Maafiù 3:11 - WƆŊ FƐ̀Ì EBÒ SÌÀŊ DAYÀA

¹¹ Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Maafiù 3:11 ပူးပေါင်းရင်းမြစ်များ

Maafiù 3:6

Àŋ naŋ wa wòò maŋ keì naanààŋ nyiŋ màŋ, yèè wo Jɔ̀ɔŋ naŋ nyiŋ wa gùò e Wùìyè Jɔɔɗììŋ nɛ̀ sùà.

Luù 1:17

Wò do nàŋ kɔ̀ wo Kanaà ko feìŋ e yìwìà e gààŋ guùŋ nɛ yèè wo jìnàŋ gunɔ̀ɔŋ wo Ìlaajà kuwa wa wɔ. Yèè esàɓù wo Jɔ̀ɔŋ sùà, anyuùŋ kòmaŋ nyàŋ do nàŋ kɛ̀ɛ̀nɛ̀ŋ e gòngo wèè aŋ jɔ̀à nyiŋ nyàŋ. E kìlà anyùùŋ nyaŋ naŋ gììyè wo Dayà maŋhɛɛ nyàŋ do naàŋ nàŋ kɛ̀ɛ̀nɛ̀ŋ maŋ jìì e gòngo siaŋ, yèè aŋ dè ke dòmàŋ anyùùŋ tɔ̀ɔ̀nyaàŋ nyaŋ diɛŋ. E ɗeweɛ̀ lɛɛ̀ wo Jɔ̀ɔŋ do nàŋ nyɛ̀nɛ̀ŋ anyùùŋ aŋ nɔ̀ŋ bànèbane nyiŋ wèè wo Kanaà Dayà.”

Luù 3:16

Wo Jɔ̀ɔŋ naŋ nyiŋ fasàì wààŋ, “Mìŋ yààìŋ nɔŋ gùùyà sùà e wùìyè. Kɛɛ wo nyùùŋ bà do nàŋ hnè, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka fìlè è jèì màŋ bauŋ màŋ. Wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Luù 3:3

Kpeiŋ wo Jɔ̀ɔŋ naŋ kɔ̀ maŋ kpàlàùŋ kpàlàùŋ maŋ gbiŋ sùà e Wùìyè Jɔɔɗììŋ nɛ kɔɔ, wò yaà gbùùyè ke mìè Dayàa koɓɛ̀ anyùùŋ nyaŋ wààŋ, “Sèè nìŋ mɔnɔŋ wo Dayà woiŋ jùùyà hakɛ̀ wèè maŋ jùumùiŋ màŋ, kɛ̀ sɔɔ̀ naŋ fè maŋ tùwo naanààiŋ màŋ jɛwɛ naŋ kìlà koɓɛ̀ Dayài, e kìlà naŋ nɔ̀ŋ gùaiŋ.”

Jɔ̀ɔŋ 1:15

Ke ɗɔ̀ɔ̀ guùŋ nààŋ wo Jɔ̀ɔŋ yaà wa wòò sùà anyùùŋ nyaŋ e kiiuŋ, wò naŋ yɛ̀mɛ̀ wo Jisɛ̀. Kpeiŋ wò naŋ kpààŋ yèè wò naŋ nyiŋ woò wààŋ, “Wɛɛ̀ nàŋ yaà wo nyùnɔ̀ɔŋ mìŋ naiŋ weè wòò e kiiuŋ wɔ̀ nààŋ mìŋ naŋ woò miàŋ, wo nyùùŋ bà do nàŋ hnè eɓìèmàŋjɛ̀wɛ̀ miàŋ, kɛɛ wò kuwa e gààŋ woim nìàŋ, esaɓù kɛ̀ wò yaà wa wɔŋ nyiiŋ gèeɔ̀ sùà paŋgàà àŋ naim kòmò.”

Jɔ̀ɔŋ 1:30

Wɛɛ̀ nàŋ yaà wo nyùnɔ̀ɔŋ mìŋ naiŋ weè wòò e kiiuŋ wɔ̀ nààŋ mìŋ naŋ woò miàŋ, ‘Wo nyùùŋ bà do nàŋ hnè eɓìèmàŋjɛ̀wɛ̀ miàŋ, kɛɛ wò kuwa e gààŋ woim nìàŋ, esaɓù kɛ̀ wò yaà wa wɔŋ nyiiŋ gèeɔ̀ sùà paŋgàà àŋ naim kòmò.’

Nyɛ̀nɛ̀ŋ 1:5

Wo Jɔ̀ɔŋ naŋ wa nɔŋ gùùyè anyùùŋ e wùìyè, kɛɛ maŋ ɗɔɔ kpàa bà sùà, wo Dayà doiŋ nàŋ gùùyè wo Jìnàŋ Nɛɛmaàŋ.”

Nyɛ̀nɛ̀ŋ 19:4

Wo Pɔɔ̀ naŋ nyiŋ fasàì wààŋ, “Wo Jɔ̀ɔŋ naŋ wa gùò anyùùŋ wèè aŋ fè maŋ tùwo naanààŋ nyiŋ màŋ jɛwɛ yèè aŋ kìlà koɓɛ̀ Dayài. Kɛɛ wò naŋ nyiŋ wa ɓɛìŋ woò wààŋ wo nyùùŋ bà kòò wò yaà hinie, yèè aŋ sìà e hààwe nyiŋ nɛ̀ wo nyùùŋ bi sùà. Wo Jisɛ̀ nàŋ yaà wo nyùùŋ bi wo yèɔ wo Jɔ̀ɔŋ yaà wa wòò e kiiuŋ wɔ̀.”

Nyɛ̀nɛ̀ŋ 8:36

Yèè nààŋ àŋ yaà wa naàŋ kɔɔyɛ ke dòmaàŋ diɛŋ, àŋ naŋ hàì koɓɛ̀ e wùìyè bà. Wo nyùùŋ gbèè fuɔɔ̀ŋ naŋ wòò wo Felè wààŋ, “Yɛ̀mɛ̀, e wùìyè lɛɛ̀ kià, esaɓù bà kòò è yao eim kèèwè kùàŋ feìŋ wèè miŋ go nàŋ nɔ̀ŋ gùaim?” [

Nyɛ̀nɛ̀ŋ 8:38

Wo kenàaŋ naŋ wòò wo nyuùŋ dùùnyàŋ gɔ̀ sòouŋ nɔɔ̀ŋ wèè wo jàà wuŋ. Yèè wo Felè yaà wo nyuùŋ gbeeɔ̀ naŋ dè e wùìyèɛ sùà, yèè wo Felè nauŋ gùò.

1 Kɔliìŋ 12:13

Yɛi nɔŋ, yàwi nààŋ gbiŋ è yààìŋ, èiŋ nɔ̀ŋ aŋ Juùù, ɔ̀ɔ̀ ànyùùŋ nyaŋ fè àŋ Juùù nyaŋ, èiŋ nɔ̀ŋ àŋ ɗo ɔ̀ɔ̀ e fèìŋ àŋ ɗo, wo Jinàŋ guùŋ wɛɛ̀, wò wi gùà e kìlà wò wi gbìàŋ ke kpùnàŋ guùŋ yɛɛ̀ sùà. Yàwi nààŋ gbiŋ è tìèìŋ e yìwìà wo Jìnàŋ guùŋ wɛɛ̀ sìwè.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Taitɔ̀ 3:5

wò naŋ wi joeyè. E fè kɛ̀ yàwi bi è naŋ nyɛ̀nɛ̀ŋ è tɔ̀ɔ̀nyaàŋ bà, kɛɛ e yìwìà ke nyòwò wuŋ biɛ̀ sùà wò naŋ wi joeyè, esàɓù Jìnàŋ nɛɛmaàŋ sùà, wo yèɔ naŋ wi kìɛ̀ŋ e kòmo jɛi yèè wɔŋ nyiiŋ gèe jɛi esàɓù e gùaà wò naŋ wi gùò lɛ sùà.

1Pììlɛ 5:5

E ɗèwè guùŋ bi sùà nyɛ̀iŋ nààŋ nyuùŋ bɔwɔ nyàŋ sɔɔ̀ naŋ jɔ̀ɔ̀lɔ̀ àŋ màmàŋkùmɛŋ nyaŋ dìì. Nyɛ̀iŋ nààŋ gbiŋ, wo nyùùŋ gbiŋ ɓɔ̀ wò ɓemè wuŋ bi gbee. Màànààŋ wɔŋ fɛ̀ì Dayàa naŋ woò wààŋ, “Wo Dayà giiyà wo nyùnɔ̀ɔŋ ɓemàŋ wuŋ bi gbee wɔ̀ maŋhɛɛ, kɛɛ wò kiɛ̀ŋ wo nyùnɔ̀ɔŋ fè ɓèmè wuŋ bi gbeeɔ̀ e keì sìàŋ.”