Maafiù 3:5 - WƆŊ FƐ̀Ì EBÒ SÌÀŊ DAYÀA

⁵ Anyuùŋ zimgbe e yìwìà ko Jùlusɛ̀làm, wɔŋ fùɔ̀ŋ Jùdiàa, yèè anyùùŋ e yìwìà maŋ kpàlàùŋ kpàlàùŋ maŋ gbiŋ sùà e gbɛ̀ɛ̀ e wùìyèɛ àŋ nyaaŋ Jɔɔɗììŋ lɛ kɔɔ naŋ wa kɔ̀ ko nɛ̀ɛ̀uŋ niìŋ.

Maafiù 3:5 ပူးပေါင်းရင်းမြစ်များ

Maafiù 2:1

Àŋ naŋ wa kùmìè wo Jisɛ̀ ko jawaì àŋ nyaaŋ ko Bɛfilehɛɛ̀ŋ wɔŋ fùɔ̀ŋ Jùdiàa sùà, e teengaà wo Hɛɛlɔ̀ yaà wa wo kana lɛ̀. E tèèngà guùŋ bi sùà, anyuùŋ kɛ̀ɛ̀jii bà aŋ yè nyaŋ naŋ wa nyìmè yèè àŋ kiɛ̀ŋ e fàsai e nyaàiŋ dè e ɗewe kiiɛ̀ maŋ ɗu màŋ jaà ke nyiliɛ̀ lɛ naŋ hnè. Anyùùŋ bi naŋ wa e yìwìà e tèèngà ko fùlìè gɔɛɛ̀ yèè àŋ naŋ yɛ̀mɛ̀ e jɛ̀ì kìì maŋ ɗu màŋ ke nyiliɛ̀ yèè àŋ naŋ hnè ko Jùlusɛ̀làm,

Maafiù 4:25

Ke gbòò anyuùŋ gbee nauŋ dè maŋjɛ̀wɛ e yìwìà wɔŋ fùɔ̀ŋ Galaliìɔ, e kpùlìà maŋ kpàlàùŋ kpàlàùŋ maŋ gbiŋ sùà Maŋ Jàwà Ɗì Zììyà maŋ sùà, e yìwìà ko jawa gbeeì Jùlusɛ̀làm, e yìwìà maŋ kpàlàùŋ kpàlàùŋ maŋ bà sùà wɔŋ fùɔ̀ŋ Jùdià, yèè e dììɛ wɔŋ fàa bàa e Wùìyè Jɔɔɗììŋ nɛ kɔɔ.

Luù 16:16

“Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Luù 3:3

Kpeiŋ wo Jɔ̀ɔŋ naŋ kɔ̀ maŋ kpàlàùŋ kpàlàùŋ maŋ gbiŋ sùà e Wùìyè Jɔɔɗììŋ nɛ kɔɔ, wò yaà gbùùyè ke mìè Dayàa koɓɛ̀ anyùùŋ nyaŋ wààŋ, “Sèè nìŋ mɔnɔŋ wo Dayà woiŋ jùùyà hakɛ̀ wèè maŋ jùumùiŋ màŋ, kɛ̀ sɔɔ̀ naŋ fè maŋ tùwo naanààiŋ màŋ jɛwɛ naŋ kìlà koɓɛ̀ Dayài, e kìlà naŋ nɔ̀ŋ gùaiŋ.”

Luù 3:7

Anyuùŋ zimgbe naŋ wa hnè wèè aŋ nɔ̀ŋ gùa nyiŋ, yèè wo Jɔ̀ɔŋ naŋ nyiŋ woò wààŋ, “Nyɛ̀iŋ nààŋ kaì nyɛɛ̀ nyɛɛ̀ŋ, ɓòò naiŋ woò nààŋ nàŋ ɓɛ̀nɛ̀ŋ dùàŋ e nimilàa sìwè, e yèɛ wo Dayà yaà hinie woiŋ tùàŋ lɛ?

Jɔ̀ɔŋ 3:23

Wo Jɔ̀ɔŋ wuŋ pɛɛ wò yaà wa ko jawaì àŋ nyaaŋ ko Enɔ̀ŋ, e gbɛ̀ɛ̀ ko Sàliìm. E wuiyè zimgbe yaà wa koɓɛ̀ bi, e kìlà anyùùŋ yaào wa kɔɔyɛ yèè wo Jɔ̀ɔŋ naŋ nyiŋ noo guuyè e wùìyè bi sùà.

Jɔ̀ɔŋ 5:35

Wo Jɔ̀ɔŋ yaà wa mààŋ e laumpò e yèɛ kiɛ̀ŋ e gbolòùŋ gbee, maŋ jiiiŋ màŋ naŋ wa fɔ̀ yèè nìŋ naŋ niŋ wa jikà wèè e teenga bà.