Maafiù 3:6 - WƆŊ FƐ̀Ì EBÒ SÌÀŊ DAYÀA

⁶ Àŋ naŋ wa wòò maŋ keì naanààŋ nyiŋ màŋ, yèè wo Jɔ̀ɔŋ naŋ nyiŋ wa gùò e Wùìyè Jɔɔɗììŋ nɛ̀ sùà.

Maafiù 3:6 ပူးပေါင်းရင်းမြစ်များ

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Luù 1:16

Yèè wo Jɔ̀ɔŋ do nàŋ nyɛ̀nɛ̀ŋ anyùùŋ Ezɔ̀ɛ̀ nyaŋ zimgbe nyiŋ aŋ kìlà koɓɛ̀ wo Dayà nyiŋ nɔɔ̀ŋ.

Luù 3:16

Wo Jɔ̀ɔŋ naŋ nyiŋ fasàì wààŋ, “Mìŋ yààìŋ nɔŋ gùùyà sùà e wùìyè. Kɛɛ wo nyùùŋ bà do nàŋ hnè, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ. Wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Nyɛ̀nɛ̀ŋ 1:5

Wo Jɔ̀ɔŋ naŋ wa nɔŋ gùùyè anyùùŋ e wùìyè, kɛɛ maŋ ɗɔɔ kpàa bà sùà, wo Dayà doiŋ nàŋ gùùyè wo Jìnàŋ Nɛɛmaàŋ.”

Nyɛ̀nɛ̀ŋ 11:16

Kpeiŋ mìŋ naŋ jààèjii e yèɛ wo Kanaà naŋ wa woò lɛ wààŋ, ‘Wo Jɔ̀ɔŋ naŋ wa nɔŋ gùùyè anyùùŋ e wùìyè, kɛɛ wo Dayà doiŋ nàŋ gùùyè wo Jìnàŋ Nɛɛmaàŋ.’

Nyɛ̀nɛ̀ŋ 19:18

Anyuùŋ hààwe nyàŋ zimgbe nyiŋ naŋ wa hnè, yèè àŋ naŋ ngàà tɔ̀ɔ̀tù wòò maŋ keì naanààŋ maŋ àŋ yaà wa nyinie màŋ.

Nyɛ̀nɛ̀ŋ 22:16

Kiìŋ mùŋ yaà fulie? Yewà dìì muŋ nɔ̀ŋ gùaum wèè Dayà juuyà maŋ jùumùum màŋ hakɛ̀ e yìwìà e zòòlo mɔ̀ɛ̀ koɓɛ̀ e deèuŋ nɛ̀.’ ”

1 Kɔliìŋ 10:2

Ko fuùŋ kùwa dìì yèè wɔŋ juwoɔ̀ sùà aŋ gbiŋ naŋ wa nɔ̀ŋ gùa nyiŋ yèè àŋ naŋ nɔ̀ŋ anyùùŋ màŋjɛ̀wɛ̀ Mòòze.

Kòlo 2:12

Nààŋ àŋ naiŋ wa gùò, è yaà wa mààŋ àŋ naiŋ sììyè nyɛ̀iŋ wo Jisɛ̀ Kulaì koɓɛ̀ guùŋ. E yìwìà e gùa lɛɛ̀ sùà, wo Dayà naiŋ wa gè e fàaà dìì nyɛ̀iŋ Jisɛ̀ Kulaì koɓɛ̀ guùŋ, esaɓù e hààweɛ̀ nìŋ kuwa e gààŋ Dayàa dìì lɛ, wo yèɔ naŋ wa gè wo Jisɛ̀ Kulaì e fàa dìì wɔŋ nyiiŋ gèeɔ̀ sùà wɔ.

Hiɓu 6:2

Ɓɔ̀ è kaàiŋ nɔŋ è ɗèwè ànyuùŋ gùa, yaà è làngì anyuùŋ gbùwà màŋ kùàŋ wèè eiŋ nyiŋ zòòlò diɛŋ. E kìlà, ɓɔ̀ è kaàiŋ ɓɛìŋ nɔŋ è kèè è tɔ̀ɔ̀nyaàaŋ kɛ̀, anyùùŋ nyaŋ do nàŋ yèwè e fàaà dìì wɔŋ nyiiŋ gèeo sùà. E kàa wilɛ̀ ɓɔ̀ è nɔ̀ŋ ɓɛìŋ nɔŋ wèè è ɗeweɛ̀ wo Dayà do nàŋ gbàì anyùùŋ lɛ, yèè e ɗeweɛ̀ e kitiuŋ nɛ̀ doo nàŋ jeè e kìlà wo nìmìlà anyùùŋ wèè julɔfɔ lɛ̀.

Hiɓu 9:10

Maŋ sàwà mɛɛ̀ŋ yaà nɔŋ wèè e kèè manɛ̀ŋ je yaà manɛ̀ŋ tìa, e kpùlìà maŋ langi màŋ e nyaàiŋ dè e ɗeweɛ̀ è guo yàwi bi lɛ̀, yaà maŋ langi e nyaàiŋ dè maŋ kpùnaŋ wi màŋ, e yèɛ yaà nɔŋ wèè e teenga kpuu e jèèsùà wo Dayà tɔ̀ɔ̀ e keì jɛ̀ì.

Jìiiŋ 5:16

Weètii, wòoìŋ maŋ jùumùiŋ màŋ nyɛ̀iŋ bi e fèemàŋ e kìlà niŋ zoolò wèè aŋ dàwiiŋ nyàŋ, wèè niŋ jòèyà. E zòòloɛ̀ nyùùŋ tɔ̀ɔ̀nyaàaŋ kuwa lɛ̀, e gaàŋ gbee yààìŋ sùà yèè è tomàŋ.

1Pììlɛ 3:21

E wuiyè jòwaà naŋ wa nɔ̀ŋ e tɔ̀ɔ̀màŋsèì e gùò Dayàa, naiŋ naàŋ joeyè lɛ. E fè nɔŋ wèè maŋ gùà kèìŋ maŋ è ninaŋ, kɛɛ e ɗààhiìɛ nìŋ ɓemàŋ maŋ gòngò jii sengèì diɛŋ ko fɛ̀ɛ̀fèìŋ Dayà lɛ, esaɓù kɛ̀ wo Dayà naŋ gè Jisɛ̀ Kulaìɛ e fàa dìì,

1Jɔ̀ɔŋ 1:9

Kɛɛ sèè eiŋ kìlìà maŋ jùumù wi màŋ dèè koɓɛ̀ Dayài, wo Dayà wò yaà wo nyuùŋ jìlɛŋ yèè wo nyùùŋ tɔ̀ɔ̀nyaàŋ, èuŋ ɓɛ̀nɛ̀ŋ tùlìà jii wèè wo wi jùùyà hakɛ̀ e kìlà wo gùà maŋ jùumù wi màŋ.