Maafiù 4:19 - WƆŊ FƐ̀Ì EBÒ SÌÀŊ DAYÀA

¹⁹ Wo Jisɛ̀ naŋ nyiŋ woò wààŋ, “Dè nìim maŋjɛ̀wɛ, mìŋ doiŋ nàŋ nyɛ̀nɛ̀ŋ naŋ hìàŋ anyùùŋ koɓɛ̀ Dayài.”

Maafiù 4:19 ပူးပေါင်းရင်းမြစ်များ

Maafiù 16:24

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo ɓèmè wɔŋ vànèkpaauŋ nɔɔ̀ŋ, yèè woim dè maŋjɛ̀wɛ.

Maafiù 19:21

Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Maafiù 4:18

Nààŋ wo Jisɛ̀ yaà wa kààìŋ wɔŋ juwoɔ̀ kɔɔ wɔŋ fùɔ̀ŋ Galaliìɔ sùà, wò naŋ yɛ̀mɛ̀ aŋ wùìyà nyùùŋ tìyèe, àŋ yaà wa anyuùŋ sùnga. Aŋ wùìyà tìyèe bi nàŋ yaà wa wo Saimɔ̀ŋ Piilɛ̀ yaà wo wùìyauŋ nɔɔ̀ŋ Anɗù, àŋ yaà gbììnyɛ̀ŋ kpee wɔŋ juwoɔ̀ sùà àŋ kuwo aŋ kɛ̀ì.

Maafiù 4:20

Ko fɛɛ̀feìŋ àŋ naŋ jòò maŋ kpee nyiŋ màŋ aŋ dè Jisɛ̀ maŋjɛ̀wɛ.

Maafiù 8:22

Wo Jisɛ̀ naŋ fasàì wààŋ, “Dèim maŋjɛ̀wɛ, dàngè anyùùŋ nyaŋ naŋ gàngà wèè aim dè maŋjɛ̀wɛ nyàŋ, nààŋ àŋ yaà fàa nyiŋ wo Jinàaŋ sùà nyaŋ, aŋ sìà anyuùŋ fàa nyiŋ nyàŋ.”

Maafiù 9:9

Nààŋ wo Jisɛ̀ naŋ wa yèwè koɓɛ̀ wii wò yaà kɔɔyɛ, wò naŋ yɛ̀mɛ̀ wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wò jaa ko saaŋ kùwìà nɛ̀ɛ̀nɛ̀ŋ fuɔɔ̀ŋ. Wo Jisɛ̀ nauŋ woò wààŋ, “Dèim maŋjɛ̀wɛ.” Wo Maafiù naŋ yèwè dìì yèè wò nauŋ dè maŋjɛ̀wɛ.

Luù 5:27

Eɓìèmàŋjɛ̀wɛ̀ tɛɛ̀ wo Jisɛ̀ naŋ yèwè ko jawa wii wò yaà kɔɔyɛ, yèè wò naŋ yɛ̀mɛ̀ wo nyuùŋ kùwà nɛ̀ɛ̀nɛ̀ŋ fuɔɔ̀ŋ àŋ nyaaŋ Liivaà wɔ, wò jaa ko saaŋ kùwìà nɛ̀ɛ̀nɛ̀ŋ fuɔɔ̀ŋ. Wo Jisɛ̀ nauŋ woò wààŋ, “Dèim maŋjɛ̀wɛ.”

Luù 9:59

Wo Jisɛ̀ naŋ ɓɛìŋ wòò wo felaa bà wààŋ, “Dèim maŋjɛ̀wɛ.” Kɛɛ wo felaaà naŋ wòò wo Jisɛ̀ wààŋ, “Kanaà, mìŋ doum nàŋ dè maŋjɛ̀wɛ, kɛɛ tɔ̀ weè miŋ ka miŋ sìà wo dèda miɔ̀ŋ jiɛ̀.”

Jɔ̀ɔŋ 1:43

Wɔŋ niìsìaà bàa wo Jisɛ̀ naŋ ɗewè wèè wo ka ko Galaliì. Kuŋ wò naŋ mɛ̀ɛ̀ŋ wo Felè yèè wò nauŋ woò wààŋ, “Dèim maŋjɛ̀wɛ.”

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Jɔ̀ɔŋ 21:22

Wo Jisɛ̀ nauŋ fasàì wààŋ, “Sèè ka mànàŋ wèè wo jèè wɔŋ nyiiŋ gèeɔ̀ sùà e jèèsùà ka wa nàwèè kɛ̀ɛ̀ maŋjɛ̀wɛ, kiìŋ tii kuwa eum nyinìàŋ? Mùŋ kuwa maim dè maŋjɛ̀wɛ.”

2 Kɔliìŋ 12:16

Nìŋ do nàŋ nyimèè kɛ̀ miŋ gòiŋ kpɛɛ̀ŋ. Kɛɛ wo nyùuŋ bà do nàŋ woò wààŋ mìŋ yaà yɛi wa nɔŋ nyinie wèè kaiŋ gbùwà yèè kaiŋ kùwìà maŋ gbàù tòa.