Maafiù 27:56 - WƆŊ FƐ̀Ì EBÒ SÌÀŊ DAYÀA

⁵⁶ Aŋ jɔùŋ bi tɛɛ wo Mèèle e yìwìà ko jawaì àŋ nyaaŋ Màŋdalà, wo Mèèle wo nààŋ Jìiiɔ̀ŋ yèè wo Jòòsɛ, yaà wo nààŋ aŋ jɔ̀àfèlàà Zɛɓɛdiì nyaŋ yaào wa.

Maafiù 27:56 ပူးပေါင်းရင်းမြစ်များ

Maafiù 13:55

Wuŋ nàŋ fè wò jɔ̀àfèlàà kapinàa? Wo Mèèle nààŋ fè wò yèyeuŋ nɔɔ̀ŋ, yèè aŋ wùìyauŋ nyàŋ nààŋ fè wò Jìiiŋ, wò Jòòsɛ, wò Saimɔ̀ŋ yèè wò Juɗà?

Maafiù 27:61

Wo Mèèle e yìwìà ko jawaì àŋ nyaaŋ Màŋdalà yaà wo Mèèle wo nààŋ Jòòsɛɔ̀ jaa wa àŋ yaà yɛ̀ɛ̀mɛ̀ koɓɛ̀ ke hùaàŋ àŋ naŋ wa hèè wo Jisɛ̀ sùà lɛ.

Maafiù 28:1

Nààŋ ke Ɗɔ̀ɔ̀ Zòòlò aŋ Juùù nyaŋ naŋ mààŋ, ke ɗɔɔ jiɛ̀jiɛ̀ɛ ke wikìɛ sùà ebɛ̀ŋ wɔŋ niìsìaà maŋ nyiìŋ tɛ̀tɛ̀, wo Mèèle e yìwìà ko jawaì àŋ nyaaŋ Màŋdalà yèè wo Mèèleɔ̀ bàa naŋ kɔ̀ koɓɛ̀ ke hùaàŋ wèè aŋ yɛmɛ̀o.

Luù 24:10

Aŋ jɔùŋ bi nàŋ yaà wa wo Mèèle e yìwìà ko jawaì àŋ nyaaŋ Màŋdalà, wo Jòanàŋ yèè wo Mèèle wo nààŋ Jìiɔ̀ŋ. Nyiŋ yaà aŋ jɔùŋ gbànaŋ nyàŋ yàa nyiìŋ wa maŋjɛ̀wɛ nyàŋ naŋ wa wòò maŋ keì mɛɛ̀ŋ koɓɛ̀ aŋ keela tàeɗùù nyaŋ.

Luù 8:2

Aŋ jɔùŋ bà aŋ yè nyaŋ wò naŋ wa gè aŋ jinàŋ naanààŋ maŋjɛ̀wɛ yèè wò naŋ sùngò maŋ sàaŋ gɛ̀wɛɛ̀ nyiŋ màŋ gbiŋ nyàŋ, nauŋ dè maŋjɛ̀wɛ nyiŋ pɛɛ. Aŋ jɔùŋ bi bà guùŋ nàŋ yaà wa wo Mèèle e yìwìà ko jawaì àŋ nyaaŋ Màŋdalà, wo yèɔ wo Jisɛ̀ naŋ wa gè jìnàŋ nàànààŋ nɔɔnɔŋ le tìyèe maŋjɛ̀wɛ wɔ̀.

Jɔ̀ɔŋ 19:25

Aŋ jɔ̀ùŋ nyùùŋ tiinàŋ sia wa e gbɛ̀ɛ̀ wɔŋ vànèkpàà Jisɛ̀ɔ kɔɔ. Aŋ jɔùŋ bi nàŋ yaà wa wo nààŋ Jisɛ̀ɔ yaà wo jeuŋ wo nanàaŋ, wo Mèèle wo jawè Kulopàa, yèè wo Mèèle e yìwìà ko jawaì àŋ nyaaŋ Màŋdalà lɛ.

Jɔ̀ɔŋ 20:1

Ke ɗɔɔ jiɛ̀jiɛ̀ɛ ke wikìɛ sùà maŋ nyiìŋ tɛ̀tɛ̀ e tèèngà wɔŋ fòìnìlì, wo Mèèle e yìwìà ko jawaì àŋ nyaaŋ Màŋdalà, naŋ tɔ̀ɔ̀tù kà koɓɛ̀ ke hùaàŋ. Kɛɛ nààŋ wò nao wa gbɛ̀ɛ̀, wò nàŋ gè fɛ̀ɛ̀ dìì, yèè wò naŋ yɛmɛ̀ kɛ̀ ke duò gbeeɛ̀ àŋ naŋ wa ɓùwìè ke hùaàŋ yɛ, kè yaà dùlo nyiŋ fàà guùŋ e yìwìà ke hùaàŋ yɛmgbɛ̀.

Jɔ̀ɔŋ 20:18

Kpeiŋ wo Mèèle e yìwìà ko jawaì àŋ nyaaŋ Màŋdalà naŋ kɔ̀ wo wòò anyùùŋ màŋjɛ̀wɛ̀ nyaŋ kɛ̀ wò yɛ̀mɛ̀ wo Kanaà Jisɛ̀. Yèè wò naŋ nyiŋ wòò e yèɛ kinɛiŋ wò nauŋ woò lɛ.