Maafiù 4:24 - WƆŊ FƐ̀Ì EBÒ SÌÀŊ DAYÀA

²⁴ Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Maafiù 4:24 ပူးပေါင်းရင်းမြစ်များ

Maafiù 12:22

Kpeiŋ anyùùŋ bà naŋ hìɛ̀ŋ wò felaa bà koɓɛ̀ Jisɛ̀i esaɓù kɛ̀ wò naŋ wa zììlè le fɛ̀ɛ̀ yèè wo fè wà ɓɛ̀nɛ̀ŋ gbòa e kìlà wo jinàŋ naanààŋ yàaùŋ wa maŋjɛ̀wɛ̀. Wo Jisɛ̀ naŋ wa sùngò wo felaaà, wo gbòà yèè wo yɛ̀mɛ̀ dìì.

Maafiù 14:1

E teenga lii sùà wo Kanaà Hɛɛlɔ̀, wo kànà wɔŋ fùɔ̀ŋ Galaliìɔ, naŋ kòmò ebò Jisɛ̀ɛ.

Maafiù 15:22

Ko fɛɛ̀feìŋ wo nìe bà, wo nyùùŋ e yìwìà ko Kenàŋ wo yèɔ hewa jòò wɔŋ fuɔŋ wiiŋ sùà wɔ, naŋ hnè ko nɛ̀ɛ̀uŋ niìŋ. Wò naŋ kpààŋ wààŋ, “Kanaà, Jɔ̀àfèlàà Dèèweɔ̀, tɔ̀ɔ̀im ke nyowo! Wo jɔ̀àjɔùŋ miɔ̀ŋ kuwa wo jinàŋ naanààŋ maŋjɛ̀wɛuŋ, yèè kòò wò yaà e keì nyìnga dìì.”

Maafiù 17:15

yèè wò naŋ woò wààŋ, “Dàa, tɔ̀ɔ̀ ke nyowo wo jɔ̀àfelaa miɔ̀ŋ diɛŋ! Wò kuwa e sààŋ gbògàngè, yèè sèè è dàaùŋ, wò sɛɛ̀ ko hmɔ̀ɔ̀ŋ yèè ko kòi.

Maafiù 17:18

Wo Jisɛ̀ naŋ gbòò koɓɛ̀ wo jinàŋ naanààaŋ, yèè wò naŋ fòlò wo felaajɔaà sùà, ko fɛɛ̀feìŋ wò naŋ jòèyè.

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Maafiù 8:28

Wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ wɔŋ fàaa bàa wɔŋ juwoɔ̀ kɔɔ, maŋ kpàlàùŋ kpàlàùŋ wɔŋ fuɔɔ̀ŋ àŋ nyaaŋ Gàdalà lɛ. Wò naŋ wa nɔŋ fòlò wɔŋ gɔɔ̀ sùà wò naŋ dè ko tiwi wò yaà kààìŋ ko dòmaìŋ, wò naŋ dèènè aŋ fèlàà tìyèe bà àŋ folo e ɓìè maŋ hùaàŋ sùà koɓɛ̀ bi. Aŋ felaa nyàŋ kuwa wa aŋ jinàŋ naanààŋ maŋjɛ̀wɛ nyiŋ. Aŋ felaa nyàŋ kuwa wa gààŋ zimgbe e kìlà àŋ hewa gbùwà anyùùŋ ke gùuŋ, esaɓù lii wo nyùùŋ gbiŋ fè wa ɓɛìŋ ɓɛ̀nɛ̀ŋ kè dòmaŋ bi kààìŋ diɛŋ.

Maafiù 8:33

Aŋ kpàkòò nyaŋ yaà wa yɛ̀ɛ̀mɛ̀ aŋ nyùàŋ nyaŋ diɛŋ nyàŋ, naŋ dùɔ̀ŋ aŋ ka aŋ ɓààyè ebò lɛɛ̀ ko jawaì. Àŋ naŋ wòò anyùùŋ nyaŋ e nɛ̀ɛŋ naŋ kààìŋ koɓɛ̀ aŋ felaa nyàŋ aŋ jinàŋ naanààŋ nyaŋ yaà wa maŋjɛ̀wɛ nyàŋ.

Maafiù 8:6

“Kanaà, wo ɓɔìjɔ̀à miɔ̀ŋ yaà siinyɛŋ ko gboo mio e kìlà wo fè ɓɛ̀nɛ̀ŋ kàaiŋ.”

Maafiù 9:26

Ebò keì lɛɛ̀ naŋ wa ɓààyè maŋ kpàlàùŋ kpàlàùŋ màŋ gbiŋ sùà wɔŋ fuɔŋ wiiŋ.

Maafiù 9:35

Wo Jisɛ̀ naŋ kìlìè maŋ jawa yèè maŋ vàa màŋ gbiŋ wɔŋ fùɔ̀ŋ Galaliìɔ sùà. Wò yàa wa kàà sùà anyùùŋ nyaŋ maŋ sààŋ zòòlò aŋ Juùù nyaŋ dìì, yèè wò yaà wòò ke mìè gbìàŋ Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa maŋ sàaŋ gɛ̀wɛɛ̀ zimgbe nyàŋ.

Luù 2:2

E kpɛ̀nɛ̀ŋ anyuùŋ jiɛ̀jiɛ̀ɛ lɛɛ̀ wa, e teenga bi zà wo Kɔ̀liniɔ̀ nàŋ yaà wa wo kanaà wèè wɔŋ fùɔ̀ŋ Siilìàa.

Luù 4:14

Wo Jisɛ̀ naŋ kɛ̀ɛ̀ maŋjɛ̀wɛ wɔŋ fùɔ̀ŋ Galaliìɔ sùà e gààŋ Jìnàŋ Nɛɛmaàŋ yàaùŋ maŋjɛ̀wɛ. Ebòuŋ nɛ̀ naŋ wa ɓààyè maŋ kpàlàùŋ kpàlàùŋ maŋ gbiŋ sùà e nyaàiŋ dè maŋ keì maŋ wò yaà wa nyinie màŋ.

Luù 4:38

Wo Jisɛ̀ naŋ yèwè ko sààŋ zòòlò aŋ Juùù nyaŋ yèè wò naŋ kɔ̀ ko gbòò Saimɔ̀ŋ. Wo nèmààŋ Saimɔ̀ɔŋ hawa wa ko gbùmaìŋ, kɛɛ wò yaà wa sììnyɛ̀ŋ e sààŋ e kɔɔbìa, yèè àŋ naŋ dàwè wo Jisɛ̀ wèè wouŋ sùngà.

Luù 5:15

Ebò Jisɛ̀ɛ naŋ wa ɓɛìŋ ɓaayè, yèè anyuùŋ zimgbe naŋ hnè ko nɛ̀ɛ̀uŋ niìŋ wèè auŋ kumiàŋ e kìlà wo sùngà maŋ sàaŋ nyiŋ màŋ.

Luù 5:24

Mìŋ doiŋ nàŋ nyɛ̀nɛ̀ŋ naŋ nyìmàŋ kɛ̀ miàŋ, wo Jɔ̀àfèlàà Nyuùŋ Kpùnɔɔ̀ŋ kuwa gààŋ e ɗuunyaŋ lɛɛ̀ diɛŋ wèè ka jùùyà maŋ jùumù hakɛ̀.” Kpeiŋ wò naŋ wòò wo felaa kpɔ̀ɔ̀kpɔɔɔ̀ wààŋ, “Yewà dìì, muŋ ɓemè wɔŋ gbùmaŋ mɔɔ̀ŋ, muŋ ka ko gboo moo!”

Luù 7:17

Ebò Jisɛ̀ lɛɛ̀ naŋ ɓààyè wɔŋ fùɔ̀ŋ Jùdiàa yèè maŋ kpàlàùŋ kpàlàùŋ miiŋ maŋ gbiŋ sùà.

Jɔ̀ɔŋ 10:21

Kɛɛ aŋ Juùù nyaŋ bà nyiŋ naŋ woò nyààŋ, “Dièsɔa wo nyùnɔ̀ɔŋ wo jinàŋ naanààŋ yaà maŋjɛ̀wɛ wɔ̀ naŋ ɓɛ̀nɛ̀ŋ wòò maŋ keì mààŋ mɛɛ̀ŋ? Wo nyùnɔ̀ɔŋ kuwa wo jinàŋ naanààŋ mààŋ wii wɔ̀ fè ɓɛ̀nɛ̀ŋ nyɛ̀nɛ̀ŋ wò nyuùŋ zììlè lè fɛ̀ɛ̀ɔ wo yɛ̀mɛ̀ dìì!”

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 15:23

E mìè nyààŋ wɔŋ fɛiɔ̀ àŋ naŋ wa sìngè wɔŋ naŋ woò wààŋ, “Yàwi, aŋ wùìya nyàŋ, aŋ keela tàeɗùù nyaŋ yaà aŋ màmànkùmɛ̀ŋ anyuùŋ hààwe nyàŋ, naŋ tùɔ̀ŋ e zùùmò e mɔ̀ɔ̀nɔŋ koɓɛ̀ nyɛ̀iŋ nyàŋ kinɛiŋ naŋ kìlè koɓɛ̀ wo Kanaà Dayà nyaŋ, kɛɛ niŋ fè àŋ Juùù nyuuŋ nyàŋ ko Aŋtiɔ̀, ko Siilià, yèè ko Sèlesìà.

Nyɛ̀nɛ̀ŋ 15:41

Yèè àŋ naŋ kɔ̀ɛ̀ wɔŋ fùɔ̀ŋ Siilìàa yaà ko Sèlesìà, àŋ yaà nyììne sùà ke gbòò anyuùŋ hààwe nyàŋ maŋ jii e nyaàiŋ dè wo Jisɛ̀.

Nyɛ̀nɛ̀ŋ 28:9

Nààŋ tɛɛ̀ naŋ wa kaaìŋ yèè anyùùŋ nyaŋ naŋ niŋ kòmò, anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ gbànaŋ nyàŋ gbiŋ joà wa ke tiìɛŋ sùà nyaŋ naŋ hnè ko nɛ̀ɛ̀uŋ niìŋ e teenga gbàè gbà sùà, yèè nààŋ wò naŋ nyiŋ gbùwò maŋ kùàŋ yèè wò naŋ nyiŋ zòòlò diɛŋ, àŋ naŋ jòèyè.

Nyɛ̀nɛ̀ŋ 8:7

Aŋ jinàŋ naanààŋ nyaŋ naŋ wa kpààŋ sɛiŋ aŋ fòlò anyuùŋ zimgbe ko sùà, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ yèè anyuùŋ kpɔ̀ɔ̀kpɔɔ nyàŋ zimgbe nyiŋ naŋ wa jòèyè.