Maafiù 3:12 - WƆŊ FƐ̀Ì EBÒ SÌÀŊ DAYÀA

¹² Wò kuwa wɔŋ sɛmɛ̀ŋ fùùnyàŋ e kpàliuŋ nɛ̀ ko sìwè wèè wo fùàŋ e kpàliuŋ nɛ̀. Wò do nàŋ gbònògbònò e kpàli kɛnɛɛ̀ wo niŋ gbìàŋ ko kɛiŋ, kpeiŋ kɛ̀ wò hàmàŋ maŋ kpàli dɛɛ màŋ wò miŋ gbìàŋ ko hmɔ̀ɔ̀ŋ, yèè e hmɔ̀ɔ̀ŋ bi fè wa nàwèè nyime.”

Maafiù 3:12 ပူးပေါင်းရင်းမြစ်များ

Maafiù 13:30

Tɔ̀ maŋ dɛɛ wuiye màŋ nɔ̀o e jeèsùà e tèèngà e kpàliɛ̀ hɛ̀ɛ e haì. Kpeiŋ mìŋ do nàŋ wòò anyuùŋ tòmoim nyàŋ wèè aŋ fìà maŋ dɛɛ wuiye naanààŋ maŋ miiŋ jiɛ̀, aŋ miŋ dèkà maŋ bilà yèè aŋ miŋ sùàŋ. Kpeiŋ kɛ̀ àŋ hɛ̀ɛ̀ e kpàli lɛ̀ àŋ niŋ gbìàŋ ko kɛiŋ miìŋ.’ ”

Maafiù 13:41

Miàim wo Jɔ̀àfèlàà Nyuùŋ Kpùnɔɔ̀ŋ do wa nàwèè nàŋ tùɔ̀ŋ aŋ màikàim nyàŋ wèè aŋ gbònògbònò anyùùŋ nyaŋ kinɛiŋ naŋ nyɛ̀nɛ̀ŋ esaɓù anyùùŋ naŋ nyɛ̀nɛ̀ŋ e kèì jùumù yèè anyuùŋ gbànaŋ nyàŋ gbiŋ naŋ nyɛ̀nɛ̀ŋ maŋ kpèè naanààŋ nyaŋ aŋ nyiŋ gè e Kana mɛ̀ sùà.

Maafiù 13:42

Àŋ do nyiŋ nàŋ gbìɛ̀ŋ ko sààŋ hmɔɔ̀ŋ kùwa gbeeì, ko yèi àŋ do nàŋ gòlò e kìlà aŋ gbìlà le sìaŋ nyiŋ nɛ̀.

Maafiù 13:43

Kpeiŋ kɛ̀ anyùùŋ tɔ̀ɔ̀nyaàŋ nyaŋ do nàŋ mɛ̀ɛ̀ŋ mààŋ e gɔɛɛ̀ e Kànà Dèda nyiŋ nɔɔ̀ŋ sùà. Weètii, jàaìŋ maŋ nùŋ dìì tɛ̀ɛ̀ sèè nìŋ kɛɛnɛ̀ŋ maŋ nùŋ!”

Luù 3:16

Wo Jɔ̀ɔŋ naŋ nyiŋ fasàì wààŋ, “Mìŋ yààìŋ nɔŋ gùùyà sùà e wùìyè. Kɛɛ wo nyùùŋ bà do nàŋ hnè, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ. Wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Luù 3:17

Wò kuwa wɔŋ sɛmɛ̀ŋ fùùnyàŋ e kpàliuŋ nɛ̀ ko sìwè wèè wo fùàŋ e kpàliuŋ nɛ̀. Wò do nàŋ gbònògbònò e kpàli kɛnɛɛ̀ wo niŋ gbìàŋ ko kɛiŋ, kpeiŋ kɛ̀ wò hàmàŋ maŋ kpàli dɛɛ màŋ wò miŋ gbìàŋ ko hmɔ̀ɔ̀ŋ, e hmɔ̀ɔ̀ŋ bi zà fè wa nàwèè nyime.”

Jɔ̀ɔŋ 15:2

Sèè ke kpee miɛ̀ŋ bà ke yèɛ kè yaà bàimbà kè go kòmàŋ maŋ gbɛ̀mɛ̀ɛ̀ŋ komaŋ, wò do nyiŋ noo nàŋ kɛ̀ɛ̀ kpo. Kɛɛ wò gbeye maŋ kpee nyɛɛ̀ɛ̀ maŋ wèè kɛ̀ ke gbɛ̀mɛ̀ɛ̀ŋ kulɛɛ̀ ke nɔ̀ŋ sùà janyai wèè ke kòmàŋ maŋ gbɛ̀mɛ̀ɛ̀ŋ zimgbe.