Maafiù 3:14 - WƆŊ FƐ̀Ì EBÒ SÌÀŊ DAYÀA

¹⁴ Kɛɛ wo Jɔ̀ɔŋ naŋ wa kàmè ɗewe wèè wo kìlà wo Jisɛ̀ ke jii yèè wò nauŋ woò wààŋ, “Miàŋ nàŋ henàŋ hnè ko nɛ̀ɛ̀ŋ muìŋ wèè maim gùà, wèè kiɛ̀ŋ mùŋ naŋ hnè ko nɛ̀ɛ̀ŋ miìŋ?”

Maafiù 3:14 ပူးပေါင်းရင်းမြစ်များ

Maafiù 3:13

E teenga lii wo Jisɛ̀ naŋ yèwè wɔŋ fùɔ̀ŋ Galaliìɔ sùà, yèè wò naŋ kɔ̀ koɓɛ̀ e wùìyèɛ àŋ nyaaŋ Jɔɔɗììŋ nɛ, ko yèi wo Jɔ̀ɔŋ yaà wa lɛ̀. Wò nao wa kɔ̀ wèè wo Jɔ̀ɔŋ wouŋ gùà.

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Luù 1:43

Wèè kiìŋ wo yèyè Kana miɔ̀ŋ naŋ ɓɛ̀nɛ̀ŋ hnàŋ ko nɛ̀ɛ̀ŋ miìŋ wèè woim jaamè?

Jɔ̀ɔŋ 1:16

Esàɓù e mànaŋ gbeeuŋ nɛ̀ ko nɛ̀ɛ̀ŋ wiì, wò naŋ nɔ̀ŋ e kpùùmaŋ gbee koɓɛ̀ yàwi nààŋ gbiìŋ.

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

Luùm 3:23

Yàwi nààŋ gbiŋ èiŋ nyɛ̀nɛ̀ŋ maŋ jùumù yèè èiŋ ka fauŋ e yìwìà e jòòwò Dayàa fɛɛ̀feìŋ.

Luùm 3:25

Wo Dayà naŋ wa tùɔ̀ŋ wo yèɔ wò naŋ tàeɗùù wɔ, wo Kulaìɔ, wèè wo nɔ̀ŋ e nɛ̀ŋ saaà weè wì. Wo Jisɛ̀ Kulaì naŋ wa wùɔ̀ŋ maŋ sɛ̀ìŋ e kìlà wo fà weè wi, wèè kɛ̀ sèè è kɛɛnɛ̀uŋ hààwe sùà, wo Dayà do wi nàŋ jàà kùàŋ dìì. Wo Dayà naŋ wa tɛɛ̀ nyɛ̀nɛ̀ŋ e teenga gɔu sùà wèè wo tɔɔ̀ kɛ̀ wò yaà wa e tɔ̀ɔ̀nyaàŋ sùà wèè wo kɛ̀ɛ̀nɛ̀ŋ ke jii tɔumtɔ̀ùm e kìlà wo jùùyà anyùùŋ hakɛ̀ wèè maŋ jùumù nyiŋ màŋ. Tɛɛ̀ naŋ ɓɛìŋ tɔɔ̀ kɛ̀ wo Dayà yaà tɔ̀ɔ̀nyaàŋ, nààŋ wò jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ e kìlà sèè àŋ kɛɛnɛ̀ŋ hààwe wo Jisɛ̀ sùà.

Gàla 3:22

Kɛɛ wɔŋ fɛ̀ì Dayàa naŋ woò wààŋ, anyuùŋ kpùuŋ nyàŋ gbiŋ àŋ yaà e gààŋ jùumù dìì. Yèè weètii, e ɗààhiìɛ wo Dayà naŋ wa ɓemè lɛ, è do nàŋ nɔ̀ŋ wèè anyùùŋ nyaŋ gbiŋ naŋ hààwè wo Jisɛ̀ Kulaì nyaŋ.

Gàla 4:6

Kɛɛ nààŋ è yààìŋ aŋ jɔ̀à Dayà lɛ, wo Dayà naŋ tùɔ̀ŋ wo Jìnàŋ Jɔ̀àfelaauŋ nɔɔ̀ŋ maŋ jii wi màŋ sùà. E kìlà wo Jìnàaŋ naŋ gòlò wààŋ, “Dèda miɔ̀ŋ, Dèda miɔ̀ŋ wɔ.”

Hiɓu 7:23

E fèemàŋ joo bà yaào ɓɛìŋ. Aŋ sìèfèìŋ zòòlo zimgbe bà yaào wa ɓɛìŋ, kɛɛ aŋ gbiŋ naŋ wa fɔ̀ e kìlà aŋ gò wa kpɛ̀ɛ̀yɛ̀ màŋ tòmo nyiŋ màŋ.