Maafiù 28:9 - WƆŊ FƐ̀Ì EBÒ SÌÀŊ DAYÀA

⁹ E bìao sùà wo Jisɛ̀ naŋ nyiŋ mɛɛ̀ŋ yèè wò naŋ nyiŋ zuumò. Àŋ naŋ hnè ko nɛ̀ɛ̀uŋ niìŋ auŋ gbùwò gòlò dìì, yèè àŋ nauŋ zoolò.

Maafiù 28:9 ပူးပေါင်းရင်းမြစ်များ

Maafiù 14:33

Kpeiŋ anyùùŋ màŋjɛ̀wɛ̀ nyaŋ wɔŋ gɔɔ̀ sùà naŋ gbùwò wo Jisɛ̀ ko gòlòò dìì e ɓɛ̀ɛ̀jàa sùà, yèè àŋ naŋ woò nyààŋ, “Tɔɔɓaa muàŋ nàŋ yaà wo Jɔ̀àfèlàà Dayàa.”

Maafiù 23:7

Aŋ manaŋ wèè aŋ nyiŋ zuumò e kìlà wèè aŋ nyiŋ kìɛ̀ŋ e ɓɛ̀ɛ̀jàa koɓɛ̀i àŋ nyiniàŋ maŋ bòli màŋ lɛ, yèè aŋ nyiŋ nyààŋ aŋ ‘Kààmɔɔŋ.’

Maafiù 28:10

Wo Jisɛ̀ naŋ nyiŋ woò wààŋ, “E jùù ɓɔ̀ è nyɛ̀nɛ̀iŋ. Kɔ̀aìŋ niŋ woò aŋ wùìyaim nyàŋ kɛ̀ aŋ ka ko Galaliì, kuŋ àŋ doim nàŋ yɛmɛ̀.”

Maafiù 28:17

Yèè nààŋ àŋ nauŋ yɛmɛ̀, àŋ nauŋ gbùwò gòlòò dìì yèè àŋ nauŋ zoolò, jòòpɛɛ aŋ bà nyiŋ gò niŋ wa haawè kɛ̀ wò Jisɛ̀ wuŋ bi wo.

Maafiù 28:8

Yèè àŋ naŋ kɔ̀ maŋ dùaŋ dùaŋ e yìwìà koɓɛ̀ ke hùaàŋ. Jòòpɛɛ e jùù yaà nyiìŋ wa, kɛɛ maŋ jii nyiŋ màŋ naŋ wa dìè e zɔlɔ̀, àŋ naŋ dùɔ̀ŋ wèè aŋ ka aŋ woò ebò lɛɛ̀ koɓɛ̀ anyùùŋ màŋjɛ̀wɛ̀uŋ nyàŋ.

Luù 1:28

Wo màikàa naŋ zùùmò wo Mèèle wààŋ, “Tɔɔɓaa e zòòlo yààùm maŋjɛ̀wɛ! E kìlà wo Kanaà Dayà wòum jàà kùàŋ dìì.”

Luù 24:52

Anyùùŋ màŋjɛ̀wɛ̀uŋ nyàŋ naŋ dè maŋ gɛ̀ɛ̀nìŋ nyiŋ màŋ dìì auŋ zoolò, yèè aŋ naŋ kɛ̀ɛ̀ maŋjɛ̀wɛ ko Jùlusɛ̀làm e zɔlɔ̀ gbee sùà.

Luù 7:38

yèè wò naŋ sìè wo Jisɛ̀ jɛ̀wɛ̀ maŋ golòuŋ màŋ kɔɔ wò yaà gulie, maŋ fɛɛ̀màìuŋ màŋ dè maŋ gòlò Jisɛ̀ maŋ. Kpeiŋ wò naŋ miŋ hààngè e ɗì dumuuŋ nɛ̀, wo miŋ kisì, yèè wò naŋ miŋ kpàlèè maŋ kuùmàì.

Jɔ̀ɔŋ 12:3

E teengaà wo Jisɛ̀ yaà wa jììyè nɛ̀ŋ lɛ, wo Mèèle naŋ hnè wo hìàŋ sàiŋ ebɛ̀ŋ e jòngo è naŋ dìè maŋ kuùmàì. E ɓàà maŋ kuùmàì mɛɛ̀ŋ naŋ wa gàŋ zimgbe esaɓù àŋ naŋ miŋ wa bàànè e nɛ̀ŋ bà àŋ nyaaŋ nadì kɛnɛ. Wo Mèèle naŋ yìlè e sàiŋ nɛ̀ yèè wò naŋ kpàlèè maŋ kuùmàì maŋ wo Jisɛ̀ maŋ gòlò. Yèè wò naŋ hààngè e ɗì dumuuŋ nɛ̀ maŋ gòlò Jisɛ̀ maŋ. E dò sìàŋ maŋ kuùmàì maŋ naŋ wa ɓààyè ke saaàŋ gbiŋ dìì.

Jɔ̀ɔŋ 20:19

Ke ɗɔɔ jiɛ̀jiɛ̀ɛ ke wikìɛ sùà e koya lii, anyùùŋ màŋjɛ̀wɛ̀ nyaŋ gbiŋ naŋ wa kɔ̀ aŋ jɔ̀à ko saaŋ aŋ yìlà maŋ gbemgbee màŋ kpaŋ, esaɓù kɛ̀ e jùùɛ yaà nyiìŋ wa wèè anyùùŋ gbèègbèè aŋ Juùù nyaŋ. Yèè ko fɛɛ̀feìŋ wo Jisɛ̀ naŋ hnè wò naŋ nyiŋ sìè e tɛɛ ko saaìŋ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

2 Kɔliìŋ 13:11

E gbiŋ sùà, nyɛ̀iŋ nààŋ wùìyaim nyàŋ enììsìàiŋ. Nɔ̀ɔìŋ tɛ̀ɛ̀ yèè niŋ kuwìè e gòngo wèè maŋ keì maŋ mìŋ naiŋ woò maŋ. Fɛ̀ɛìŋ niŋ nɔ̀ŋ ɓɛ̀ guùŋ ke jii fàa sùà. Kɛ̀ wo Dayà kùwìè e mànaàŋ yaà ke jii fàa doiŋ nàŋ nɔ̀ŋ e kɔɔ.

Maŋ kèì nyɛɛnɛŋ 3:9

Kòmaìŋ tɛɛ̀! Sèè è nɔ̀ŋ wèè anyùùŋ nyiiŋ, ke gbòò anyùùŋ màŋjɛ̀wɛ̀ Sɛ̀tanàŋ nyaŋ, anyuùŋ tòa nyiiŋ naŋ yɛi ɓèmè nyiŋ bi wèè aŋ nɔ̀ŋ aŋ Juùù nyuuŋ kɛɛ aŋ fè àŋ Juùù nyaŋ, mìŋ do nyiŋ nàŋ nyɛ̀nɛ̀ŋ aŋ hnàŋ aiŋ kìɛ̀ŋ ɓɛ̀ɛ̀jàa. Àŋ do nàŋ nyìmè kɛ̀ mìŋ mànàìŋ.