè maŋjɛ̀wɛ e yìwìà wɔŋ fùɔ̀ŋ Galaliìɔ, e kpùlìà maŋ kpàlàùŋ kpàlàùŋ maŋ gbiŋ sùà Maŋ Jàwà Ɗì Zììyà maŋ sùà, e yìwìà ko jawa gbeeì Jùlusɛ̀làm, e yìwìà maŋ kpàlàùŋ kpàlàùŋ maŋ bà sùà wɔŋ fùɔ̀ŋ Jùdià, yèè e dììɛ wɔŋ fàa bàa e Wùìyè Jɔɔɗììŋ nɛ kɔɔ.

Maafiù 4:25 ပူးပေါင်းရင်းမြစ်များ

Maafiù 12:15

Nààŋ wo Jisɛ̀ naŋ wa kòmò kɛ̀ aŋ Fɛlosiì nyaŋ naŋ ɗewè wèè auŋ jìwà, wò naŋ ɓèmè anyùùŋ màŋjɛ̀wɛ̀uŋ nyàŋ yèè wò naŋ yèwè koɓɛ̀ wii wo kà koɓɛ̀ bà. Anyuùŋ zimgbe e kpùlìà anyuùŋ sàaŋ nauŋ wa dè maŋjɛ̀wɛ, esaɓù kɛ̀ àŋ manaŋ wa wèè wo nyiŋ sùngà, yèè wò naŋ sùngò anyuùŋ sàaŋ nyàŋ gbiŋ,

Maafiù 19:2

E faaŋ nauŋ ɓɛìŋ kuii dèènè kɔɔ, yèè wo naŋ sùngò maŋ sàaŋ nyiŋ màŋ.

Maafiù 4:15

“E dììɛ maŋ kpàlàùŋ kpàlàùŋ maŋ sùà ko Zɛɓulɔ̀ùŋ yaà ko Nataliì, e tèèngà koɓɛ̀ ke dòmaàŋ kɔ̀à koɓɛ̀ wɔŋ juwoɔ̀ lɛ, yèè wɔŋ fàa bàa e Wùìyè Jɔɔɗììŋ lɛ nìngè, koɓɛ̀ anyùùŋ nyaŋ e dìì wɔŋ fùɔ̀ŋ Galaliìɔ sùà, anyùùŋ nyaŋ fè àŋ Juùù nyaŋ!

Maafiù 5:1

Nààŋ wò Jisɛ̀ naŋ wa yɛ̀mɛ̀ e faaàŋ, wò naŋ kɔ̀ wo jòwà wɔŋ toò bà dìmɛ̀ yèè wò naŋ jɛi. Anyùùŋ màŋjɛ̀wɛ̀uŋ nyàŋ nauŋ kìlìè kɔɔ,

Maafiù 8:1

Nààŋ wo Jisɛ̀ naŋ wa dèyè e yìwìà wɔŋ tolòɔ dìmɛ̀, ke gbòò anyuùŋ zimgbe nauŋ wa dè maŋjɛ̀wɛ.

Luù 6:17

Wo Jisɛ̀ naŋ wa dèyè e yìwìà wɔŋ toò gbeeɔ̀ dìmɛ̀ yaà anyùùŋ màŋjɛ̀wɛ̀uŋ nyàŋ, yèè àŋ naŋ sìè e diì jɛ̀iɛ̀ diɛŋ. Kuŋ wò naŋ mɛ̀ɛ̀ŋ ke gbòò anyùùŋ màŋjɛ̀wɛ̀uŋ nyàŋ zimgbe nyiŋ. Ke gbòò anyuùŋ zimgbe yào wa kiŋ pɛɛ e yìwìà ko Jùlusɛ̀làm yèè maŋ kpàlàùŋ kpàlàùŋ zimgbe sùà wɔŋ fùɔ̀ŋ Jùdiàa, yèè e yìwìà maŋ jawa gbeegbèè maŋ sùà e gbɛ̀ɛ̀ wɔŋ fùɔ̀ŋ Taàa yaà ko Sidɔ̀ùŋ.

Luù 6:19

Anyùùŋ nyaŋ gbiŋ naŋ wa kàmè ɗewe wèè auŋ kpùlà, esaɓù kɛ̀ e gààŋ yàaùŋ wa fòla sùà e kɔɔ è sungo aŋ gbiŋ e gààŋ Dayàa sùà.