Maafiù 27:50 - WƆŊ FƐ̀Ì EBÒ SÌÀŊ DAYÀA

⁵⁰ Wo Jisɛ̀ naŋ ɓɛìŋ kpààŋ sɛiŋ, yèè wò naŋ mìè wɔŋ nyiiuŋ nɔɔ̀ŋ.

Maafiù 27:50 ပူးပေါင်းရင်းမြစ်များ

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Maafiù 27:49

Kɛɛ aŋ bà nyiŋ naŋ wa woò nyààŋ, “Dànge nùuŋ weè! Yɛ̀mɛ wììŋ sèè mààŋ wò Ìlaajà yaà hinie wèè wouŋ joeyè.”

Luù 23:46

Wo Jisɛ̀ naŋ kpààŋ sɛiŋ, yèè wò naŋ woò wààŋ, “Dèda, muàŋ mìŋ naŋ hèè wɔŋ nyììŋ jinàŋ miɔ̀ŋ sìwè.” Wò naŋ tɛɛ̀ woò yèè wò naŋ mìè nyiiŋ.

Jɔ̀ɔŋ 10:11

“Miàŋ nàŋ yaà wo nyuùŋ tùnìàŋ aŋ ɓaawaa siaàŋ, yèè mìŋ naŋ nyimèè wèè ka kìɛ̀ŋ wɔŋ nyiiŋ miɔ̀ŋ wèè aŋ ɓaawaa nyàŋ.

Jɔ̀ɔŋ 19:29

E sàiŋ dìà maŋ muàŋ keekèè yaào wa. Kpeiŋ wò bà guùŋ naŋ dùɔ̀ŋ wo ɓèmè ebɛì yɔuyɔ̀ù fàà, wo niŋ hòà maŋ muàŋ keekèè maŋ sùà, yèè wò naŋ niŋ hɔ̀ɔ̀ ke kùù bà àŋ nyaaŋ hasò, yèè wò naŋ niŋ jòòwò fùùŋ wo niŋ jàà wo Jisɛ̀ wɔŋ nyaàŋ kɔɔ.

Jɔ̀ɔŋ 19:30

Nààŋ wo Jisɛ̀ naŋ tìyè maŋ muàŋ keekèè maŋ, wò naŋ woò wààŋ, “E gbiŋ è naàŋ jùà.” Yèè wo Jisɛ̀ naŋ kpààŋ sɛiŋ, yèè wò naŋ mìè nyiiuŋ nɔɔ̀ŋ.

Hiɓu 2:14

Aŋ jɔ̀à nyiiŋ kuwa maŋ kèìŋ yaà maŋ sɛ̀ìŋ, yèè wo Jisɛ̀ naŋ wa nɔ̀ŋ wo bà nyiŋ bà e nɔ̀ŋ kii nyiŋ nɛ̀ sùà. Wò naŋ tɛɛ̀ nyɛ̀nɛ̀ŋ wèè kɛ̀ esàɓù e fàuŋ nɛ̀, wo pɔɔpɔ̀ɔ̀ e gààŋ Dɛwìɔ, wo yèɔ kuwa wa e gààŋ e fàa diɛŋ wɔ̀.

Hiɓu 5:7

E teengaà wo Jisɛ̀ yaà wa e ɗuunyaàŋ lɛ, wò naŋ wa zoolò yèè wò naŋ dàwè wo Dayà ke mìè gòla gbee sùà yaà maŋ fɛɛ̀màì sùà wèè wo joeyèuŋ. Wo Dayà kuwa wa e gààaŋ wèè wo jòèyè ke kpùnàŋ Jisɛ̀ɛ wèè wo gò wa nàŋ fɔ̀. Nààŋ wò naŋ wa dèèyè wùŋ bi wèè wo nyɛ̀nɛ̀ŋ e yèɛ wo Dayà manaŋ wa wo nyɛ̀nɛ̀ŋ lɛ, wo Dayà naŋ jàà e zòòlouŋ nɛ̀ kùàŋ dìì.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.