Maafiù 4:13 - WƆŊ FƐ̀Ì EBÒ SÌÀŊ DAYÀA

¹³ Kɛɛ wo Jisɛ̀ gò wa jèè kò Naazɔ̀ɛ̀, wò naŋ wa kɔ̀ wèè wo jòò ko jawa gbeeì àŋ nyaaŋ Kepanàùm. E jawa lɛɛ̀ yaà wa wɔŋ juwoɔ̀ kɔɔ wɔŋ fùɔ̀ŋ Galaliìɔ, maŋ kpàlàùŋ kpàlàùŋ maŋ sùà ko Zɛɓulɔ̀ùŋ yaà ko Nataliì.

Maafiù 4:13 ပူးပေါင်းရင်းမြစ်များ

Maafiù 11:23

Nyɛ̀iŋ nààŋ nyùùŋ nyaŋ ko Kepanàùm, nìŋ manaŋ naŋ jòòwò nyɛ̀iŋ bi ko àìjɛnɛ̀ŋ? Nìŋ do nàŋ dèyè ko jàhamaŋ! Maŋ kèè mèè maŋ mìŋ naŋ nyɛ̀nɛ̀ŋ kià maŋ, sèè ka miŋ wa weè nyɛ̀nɛ̀ŋ ko Sɔdɔ̀ùŋ, màŋ heo weè nàŋ nɔ̀ŋ e teenga mààŋ tɛɛ̀ sùà.

Maafiù 17:24

Nààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ wa hnè ko Kepanàùm, anyuùŋ kùwà e nɛ̀ɛ̀nɛ̀ŋ ke Saaŋ Zòòlò Dayàa naŋ hnè koɓɛ̀ Pììlɛì yèè àŋ nauŋ dawè nyààŋ, “Wo kààmɔɔiŋ nɔɔ̀ŋ wò paawà e nɛ̀ɛ̀nɛ̀ŋ ke Saaŋ Zòòlò Dayàa?”

Maafiù 4:14

Tɛɛ̀ naŋ wa kaaìŋ wèè e nyɛ̀nɛ̀ŋ e yèɛ wo Dayà naŋ wa woò lɛ e hɛɛnɛ̀ŋ, nààŋ wo wɛ̀ijìɔ Àzaayà naŋ wa woò lɛ wààŋ,

Maafiù 4:15

“E dììɛ maŋ kpàlàùŋ kpàlàùŋ maŋ sùà ko Zɛɓulɔ̀ùŋ yaà ko Nataliì, e tèèngà koɓɛ̀ ke dòmaàŋ kɔ̀à koɓɛ̀ wɔŋ juwoɔ̀ lɛ, yèè wɔŋ fàa bàa e Wùìyè Jɔɔɗììŋ lɛ nìngè, koɓɛ̀ anyùùŋ nyaŋ e dìì wɔŋ fùɔ̀ŋ Galaliìɔ sùà, anyùùŋ nyaŋ fè àŋ Juùù nyaŋ!

Maafiù 9:1

Wo Jisɛ̀ naŋ sɛ̀ɛ̀ wɔŋ gɔ sùa yèè wo naŋ nìè wɔŋ juwoɔ̀ wo kà ko jawauŋ noo.

Luù 10:15

Nyɛ̀iŋ nààŋ nyùùŋ nyaŋ ko Kepanàùm, nìŋ manaŋ naŋ jòòwò nyɛ̀iŋ bi ko àìjɛnɛ̀ŋ? Nìŋ do nàŋ dèyè ko jàhamaŋ!”

Luù 4:23

Wo Jisɛ̀ naŋ nyiŋ fasàì wààŋ, “Tɔɔɓaa, nìŋ do nàŋ mɔ̀nɔ̀ŋ wèè naim wòò ke kàɓanè yɛɛ̀ nààŋ, ‘Zòòlegòòɔ, sungà weè muàŋ bi jiɛ̀.’ Nìŋ doim ɓɛìŋ nàŋ woò nààŋ miŋ nyɛ̀nɛ̀ŋ maŋ kèì guùŋ maŋ kià ko jawa miìŋ nààŋ nìŋ naŋ kòmò kɛ̀ mìŋ naŋ wa nyɛ̀nɛ̀ŋ maŋ keì lɛ ko Kepanàùm.”

Jɔ̀ɔŋ 2:12

Eɓìèmàŋjɛ̀wɛ̀ maŋ keì mɛɛ̀ŋ, wo Jisɛ̀ e hààwè wo nààŋ, aŋ wùìyauŋ nyàŋ, yaà anyùùŋ màŋjɛ̀wɛ̀uŋ nyàŋ naŋ kɔ̀ ko jawa gbeeì àŋ nyaaŋ Kepanàùm. Àŋ nao wa nɔ̀ŋ wèè maŋ ɗɔɔ kpàa bà.

Jɔ̀ɔŋ 4:46

Wo Jisɛ̀ naŋ ɓɛìŋ kɛ̀ɛ̀ ko jawaì àŋ nyaaŋ Kenàŋ wɔŋ fùɔ̀ŋ Galaliìɔ sùà, ko yèi wò naŋ wa kìlè e wùìyèɛ maŋ tala muaŋ. Wo jɔ̀àfèlàà nyùùŋ gbèè fuɔɔ̀ŋ bà guùŋ yaà wa siinyɛŋ ko jawa gbeeì àŋ nyaaŋ Kepanàùm lɛ.

Jɔ̀ɔŋ 6:17

Anyùùŋ màŋjɛ̀wɛ̀uŋ nyàŋ aŋ sɛ̀ɛ̀ wɔŋ gɔɔ̀ sùà aŋ kà ko feìŋ e tèèngà ko Kepanàùm. Kɛɛ e koya lii wo Jisɛ̀ kòò wò hnè wa weè kò nɛ̀ɛ̀ŋ nyiŋ niìŋ.

Jɔ̀ɔŋ 6:24

Àŋ naŋ wa yɛmɛ̀ kɛ̀ wo Jisɛ̀ yaà anyùùŋ màŋjɛ̀wɛ̀uŋ nyàŋ àŋ wa ka. Kpeiŋ àŋ naŋ sɛ̀ɛ̀ maŋ gɔ miiŋ sùà yèè àŋ naŋ kɔ̀ ko kààmè wo Jisɛ̀ ko Kepanàùm.

Jɔ̀ɔŋ 6:59

Wo Jisɛ̀ naŋ wa tɛɛ̀ woò nààŋ wò yaà wa kàà sùà anyùùŋ nyaŋ ko sààŋ zòòlò aŋ Juùù nyaŋ ko Kepanàùm.