Maafiù 3:2 - WƆŊ FƐ̀Ì EBÒ SÌÀŊ DAYÀA

² Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 3:2 ပူးပေါင်းရင်းမြစ်များ

Maafiù 10:7

Yèè sèè nìŋ nɔ̀ŋ kɔɔyɛ, wòoìŋ anyùùŋ kɛ̀, ‘E Kànà àìjɛnɛ̀ɛŋ è gbɛ̀ɛ̀ fɔ̀ɔ̀.’

Maafiù 11:20

Anyùùŋ nyaŋ maŋ jawa màŋ sùà ko yèi wo Jisɛ̀ naŋ wa nyɛ̀nɛ̀ŋ maŋ kèè mèèuŋ màŋ zimgbe lɛ̀, gò wa kìlà koɓɛ̀ Dayài. Kpeiŋ wo Jisɛ̀ naŋ nyiŋ wa tùù sìwè yèè wò naŋ nyiŋ woò wààŋ,

Maafiù 12:41

Anyùùŋ nyaŋ ko Ninivà doiŋ wa nàwèè nàŋ sìè kɔɔ ke ɗɔɔɛ̀ wo Dayà do wa nàwèè nàŋ gbàì e ɗuunyaàŋ lɛ, yèè àŋ doiŋ nàŋ jèè e keì, esaɓù kɛ̀ àŋ naŋ wa fè maŋ jùumù nyiŋ màŋ jɛwɛ nààŋ àŋ naŋ wa kòmò wo Joonàŋ naŋ gbòò ke mìè Dayàa ko nɛ̀ɛ̀ŋ nyiŋ niìŋ. Yèè miŋ woòiŋ kɛ̀ e nɛ̀ŋ bà kòò è yaà kià è kuwa e sɛmɛ e nìàŋ wo Joonàŋ.

Maafiù 13:11

Wo Jisɛ̀ naŋ nyiŋ woò wààŋ, “Wèè yɛ̀iŋ, wo Dayà wòiŋ nyɛ̀nɛ̀ŋ nàŋ nyìmàŋ ke gbùnù e Kànà àìjɛnɛ̀ɛŋ, kɛɛ e fè wèè nyiŋ.

Maafiù 13:24

Wo Jisɛ̀ naŋ wòò ke kàɓanè joo bà. Wò naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ naŋ wa kaaìŋ e teengaà wo nyuùŋ tòmò ɓùɔ naŋ wa kɔ̀ yèè wò naŋ vààì manɛ̀ŋ koei siaŋ ko ɓùuŋ noo.

Maafiù 13:31

Wo Jisɛ̀ naŋ nyiŋ ɓɛìŋ wòò ke kàɓanè joo. Wò naŋ woò wààŋ, “E ɗewe lɛɛ̀ e Kànà àìjɛnɛ̀ɛŋ è yaà. È yaà mààŋ sèè wo nyuùŋ tòmò ɓùɔ wo ɓèmè ke kaaŋ komaŋ wo nyiŋ nyùàŋ ko ɓùuŋ noo.

Maafiù 13:33

Wo Jisɛ̀ naŋ nyiŋ ɓɛìŋ wòò ke kàɓanè joo. Wò naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ kaaìŋ sèè wo jɔùŋ wo ɓèmè e sòi bàànè gbɔ̀u jɔa wo niŋ kàànè kàànè maŋ fìlàwà pòùm gbèègbèè taai. Kpeiŋ ko diemeì kɛ̀ e gbɔ̀uɛ̀ gbiŋ è jòwà.”

Maafiù 13:47

“E Kànà àìjɛnɛ̀ɛŋ è yaà mààŋ, anyuùŋ sùnga bà aŋ yè nyaŋ naŋ gbìɛ̀ŋ wɔŋ kpee nyiŋ nɔɔ̀ŋ wɔŋ juwoɔ̀ sùà yèè àŋ naŋ kùwò aŋ kɛì ziì zimgbe.

Maafiù 13:52

Kpeiŋ wo Jisɛ̀ naŋ nyiŋ woò wààŋ, “Tɛɛ̀ naŋ tɔɔ̀ kɛ̀, wo kààmɔ̀ɔ̀ŋ maŋ Sàwà Dayàa bà gbiŋ wo yèɔ kile wo nɔ̀ŋ wo nyùùŋ màŋjɛ̀wɛ̀im wɔ̀ e Kànà àìjɛnɛ̀ɛŋ sùà wò yaà mààŋ wo kɛ̀ɛ̀nɛ̀ŋ ko gboo wo yèɔ fulià manɛ̀ŋ jɛi yèè manɛ̀ŋ gɔu e yìwìà ko saaŋ bàànè manɛ̀ŋ hàauŋ niìŋ.”

Maafiù 18:23

Ke kàɓanè yɛɛ̀ kè doum nàŋ woò kɛ̀ diè e Kànà àìjɛnɛ̀ɛŋ è yaà. Ke ɗɔ̀ɔ̀ guùŋ wo kana bà manaŋ wa wo kpɛ̀nɛ̀ŋ e nɛɛnɛŋ jikaà kinɛiŋ aŋ ɓɔìjɔ̀àuŋ nyàŋ kuwa wa lɛ̀.

Maafiù 20:1

Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ, wo felaa bà naŋ wa kɔ̀ maŋ nyiìŋ tɛ̀tɛ̀ ko kààmè anyùùŋ wèè aŋ nyɛ̀nɛ̀ŋ e tòmo ko ɓù gbɛɛwɛ̀jɛ̀wɛ̀uŋ niìŋ.

Maafiù 22:2

“E Kànà àìjɛnɛ̀ɛŋ è yaà mààŋ, wo kana bà naŋ wa banebànè wèè wo gè wɔŋ ɗàà ke yɛɛ̀ gbìaŋ wèè wo jɔ̀àfelaauŋ nɔɔ̀ŋ.

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Maafiù 25:1

Wo Jisɛ̀ naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ naŋ wa kaaìŋ e dùùm lɛ, e teengaà aŋ jɔ̀ùŋ jɔ̀à bɛ̀ɛ̀ zììyà naŋ wa ɓèmè maŋ laumpò nyiŋ màŋ yèè àŋ naŋ kɔ̀ e kèè ke yɛɛ̀ gbìaàŋ sùà wèè aŋ yɛmɛ̀ wo kɛ̀ɛ̀nɛ̀ŋ jɔunɔ̀ɔŋ.

Maafiù 25:14

Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ e yèɛ naŋ wa kaaìŋ lɛ, e teengaà wo kenàŋ bà yaà wa kɔ̀ɔ̀yɛ̀ wɔŋ fuɔŋ bà. Wò naŋ nyààŋ aŋ ɓɔìjɔ̀àuŋ nyàŋ koɓɛ̀ guùŋ yèè wò naŋ nyiŋ jùùyè e bàneuŋ gbiŋ wò kuwa lɛ̀, wèè aŋ toomò niŋ aŋ yɛmɛ̀ geenìŋ.

Maafiù 4:17

E yìwìà e teenga lii sùà wo Jisɛ̀ naŋ tɔ̀ɔ̀tù gbòà ke mìè Dayàa koɓɛ̀ anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ, esaɓù kɛ̀ e Kànà àìjɛnɛ̀ɛŋ è gbɛ̀ɛ̀!”

Maafiù 4:23

Wo Jisɛ̀ naŋ wa kìlìè wɔŋ fùɔ̀ŋ Galaliìɔ gbiŋ sùà, wò yaà kàa sùà anyùùŋ nyaŋ maŋ sààŋ zòòlò aŋ Juùù nyaŋ dìì, wò yaà wòò Ebò Siaàŋ e nyaàiŋ dè e Kànà Dayàa. Wò naŋ wa ɓɛìŋ sùngò anyùùŋ Galaliì nyaŋ kuwa wa maŋ sàaŋ gɛ̀wɛɛ̀ zimgbe nyàŋ.

Maafiù 5:10

“E zɔlɔ̀ yaà anyùùŋ nyaŋ anyùùŋ àŋ jaa e keì nyìnga nyàŋ esaɓù kɛ̀ àŋ yaà anyùùŋ tɔ̀ɔ̀nyaàŋ. Nyiŋ nàŋ kanaŋ e Kànà àìjɛnɛ̀ɛŋ!

Maafiù 5:3

“E zɔlɔ̀ yaà anyùùŋ nyaŋ naŋ pɔɔ̀ wo jinàaŋ sùà nyaŋ. Nyiŋ nàŋ kanaŋ e Kànà àìjɛnɛ̀ɛŋ!

Maafiù 6:10

Tɔ̀ e Kana mɔ̀ɛ̀ hnàŋ, tɔ̀ e tùwo mɔ̀ɛ̀ nɔ̀ŋ yɛi e ɗuunyaàŋ diɛŋ màànààŋ è yaà ko àìjɛnɛ̀ŋ lɛ.

Maafiù 6:33

Kɛɛ eɓìèmàŋjɛ̀wɛ̀ e keì ɗewe gbiŋ, nyɛ̀nɛìŋ e tòmò Dayàa tiiŋ jiɛ̀ màànààŋ wò manaŋ lɛ̀. Kpeiŋ kɛ̀ wòiŋ kìɛ̀ŋ manɛ̀ŋ gbànaŋ mɛɛ̀ŋ gbiŋ.

Luù 1:16

Yèè wo Jɔ̀ɔŋ do nàŋ nyɛ̀nɛ̀ŋ anyùùŋ Ezɔ̀ɛ̀ nyaŋ zimgbe nyiŋ aŋ kìlà koɓɛ̀ wo Dayà nyiŋ nɔɔ̀ŋ.

Luù 11:20

Kɛɛ sèè mààŋ è gààŋ Dayàa sùà le kɛ̀ mìŋ gè aŋ jinàŋ naanààŋ anyùùŋ maŋjɛ̀wɛ, tɛɛ̀ è tɔɔ̀ kɛ̀ e Kànà Dayàa è naàŋ hnàŋ ko nɛ̀ɛ̀iŋ niìŋ tɛ.

Luù 13:3

Kpele! Kɛɛ tɔ̀ miŋ woòiŋ kɛ̀ sèè nìŋ go fè maŋ jùumùiŋ màŋ jɛwɛ, nìŋ do nàŋ fɔ̀ nyɛ̀iŋ pɛɛ màànààŋ àŋ naŋ fɔ̀ lɛ.

Luù 13:5

Kpele! Kɛɛ tɔ̀ miŋ woòiŋ kɛ̀ sèè nìŋ go fè maŋ jùumùiŋ màŋ jɛwɛ, nìŋ do nàŋ fɔ̀ nyɛ̀iŋ pɛɛ màànààŋ àŋ naŋ fɔ̀ lɛ.”

Luù 15:10

Tɔ̀ miŋ woòiŋ, yɛi nɔŋ aŋ màìkà Dayà nyaŋ do nàŋ gè zɔlɔ̀ wèè wo nyùùŋ maŋ jùumù wò bà guùŋ wo yèɔ fè maŋ tùwo naanààuŋ màŋ jɛwɛ wɔ̀.”

Luù 15:7

Wo Jisɛ̀ naŋ nyiŋ ɓɛìŋ woò wààŋ, “Yɛi nɔŋ e zɔlɔ̀ do nàŋ nɔ̀ŋ ko àìjɛnɛ̀ŋ sèè wo nyùùŋ maŋ tùwo naanààaŋ bà guùŋ fè maŋ tùwo naanààuŋ màŋ jɛwɛ, e nìàŋ anyùùŋ tɔ̀ɔ̀nyaàŋ gbànaŋ kpɛ̀ɛ̀ùŋ tiinàŋ jɛ̀wɛ̀ zììyà jɛ̀wɛ̀ nɔɔnɔŋ le tiinàŋ nyaŋ diɛŋ aŋ yè nyaŋ kuwà màŋ tùwò naanààŋ wèè aŋ miŋ fè jɛwɛ nyàŋ.”

Luù 16:30

Yèè wo kenàŋ bàneɔ̀ naŋ woò wààŋ, ‘Tii gò gàŋ, dèda Eɓulɔhɛɛ̀ŋ! Kɛɛ sèè wo nyùùŋ bà wo weè yèwà e fàaà dìì yèè wo kà ko nɛ̀ɛ̀ŋ nyiŋ niìŋ, àŋ he weì nàŋ fè maŋ jùumù nyiŋ màŋ jɛwɛ.’

Luù 21:31

E jììkɛ̀ɛ̀ guùŋ bi sùà, sèè nìŋ yɛmɛ̀ nɔŋ maŋ keì mɛɛ̀ŋ gbiŋ màŋ nɔ̀ŋ kàaiŋ sùà, nyìmaìŋ kɛ̀ e Kànà Dayàa è gbɛ̀ɛ̀.

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Luù 6:20

Wo Jisɛ̀ naŋ yɛ̀mɛ̀ anyùùŋ màŋjɛ̀wɛ̀uŋ nyàŋ yèè wò naŋ nyiŋ woò wààŋ, “E zɔlɔ̀ yaà anyùùŋ nyaŋ naŋ pɔɔ̀ nyaŋ. Nyiŋ nàŋ kanaŋ e Kànà Dayàa!”

Luù 9:2

Kpeiŋ wò naŋ nyiŋ tùɔ̀ŋ wèè aŋ ka aŋ woò ke mìè gbìàŋ e Kànà Dayàa e kìlà aŋ sùngà anyùùŋ nyaŋ kuwa sàaŋ nyàŋ.

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 17:30

E teenga gɔuɛ̀ sùà, wo Dayà naŋ wa jùùyè anyùùŋ nyaŋ gbiŋ hakɛ̀ wèè tɛɛ̀, esaɓù kɛ̀ aŋ nyimààŋ wa kɛ̀ kiìŋ àŋ yaà wa nyinie. Kɛɛ wò naŋ naàŋ woò sààmɛ kɛ̀ wo nyùùŋ gbiŋ yèè koɓɛ̀ gbiŋ aŋ dangè maŋ tùwo naanààŋ nyiŋ màŋ yèè aŋ kìlà ko nɛ̀ɛ̀uŋ niìŋ.

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 26:20

Mìŋ naŋ gbòò ke mìè Dayàa koɓɛ̀ anyùùŋ nyaŋ ko Dàmakɔ̀ nyiŋ jiɛ̀, yèè mìŋ naŋ kɔ̀ ko Jùlusɛ̀làm yaà wɔŋ fùɔ̀ŋ Jùdiàa gbiŋ sùà. Eɓìèmàŋjɛ̀wɛ̀ tii, mìŋ naŋ kɔ̀ koɓɛ̀ anyùùŋ nyaŋ fè àŋ Juùù nyaŋ e kìlà mìŋ naŋ nyiŋ woò mìàŋ, aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài! Kpeiŋ kɛ̀ niŋ tɔɔ̀ ke nyɛ̀nɛiŋ nɛɛ̀ŋ janyai e yìwìà e ɗeweɛ̀ nìŋ do naŋ nyɛ̀nɛ̀ŋ maŋ nyiiŋ gèeiŋ màŋ lɛ.

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

2 Kɔliìŋ 7:10

Ke jii mɔ̀ɔ̀nɛɛ̀ŋ wo Dayà naiŋ tòòmò diɛŋ yɛ̀ kè naŋ hìɛ̀ŋ e vɔ̀ɔ̀nɔŋ e yèɛ joeyàìŋ nɛ, yèè ke jii mɔ̀ɔ̀nɛŋ bà gbiŋ fè kìlà kè jiiuŋ nɛɛ̀ŋ. Kɛɛ ke jìì mɔ̀ɔ̀nɛ̀ŋ ɗuunyaàŋ kè hiàŋ e fàa.

Kòlo 1:13

Wo Dayà naŋ wi joeyè e yìwìà e gààŋ ke nyìwì Sɛ̀tanàaŋ, yèè wò naŋ wi hìɛ̀ŋ koɓɛ̀ e kànà wo Jɔ̀àfelaa mànauŋ nɔɔ̀ŋ,

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

Hiɓu 6:1

Kàmè wiìŋ ɗewe e nɔ̀iŋ anyuùŋ kàmaiŋ, yèè e tɔɔtùiŋ gòngo wèè e nyɛ̀nɛ̀iŋ maŋ kèì nyɛ̀nɛ̀ŋ nyuùŋ kàmaiŋ. Kɛɛ ɓɔ̀ è nɔ̀ŋ màŋ keì jiɛ̀jiɛ̀ maŋ è naiŋ wa gbeè maŋ sùà e nyaàiŋ dè wò Jisɛ̀ Kulaì. Ɓɔ̀ è nɔ̀iŋ ɓɛìŋ wòo sùà è kèè kè kpèè jɛi tɔ̀ɔ̀tu wèè eiŋ fè maŋ tùwo naanààŋ wi màŋ jɛwɛ maŋ yè maŋ hiàŋ e fàa màŋ, e kìlà eiŋ ɗewè wèè eiŋ kɛ̀ɛ̀nɛ̀ŋ hààwe wo Dayà sùà.

2Pììlɛ 3:9

Wo Kanaà fè dɔɔnɔ̀ŋ wèè wo nyɛ̀nɛ̀ŋ è nɛ̀ɛŋ wò naŋ ɓèmè ɗààhiì wèè wo nyɛ̀nɛ̀ŋ lɛ, màànààŋ ànyùuŋ bà gongà lɛ. Kɛɛ wò kuwo jii weèiŋ esaɓù kɛ̀ wo manàŋ wèè wò nyùùŋ gbiŋ fà. Kɛɛ wò manaŋ nyùùŋ gbiŋ fè maŋ tùwo naanààuŋ màŋ jɛwɛ.

Maŋ kèì nyɛɛnɛŋ 2:21

Kàuŋ kìɛ̀ŋ e teenga wèè wo fè maŋ tùwo naanààuŋ màŋ jɛwɛ, kɛɛ wo manàŋ wò do dàngè è hmɔŋtu naanààaŋ wò nyɛnɛŋ lɛ̀.

Maŋ kèì nyɛɛnɛŋ 2:5

Gòngoìŋ e kèè koɓɛ̀i nìŋ yaà wa paŋgàà nìŋ naŋ sɔ̀ɔ̀ lɛ. Kìlaìŋ koɓɛ̀ Dayài niŋ nyɛ̀nɛ̀ŋ e yèɛ nìŋ naŋ wa nyɛ̀nɛ̀ŋ jiɛ̀ lɛ. Sèè nìŋ go kìlà, mìŋ do nàŋ hnè ko nɛ̀ɛ̀iŋ niìŋ ka ɓèmè maŋ kuù sɛ̀ɛ̀ laumpòiŋ màŋ e yìwìà koɓɛ̀i màŋ jaa lɛ̀.