Maafiù 4:23 - WƆŊ FƐ̀Ì EBÒ SÌÀŊ DAYÀA

²³ Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Maafiù 4:23 ပူးပေါင်းရင်းမြစ်များ

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 12:9

Wo Jisɛ̀ naŋ yèwè koɓɛ̀ wii yèè wò naŋ kɔ̀ ko sààŋ zòòlò aŋ Juùù nyaŋ bà,

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 13:54

yèè wò naŋ kɔ̀ ko jawa kùmiauŋ noo, kpeiŋ wò naŋ tɔ̀ɔ̀tù anyùùŋ nyaŋ kàa ke sààŋ zòòlò aŋ Juùù nyaŋ dìì. È naŋ wa fòònò anyùùŋ nyaŋ nauŋ wa kumiè nyaŋ. Kɛɛ anyùùŋ nyaŋ bà nyiŋ naŋ wa dawè nyààŋ, “Kòò wò naŋ gè e jiikɛ̀ɛ lɛɛ̀ gbiŋ, yèè e gààaŋ wèè wo nyɛ̀nɛ̀ŋ maŋ kèè mèè mɛɛ̀ŋ?

Maafiù 14:14

Nààŋ wo Jisɛ̀ naŋ wa fòlò wɔŋ gɔɔ̀ sùà wò naŋ dè, wò naŋ mɛ̀ɛ̀ŋ e faaŋ gbee lɛɛ̀ sia koɓɛ̀i, ke nyowoɛ̀ nauŋ nyɛ̀nɛ̀ŋ weè nyiŋ, yèè wò naŋ sùngò anyuùŋ sàaŋ nyiŋ nyàŋ.

Maafiù 24:14

Eɓìèmàŋjɛ̀wɛ̀ tii, Ebò Siaàŋ e nyaàiŋ dè e Kànà Dayàa, do wa nàwèè nàŋ nɔ̀ŋ ɓààye niŋ koɓɛ̀ anyùùŋ nyaŋ gbiŋ e ɗuunyaàŋ, wèè kɛ̀ maŋ ziì maŋ gbiŋ maŋ fuɔŋ màŋ sùà aŋ niŋ kòmàŋ e kìlà aŋ kiɛ̀ŋ ke mìè seì, kpeiŋ kɛ̀ ɗuunyaàŋ hàì ko dìa.”

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 9:35

Wo Jisɛ̀ naŋ kìlìè maŋ jawa yèè maŋ vàa màŋ gbiŋ wɔŋ fùɔ̀ŋ Galaliìɔ sùà. Wò yàa wa kàà sùà anyùùŋ nyaŋ maŋ sààŋ zòòlò aŋ Juùù nyaŋ dìì, yèè wò yaà wòò ke mìè gbìàŋ Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa maŋ sàaŋ gɛ̀wɛɛ̀ zimgbe nyàŋ.

Luù 10:9

Sùngaìŋ anyuùŋ sàaŋ nyàŋ ko jawa wii, yèè niŋ woò anyùùŋ ko jawa bi nààŋ, ‘E Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀.’

Luù 13:10

Wo Jisɛ̀ yaà wa kàa sùà ko sààŋ zòòlò aŋ Juùù nyaŋ bà guùŋ ke Ɗɔ̀ɔ̀ Zòòlò aŋ Juùù nyaŋ bà diɛŋ.

Luù 16:16

“Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Luù 20:1

Ke ɗɔ̀ɔ̀ guùŋ wo Jisɛ̀ yaà wa kaa ko Saaŋ Zòòlò Dayài yèè wò yaà wòò Ebò Siaàŋ koɓɛ̀ anyùùŋ nyaŋ. Aŋ kànà sìèfèìŋ zòòlo nyàŋ, aŋ kààmɔ̀ɔ̀ŋ maŋ Sàwà Dayà nyaŋ, yaà aŋ màmànkùmɛ̀ŋ fuɔɔ̀ŋ naŋ hnè

Luù 4:14

Wo Jisɛ̀ naŋ kɛ̀ɛ̀ maŋjɛ̀wɛ wɔŋ fùɔ̀ŋ Galaliìɔ sùà e gààŋ Jìnàŋ Nɛɛmaàŋ yàaùŋ maŋjɛ̀wɛ. Ebòuŋ nɛ̀ naŋ wa ɓààyè maŋ kpàlàùŋ kpàlàùŋ maŋ gbiŋ sùà e nyaàiŋ dè maŋ keì maŋ wò yaà wa nyinie màŋ.

Luù 5:17

Ke ɗɔ̀ɔ̀ guùŋ nààŋ wo Jisɛ̀ yaà wa kàa sùà anyùùŋ nyaŋ, aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ bà nyiŋ jaao wa. Àŋ naŋ wa yèwè maŋ jawa màŋ gbiŋ sùà wɔŋ fùɔ̀ŋ Galaliìɔ yèè wɔŋ fùɔ̀ŋ Jùdiàa sùà yèè ko Jùlusɛ̀làm. E gààŋ wo Kanaà Dayà yaà wa wo Jisɛ̀ ko diɛŋ wèè wo wa jòèyè anyuùŋ sàaŋ nyàŋ.

Luù 6:17

Wo Jisɛ̀ naŋ wa dèyè e yìwìà wɔŋ toò gbeeɔ̀ dìmɛ̀ yaà anyùùŋ màŋjɛ̀wɛ̀uŋ nyàŋ, yèè àŋ naŋ sìè e diì jɛ̀iɛ̀ diɛŋ. Kuŋ wò naŋ mɛ̀ɛ̀ŋ ke gbòò anyùùŋ màŋjɛ̀wɛ̀uŋ nyàŋ zimgbe nyiŋ. Ke gbòò anyuùŋ zimgbe yào wa kiŋ pɛɛ e yìwìà ko Jùlusɛ̀làm yèè maŋ kpàlàùŋ kpàlàùŋ zimgbe sùà wɔŋ fùɔ̀ŋ Jùdiàa, yèè e yìwìà maŋ jawa gbeegbèè maŋ sùà e gbɛ̀ɛ̀ wɔŋ fùɔ̀ŋ Taàa yaà ko Sidɔ̀ùŋ.

Luù 6:6

Ke Ɗɔ̀ɔ̀ Zòòlò aŋ Juùù nyaŋ bà guùŋ diɛŋ, wo Jisɛ̀ yaà wa kàa sùà anyùùŋ nyaŋ ko sààŋ zòòlò aŋ Juùù nyaŋ. Wò nao wa mɛ̀ɛ̀ŋ wo felaa bà wo yèɔ wɔŋ kùàŋ jìkauŋ nɔɔ̀ŋ naŋ wa fɔ̀.

Luù 7:21

E teenga lii sùà wo Jisɛ̀ naŋ wa sùngò anyuùŋ zimgbe kɛ̀ɛ̀nɛ̀ŋ maŋ sàaŋ gɛ̀wɛɛ̀, wo gè aŋ jinàŋ naanààŋ anyùùŋ maŋjɛ̀wɛ, yèè wò naŋ kpuumò wo gbàì maŋ fɛ̀ɛ̀ anyuùŋ zììlè le fɛ̀ɛ̀ zimgbe.

Luù 7:22

Wo Jisɛ̀ naŋ nyiŋ fasàì wààŋ, “Kɛ̀ɛìŋ maŋjɛ̀wɛ niŋ woò wo Jɔ̀ɔŋ e yèɛ nìŋ naŋ kòmò yèè nìŋ naŋ yɛmɛ̀ lɛ. Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Kà nyɛ̀nɛ̀ŋ anyuùŋ fàa nyàŋ yèwà e fàa dìì wɔŋ nyiiŋ gèe sùà, yèè kà wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Luù 8:1

Eɓìèmàŋjɛ̀wɛ̀ tɛɛ̀, wo Jisɛ̀ yaà anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ naŋ kìlìè maŋ jawa yèè maŋ vàa màŋ gbiŋ sùà, wò yaà wòò ke mìè gbìàŋ Ebò Siaàŋ e nyaàiŋ dè e Kànà Dayàa.

Luù 9:11

Nààŋ anyùùŋ nyaŋ naŋ nyìmè kɛ̀ wò wa ka, àŋ nauŋ dè maŋjɛ̀wɛ. Wo Jisɛ̀ naŋ nyiŋ wa ɓeè, yèè wò naŋ nyiŋ gbòò kɔɔ e nyaàiŋ dè e Kànà Dayàa, e kìlà wo sùngà anyùùŋ nyaŋ kuwa wa maŋ sàaŋ gɛ̀wɛɛ̀ nyaŋ.

Luù 9:60

Wo Jisɛ̀ naŋ fasàì wààŋ, “dàngè anyùùŋ nyaŋ naŋ gàngà wèè aim dè maŋjɛ̀wɛ nyàŋ, nààŋ àŋ yaà fàa nyiŋ wo Jinàaŋ sùà nyaŋ, aŋ sìà anyuùŋ fàa nyiŋ nyàŋ. Kɛɛ muàŋ kɔ̀à muŋ woò ke mìè gbìaàŋ e nyaàiŋ dè e Kànà Dayàa.”

Jɔ̀ɔŋ 18:20

Kɛɛ wo Jisɛ̀ nauŋ fasàì wààŋ, “Mìŋ naŋ gbòò koɓɛ̀ anyùùŋ nyaŋ gbiŋ janyai. Yèè mìŋ naŋ kàà anyùùŋ maŋ sààŋ zòòlò aŋ Juùù nyaŋ yaà Ke Saaŋ Zòòlò Dayàa dìì, ko yèi anyùùŋ nyaŋ gbiŋ hewa hnàŋ koɓɛ̀ guùŋ nɛ. Mìŋ gò wòò è keì gbiŋ kè gbùnuo sùà.

Jɔ̀ɔŋ 6:59

Wo Jisɛ̀ naŋ wa tɛɛ̀ woò nààŋ wò yaà wa kàà sùà anyùùŋ nyaŋ ko sààŋ zòòlò aŋ Juùù nyaŋ ko Kepanàùm.

Jɔ̀ɔŋ 7:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ jààmè anyùùŋ nyaŋ maŋ tàta màŋ sùà wɔŋ fùɔ̀ŋ Galaliìɔ. Wò naŋ wa yèwè ko Jùdià esaɓù kɛ̀ anyùùŋ gbèègbèè aŋ Juùù nyaŋ yaà wa kààmè e ɗewe wèè auŋ jìwà.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 18:4

Wo Pɔɔ̀ hewa gbòà koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ maŋ Ɗɔ̀ɔ̀ Zòòlò aŋ Juùù nyaŋ diɛŋ wèè aŋ kɛɛnɛ̀ŋ e hààwe wo Kanaà Jisɛ̀ sùà.

Nyɛ̀nɛ̀ŋ 20:25

“Kà mààmè maŋ tàtaiŋ màŋ sùà, mìŋ yààìŋ wòò ebò siaàŋ nyaàiŋ dè e Kànà Dayàa, kɛɛ kà naàŋ nyìmàŋ kɛ̀ nyɛ̀iŋ nààŋ bà gbiŋ niŋ naàim wa nàwèè ɓɛìŋ yɛmɛ̀.

Nyɛ̀nɛ̀ŋ 28:31

Wò hewa gbòà e nyaàiŋ dè e Kànà Dayàa yèè wo kàà anyùùŋ nyaŋ e nyaàiŋ dè wo Jisɛ̀ Kulaì, yèè wo nyùùŋ gbiŋ gòuŋ wa kèèwè kùàŋ feìŋ.

Luùm 10:15

Dièsɔa wo nyùùŋ bà naŋ nyiŋ ɓɛ̀nɛ̀ŋ wòò ke miè gbìaàŋ sèè wo Kànà È Gunɔ̀ɔŋ go tùàŋ anyùùŋ ko nɛ̀ɛ̀ŋ nyiŋ niìŋ? Wɔŋ fɛ̀ì Dayàa naŋ woò wààŋ, “È yaà e keì sìàŋ wèè maŋ yɛ̀mɛ̀ wo nyùùŋ bà, wò yaà hinie wèè wo wòò ke mìè gbìàŋ ebò siaàŋ!”