Maafiù 27:54 - WƆŊ FƐ̀Ì EBÒ SÌÀŊ DAYÀA

⁵⁴ Nààŋ wo kànà aŋ kààlòòɗùà nyaŋ yaà aŋ kààlòòɗùàuŋ nyàŋ siao wa ko tùnìè Jisɛ̀ nyaŋ naŋ yɛ̀mɛ̀ e dììɛ naŋ kìlè yèè maŋ keì maŋ gbiŋ yaà wa kaaiŋ màŋ, e jùù naŋ nyiŋ wa nyɛ̀nɛ̀ŋ yèè àŋ naŋ woò nyààŋ, “E tɔɔɓaa le, wo felaa wɛɛ̀ nàŋ yaà mɛ̀iŋ wo Jɔ̀àfèlàà Dayàa!”

Maafiù 27:54 ပူးပေါင်းရင်းမြစ်များ

Maafiù 26:63

Kɛɛ wo Jisɛ̀ naŋ wa nɔ̀ŋ gìli e kìlà wo gò wa wòò kè mìè guùŋ pɛɛ. Wo Kànà Sìèfèìŋ Zòòlo Gbeeɔ̀ nauŋ ɓɛìŋ woò wààŋ, “Mìŋ yààùm daawe wèè maŋ wi wòò e tɔ̀ɔ̀nyaàaŋ, wo Dayà nyiiŋ gèeɔ̀ kòò wò yààùm kumie. Wòò wi sèè mààŋ muàŋ nàŋ yaà wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Jɔ̀àfèlàà Dayàa.”

Maafiù 27:36

Eɓìèmàŋjɛ̀wɛ̀ tii, àŋ naŋ wa naàŋ jɛi wèè auŋ tuniàŋ.

Maafiù 27:40

“Muàŋ mààŋ mɛ̀iŋ mùŋ do nàŋ gɔ̀ɛ̀ɛ̀ ke Saaŋ Zòòlò Dayàa yèè maŋ nyiŋ nyɛ̀lɛ̀ e gɔ̀ɛ̀ɛ̀ taai diɛŋ! Dè naàŋ muŋ fòlà wɔŋ vànèkpaaà diɛŋ muŋ joeyè muàŋ bi sèè mààŋ muàŋ nàŋ yaà wo Jɔ̀àfèlàà Dayàa!”

Maafiù 27:43

Wò naŋ tùlìè wo Dayà jii yèè wò naŋ ɓèmè wuŋ bi wèè wo nɔ̀ŋ wo Jɔ̀àfèlàà Dayàa. Weètii, yɛ̀mɛ̀ wiìŋ weè sèè mààŋ wò dò nàŋ mɔ̀nɔ̀ŋ wèè wouŋ joeyè.”

Maafiù 27:51

Tɛɛ̀ naŋ nɔŋ kaaìŋ fa, wɔŋ dèè saaŋ yɛmgbɛ̀ gbeeɔ̀ sɛ̀ɛ̀ wa ko Saaŋ Zòòlò Dayài wɔ̀ŋ naŋ sɛ̀ɛ̀ tɛɛ fàà tìyèe, e yìwìà ko diɛìŋ e hàì ko dìlìi. E dììɛ naŋ gbiinè, yèè maŋ dùò maŋ naŋ sɛ̀ɛ̀sɛ̀ɛ̀ maŋ fàà.

Maafiù 4:3

Kpeiŋ wo Sɛ̀tanàaŋ, wo nyuùŋ wàauŋ nɔɔ̀ŋ naŋ hnè ko nɛ̀ɛ̀uŋ niìŋ yèè wò nauŋ woò wààŋ, “Sèè mààŋ muàŋ nàŋ yaà wo Jɔ̀àfèlàà Dayàa, kɛ̀ wòò le dùò lɛɛ̀ e kìlà e gbɔ̀u wèè muŋ gbìlà.”

Maafiù 8:5

Nààŋ wo Jisɛ̀ naŋ wa kɔ̀ ko jawa gbeeì àŋ nyaaŋ Kepanàùm lɛ, wo kààlòòɗùà anyùùŋ ko Luùm nyaŋ bà naŋ hnè ko nɛ̀ɛ̀uŋ niìŋ yèè wò nauŋ pɔwɔ̀ wèè e kpùùmaŋ. Wo felaaà naŋ wòò wo Jisɛ̀ wààŋ,

Luù 22:70

Yèè aŋ gbiŋ nauŋ dawè nyààŋ, “Weètii muàŋ nàŋ yaà wo Jɔ̀àfèlàà Dayàa?” Wo Jisɛ̀ naŋ nyiŋ fasàì wààŋ, “Nyɛ̀iŋ naŋ woò nààŋ miàŋ nàŋ yàaùŋ!”

Jɔ̀ɔŋ 19:7

Aŋ Juùù nyaŋ naŋ fasàì nyààŋ, “È kùwàìŋ ke sàwà ke yèɛ wò naŋ pɔɔ̀ yɛ, weètii wò kuwa wo fà, nààŋ wò naŋ ɓèmè wuŋ bi wèè wo nɔ̀ŋ wo Jɔ̀àfèlàà Dayàa.”

Nyɛ̀nɛ̀ŋ 10:1

Wo felaa bà yaà wa ko Sesèlià àŋ nyaaŋ wo Kɔ̀nilìɔ̀. Wuŋ nàŋ yaà wa wo nyuùŋ gbeeɔ̀ wèè ke gbòò aŋ kààlòòɗùà Luùm nyaŋ àŋ nyaaŋ nyààŋ “Ètaliɛ̀ŋ Jɔ̀àa.”

Nyɛ̀nɛ̀ŋ 2:37

Nààŋ anyùùŋ nyaŋ naŋ wa tɛɛ̀ kòmò, maŋ jii nyiŋ màŋ naŋ wa kpòlòkpòlò sùà yèè àŋ naŋ dàwè wo Pììlɛ yaà aŋ keela tàeɗùù nyaŋ nyààŋ, “Wùìya wi nyàŋ, kiìŋ è naiŋ naàŋ ɓɛ̀nɛ̀ŋ nyɛ̀nɛŋ?”

Nyɛ̀nɛ̀ŋ 21:32

Ko fɛɛ̀feìŋ wò naŋ ɓèmè aŋ kààlòòɗùà nyaŋ yaà aŋ sìèfeìŋ nyaŋ bà yèè àŋ nao kɔ̀ maŋ dùaŋ dùaŋ. Nààŋ anyùùŋ nyaŋ naŋ yɛ̀mɛ̀ wo kànà aŋ kààlòòɗùàa yaà aŋ kààlòòɗùàuŋ nyàŋ, àŋ naŋ hɔ̀ànè wo Pɔɔ̀ ɓùla.

Nyɛ̀nɛ̀ŋ 23:17

Wo Pɔɔ̀ naŋ nyààŋ wo nyùùŋ gbèè aŋ kààlòòɗùà nyaŋ bà guùŋ yèè wò nauŋ woò wààŋ, “Kòaà wo fooninge wɛɛ̀ koɓɛ̀ wo kànà aŋ kààlòòɗùà nyaŋ. Wò kuwa e keì bà wèè wouŋ gbàì jii.”

Nyɛ̀nɛ̀ŋ 23:23

Wo kànà aŋ kààlòòɗùà nyaŋ naŋ nyààŋ aŋ sìèfèìŋ aŋ kààlòòɗùàuŋ nyàŋ àŋ tìyèe yèè wò naŋ nyiŋ woò wààŋ, “Sèè wɔŋ dùmɔ̀ɔŋ gboo nɔɔnɔŋ le tiinàŋ wɔŋ dùùm wɛɛ̀ŋ, bànèbanè aŋ kààlòòɗùà hɔ̀nɔ̀ɔ̀ tìyèe yèè anyuùŋ dùùnyàŋ aŋ sòo kpɛ̀ùŋ taai jɛ̀wɛ̀ zììyà yaà anyuùŋ sùmìàŋ maŋ kpɛɛ aŋ hɔ̀nɔ̀ɔ̀ tìyèe wèè niŋ ka ko Sesèlià.

Nyɛ̀nɛ̀ŋ 27:1

Nààŋ wo Fɛtɔ̀ yaà anyunùuŋ nyàŋ naŋ wa ɗewè wèè àŋ sɛɛ̀ wɔŋ meeɔ̀ sùà aŋ ka ko Luùm, àŋ naŋ wa kìlè wo Pɔɔ̀ yaà aŋ pèesìnàŋ gbànaŋ nyàŋ koɓɛ̀ wo kànà aŋ kààlòòɗùà titi nyàŋ, e deèuŋ nɛ̀ nàŋ yaà wa wo Juliɔ̀, wo Kànà Gbèè wɔŋ fùɔ̀ŋ anyùùŋ Luùm nyaŋ wèè wo yɛmɛ̀ nyiŋ diɛŋ.

Nyɛ̀nɛ̀ŋ 27:43

Kɛɛ wo kànà aŋ kààlòòɗùà nyaŋ manaŋ wa wo jòèyè wo Pɔɔ̀, tiiŋ naŋ nyɛ̀nɛ̀ŋ aŋ kààlòòɗùà nyaŋ gò wa nyɛ̀nɛ̀ŋ è yèɛ àŋ naŋ wa ɗewè lɛ. Yèè wò naŋ wòò anyùùŋ nyaŋ gbiŋ naŋ wa ɓɛ̀nɛ̀ŋ sɛ̀ɛ nyàŋ kɛ̀ aŋ sɛɛ̀ ko kòiì aŋ jòwà ko tiwiì.

Luùm 1:4

Wo Dayà naŋ tɔɔ̀ e gààŋ nɛɛmaŋ gbee sùà kɛ̀, wo Kanaà Jisɛ̀ Kulaì nàŋ yaà wo Jɔ̀àfèlàà wuŋ biɔ̀, wo yèɔ naŋ kìlè wo nyuùŋkpùuŋ wɔ̀. Wò naŋ wa tɛɛ̀ tɔɔ̀ e yìwìà wo Jìnàŋ Nɛɛmaàŋ, nààŋ wò nauŋ gè e fàaà dìì wɔŋ nyiiŋ gèe sùà.

Maŋ kèì nyɛɛnɛŋ 11:13

E tèèngà guùŋ lii sùà nɔŋ, e dììɛ naŋ wa kìlè fiò. E jawa gbeeɛ̀, sèè è naŋ weè ɓɛ̀nɛ̀ŋ nɔ̀ŋ gòòno niŋ e ɗì zììyà, wo Dayà naŋ pɔ̀ɔ̀pɔ̀ɔ̀ e ɗì guùŋ. Anyuùŋ tààsùùŋ nɔɔnɔŋ le tìyèe (7,000) naŋ wa fɔ̀. E jùù naŋ wa nyɛ̀nɛ̀ŋ anyuùŋ gbànaŋ nyàŋ naŋ wa joo nyàŋ, yèè àŋ naŋ tɛ̀nɛ̀ŋ wo Dayà ko àìjɛnɛ̀ŋ wèè e gaàŋ gbeeuŋ nɛ̀.