Maafiù 4:10 - WƆŊ FƐ̀Ì EBÒ SÌÀŊ DAYÀA

¹⁰ Wo Jisɛ̀ nauŋ fasàì wààŋ, “Yewà kià, Sɛ̀tanàaŋ! È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Maafiù 4:10 ပူးပေါင်းရင်းမြစ်များ

Maafiù 16:23

Kɛɛ wo Jisɛ̀ naŋ kìlè yèè wò naŋ wòò wo Pììlɛ wààŋ, “Kɛ̀ɛ̀im maŋjɛ̀wɛ, Sɛ̀tanàaŋ! Ɓɔ̀ mùŋ kiliàim kùàŋ feìŋ. E gòngo mɔ̀ɛ̀ yiwià koɓɛ̀ Dayài, kɛɛ è yewe ke nyɛ̀nɛ̀ŋ nyuùnkpùuŋ sùà.”

Luù 10:18

Wo Jisɛ̀ naŋ nyiŋ fasàì wààŋ, “Mìŋ naŋ yɛ̀mɛ̀ wo Sɛ̀tanàaŋ naŋ sɔ̀ɔ̀ mààŋ ke gbàmàŋ nyili e yìwìà ko àìjɛnɛ̀ŋ.

Luù 11:18

Weètii sèè e kànà Sɛ̀tanàaŋ e gòònò tɛɛ maŋ gbòò sùà wèè e sumiàŋ tiiŋ bi, dièsɔa è do nàŋ kòlò? Nìŋ naŋ woò nààŋ mìŋ gè aŋ jinàŋ naanààŋ anyùùŋ maŋjɛ̀wɛ̀ esaɓù kɛ̀ wo Bɛɛziɓù nàŋ kiɛ̀ìm e gààaŋ wèè ka niŋ nyɛ̀nɛ̀ŋ.

Luù 13:16

Weètii yɛ̀mɛ̀ wo nìe wɛɛ̀, wo jɔ̀àjɔ̀ùŋ Eɓulɔhɛɛ̀ɔŋ bà guùŋ wo yèɔ wo Sɛ̀tanàaŋ naŋ wa naàŋ dìkìè maŋ jɔ̀ɔɔ wèè maŋ dòà zììyà jɛ̀wɛ̀ nɔɔnɔŋ le taai. Yèè mààŋ e fè è tɔ̀ɔ̀nyaàŋ wèè wo nɔ̀ŋ sùngauŋ kè Ɗɔ̀ɔ̀ Zòòlò àŋ Juùù nyaŋ diɛŋ?”

Luù 22:3

Kpeiŋ wo Sɛ̀tanàaŋ naŋ jɔ̀ ke jìì Juɗà Àkaaliɔ̀ sùà, anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ bà guùŋ.

Luù 22:31

Wo Jisɛ̀ naŋ woò wààŋ, “Saimɔ̀ŋ, kùmiàim! Wo Sɛ̀tanàŋ dàwè wo Dayà wèè wouŋ gè nyààŋ diɛŋ wèè wo wàà nyɛ̀iŋ nààŋ gbiŋ, wèè wo gè aŋ siaŋ sìàŋ nyaŋ aŋ naanààŋ nyaŋ sùà, màànààŋ nɔŋ wo nyuùŋ tòmò ɓùɔ gè e kpàliuŋ nɛ̀ŋ maŋ kpàli dɛɛ màŋ sùà.

Luù 4:8

Kpeiŋ wo Jisɛ̀ nauŋ fasàì wààŋ, “È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Jɔ̀ɔŋ 13:27

Wo Juɗà naŋ nɔŋ kùwò ke gbɔ̀uɛ̀ fa, wo Sɛ̀tanàaŋ wò sɛ̀ɛ̀ ke jiiuŋ nɛɛ̀ŋ sùà. Yèè wo Jisɛ̀ nauŋ woò wààŋ, “Nyɛnɛ̀ŋ e yèɛ mùŋ manaŋ maŋ nyɛ̀nɛ̀ŋ lɛ fiò.”

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Nyɛ̀nɛ̀ŋ 5:3

Wo Pììlɛ nauŋ dawè wààŋ, “Ananayà, wèè kiɛ̀ŋ mùŋ naŋ dàngè wo Sɛ̀tanàŋ naum zuwò e kìlà wo jɔ̀à ke jii mɔɛ̀ŋ sùà, yèè mùŋ naŋ tɔ̀ɔ̀ koɓɛ̀ wo Jìnàŋ Nɛɛmaàŋ, e kìlà mùŋ naŋ bànè e nɛɛnɛɛ̀ŋ bà hàa e yìwìà e yèɛ mùŋ naŋ yɛmɛ̀ lɛ nààŋ mùŋ naŋ mààŋ e diì mɔ̀ɛ̀?

1 Kɔliìŋ 5:5

nìŋ kuwa naŋ gè wo felaaà wɛɛ̀ kùàŋ nauŋ fè wo Sɛ̀tanàaŋ. Wèè maŋ kèìŋ felaa wɛɛ̀ maŋ nɔ̀ŋ pɔ̀ɔ̀pɔɔ miŋ, kɛ̀ wɔŋ nyiiuŋ nɔɔ̀ŋ yɛ̀mɛ̀ e jòèye ke ɗɔɔɛ̀ wo Kanaà hnàŋ lɛ.

1 Kɔliìŋ 7:5

Wo nyùùŋ ɓɔ̀ gangà wò dawiuŋ nɔɔ̀ŋ sìwè nyɛ̀iŋ tìyèe è fèemàŋ, sɔɔ̀ naŋ nyimèè wèè naŋ yɛi nyɛ̀nɛ̀ŋ wèè è teenga kpàa bà, wèè niŋ gbìàŋ e teengaiŋ bi e zòòlo sùà. Sèè e teenga bi juo nɔŋ, tɔ̀ɔ̀tuìŋ ke kpèè yɛɛ̀iŋ nɛɛ̀ŋ nyɛ̀nɛŋ. E ɗewe lɛɛ̀ sùà, niŋ naàŋ jàà è wɔ̀à Sɛ̀tanàaŋ kùàŋ dìì èsàɓù nyɛ̀iŋ bi gò yɛ̀mɛ̀ diɛiŋ nɛ̀ sùà.

2 Kɔliìŋ 11:14

Kɛɛ, tɛɛ̀ ɓɔ̀ è foonò nyùùŋ! Wo Sɛ̀tanàŋ wuŋ bi pɛɛ naŋ wa ɓemè, e kìlà wo tɔ̀ɔ̀ wuŋ bi wèè wo nɔ̀ŋ mààŋ wo màìkà e gbolòùŋ gbee bà!

2 Kɔliìŋ 12:7

E wèè miŋ go nàŋ ɓèmè miàŋ bi gbee zimgbe esàɓù maŋ kèì mèè gbeegbèè zimgbe màŋ mìŋ naŋ wa yɛmɛ̀ maŋ, mìŋ naŋ wa kɔ̀ e keì nyìnga dìì ke kpùnaŋ miɛ̀ŋ sùà, nààŋ wo Sɛ̀tanàaŋ naŋ wa tùɔ̀ŋ wo keelauŋ nɔɔ̀ŋ wèè woim ɓùlà, e kìlà woim nyɛ̀nɛ̀ŋ ka dèèyè miàŋ bi e kìlà ka jɔɔlɔ̀.

2 Kɔliìŋ 2:11

e wèè wo Sɛ̀tanàaŋ go nàŋ kùwìè wɔŋ kùàŋ gààŋ ko diɛŋ wi, esaɓù kɛ̀ èiŋ nyìmàŋ maŋ ɗèweuŋ màŋ.

Jìiiŋ 4:7

Wèètii, feìŋ nyɛ̀iŋ bi wo Dayà. Gàngaìŋ wo Sɛ̀tanàaŋ sìwè kɛ̀ wò doiŋ nàŋ dùɔ̀ŋ e kɔɔ.

1Pììlɛ 5:9

Nyìngaìŋ e hààweiŋ nɛ̀ sùà niŋ giiyàuŋ maŋhɛɛ, esaɓù nàŋ nyìmàŋ kɛ̀ ke gbòò aŋ wùìya nyàŋ e ɗuunyaàŋ gbiŋ sùà, àŋ yaà kɔ̀ɔ̀yɛ̀ maŋ kèì nyìngà guùŋ mɛɛ̀ŋ dìì.