Maafiù 28:2 - WƆŊ FƐ̀Ì EBÒ SÌÀŊ DAYÀA

² E bìao sùà e dììɛ naŋ kìlè. Yèè wo màìkà Kanaà Dayà naŋ dèyè e yìwìà ko àìjɛnɛ̀ŋ wò naŋ dùlò ke dùòɛ wo nyiŋ gè ke hùaàŋ yɛmgbɛ̀ yèè wò naŋ nyiŋ jɛ̀ì diɛŋ.

Maafiù 28:2 ပူးပေါင်းရင်းမြစ်များ

Maafiù 27:60

yèè wò naiŋ hèè ke dùòɛ sùà ke yèɛ àŋ naŋ tòmò sùà wèè ke nɔ̀ŋ ke hùaàŋ wèè wuŋ bi lɛ̀. Kpeiŋ wò naŋ ngèèngèè wɔŋ duò fàà gbee ke hùaàŋ nyɛmgbɛ̀ yèè wò naŋ kɔ̀.

Maafiù 27:66

Kpeiŋ àŋ naŋ kɔ̀ aŋ jìà ke hùaàŋ kùàŋ fee nyiŋ, wèè kɛ̀ sèè wo nyùùŋ mɛnlɛ̀ɛ̀ŋ nyiìŋ aŋ nyìmàŋ, yèè àŋ nao jòò aŋ kààlòòɗùà wèè aŋ tuniàŋ nyiŋ.

Jɔ̀ɔŋ 20:1

Ke ɗɔɔ jiɛ̀jiɛ̀ɛ ke wikìɛ sùà maŋ nyiìŋ tɛ̀tɛ̀ e tèèngà wɔŋ fòìnìlì, wo Mèèle e yìwìà ko jawaì àŋ nyaaŋ Màŋdalà, naŋ tɔ̀ɔ̀tù kà koɓɛ̀ ke hùaàŋ. Kɛɛ nààŋ wò nao wa gbɛ̀ɛ̀, wò nàŋ gè fɛ̀ɛ̀ dìì, yèè wò naŋ yɛmɛ̀ kɛ̀ ke duò gbeeɛ̀ àŋ naŋ wa ɓùwìè ke hùaàŋ yɛ, kè yaà dùlo nyiŋ fàà guùŋ e yìwìà ke hùaàŋ yɛmgbɛ̀.

Nyɛ̀nɛ̀ŋ 16:26

Ko fɛɛ̀feìŋ e dììɛ naŋ gbiinè sɛmɛ, yèè ke sààŋ nyìwìɛ gbiŋ naŋ gbiinè e hàì ko tɔ̀ɔ̀tù ke saaàŋ e dììɛ dìì. Ko fɛɛ̀feìŋ maŋ gbemgbee maŋ gbiŋ naŋ yilè yèè maŋ jɔ̀ɔɔ màŋ naŋ fìlè aŋ pèesìnàŋ nyaŋ gbiŋ maŋ gòlò.

Nyɛ̀nɛ̀ŋ 5:19

Kɛɛ wɔŋ dùùm wiiŋ wo màìkà Kanaà Dayàa naŋ yìlè wɔŋ gbèmgbèè ko sààŋ nyìwìi, wo nyiŋ fulià, yèè wò naŋ nyiŋ woò wààŋ,

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

Maŋ kèì nyɛɛnɛŋ 11:19

Ke Saaŋ Zòòlò Dayàa ko àìjɛnɛ̀ŋ yaà wa yìle nyiŋ, yèè mìŋ naŋ yɛ̀mɛ̀ wɔŋ Kààŋ e Ɗààhìì e Mìèsùàgùùŋ Dayàa jaao. Ko fùùiŋ naŋ wa gɛɛ̀ wàìŋ wàìŋ, ko gùmàŋ, ko kpààŋ, e dììɛ kìlà, yèè mìŋ naŋ yɛ̀mɛ̀ e gbamàŋkòmàŋ naŋ sɔ̀ɔ̀.