Maafiù 27:42 - WƆŊ FƐ̀Ì EBÒ SÌÀŊ DAYÀA

⁴² “Wò naŋ jòèyè anyuùŋ joo, kɛɛ wo fè ɓɛ̀nɛ̀ŋ wuŋ bi jòèye! Wuŋ nààŋ fè wò kànà Ezɔ̀ɛ̀ɔ? Sèè wò dè naàŋ sààmɛ e yìwìà wɔŋ vànèkpaaà diɛŋ, kɛ̀ èuŋ haawè!

Maafiù 27:42 ပူးပေါင်းရင်းမြစ်များ

Maafiù 2:2

yèè àŋ naŋ dawè nyààŋ, “Kàmààŋ kòò àŋ naŋ kùmìè wo jɔ̀àa wo yèɔ do nàŋ nɔ̀ŋ wo kànà aŋ Juùù nyaŋ wɔ̀? È naiŋ yɛ̀mɛ̀ wɔŋ ɗuuŋ nɔɔ̀ŋ ko fùlìè gɔɛɛ̀ yèè è naiŋ hnè wèè euŋ kìɛ̀ŋ ɓɛ̀ɛ̀jàa.”

Maafiù 27:37

Àŋ naŋ wa kpùùnyɛ̀ŋ wɔŋ fɛ̀ì e tɔ̀ɔ̀màŋsèì ke sɔ̀ŋ yɛɛ̀ wɔŋ vànèkpaaà wo Jisɛ̀ diɛŋ nyààŋ, “Wo Jisɛ̀ wɛɛ̀, wo Kànà aŋ Juùù nyaŋ.”

Maafiù 27:40

“Muàŋ mààŋ mɛ̀iŋ mùŋ do nàŋ gɔ̀ɛ̀ɛ̀ ke Saaŋ Zòòlò Dayàa yèè maŋ nyiŋ nyɛ̀lɛ̀ e gɔ̀ɛ̀ɛ̀ taai diɛŋ! Dè naàŋ muŋ fòlà wɔŋ vànèkpaaà diɛŋ muŋ joeyè muàŋ bi sèè mààŋ muàŋ nàŋ yaà wo Jɔ̀àfèlàà Dayàa!”

Maafiù 27:41

Yɛi nɔŋ aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ yaà aŋ màmànkùmɛ̀ŋ fuɔɔ̀ŋ naŋ hììlè wo Jisɛ̀ nyààŋ,

Luù 19:38

Àŋ yaà wa kpàaŋ sùà àŋ yaà woo nyààŋ, “Wo Dayà kpuumàŋ wo kanaà hnàŋ e dèè Kanaà diɛŋ wɔ̀! Ke jii fàa nɔ̀ŋ ko àìjɛnɛ̀ŋ yèè e jòòwo nɔ̀ŋ koɓɛ̀ Dayài!”

Luù 23:35

Anyùùŋ siao wa àŋ yàaùŋ yɛɛmɛ e kìlà e tèèngà guùŋ bi sùà aŋ ɓɛ̀màŋɗì aŋ Juùù nyaŋ yàaùŋ hiile nyààŋ, “Wò naŋ jòèyè anyuùŋ joo. Tɔ̀ wo joeyè wuŋ bi, sèè mààŋ wuŋ nàŋ yaà wo Kulaìɔ, wo yèɔ wo Dayà naŋ tàeɗùù wɔ!”

Luù 23:37

yèè àŋ naŋ woò nyààŋ, “Jòèyè muàŋ bi sèè mààŋ muàŋ nàŋ yaà wo kànà aŋ Juùù nyaŋ!”

Jɔ̀ɔŋ 1:49

Wo Nàntanyàŋ naŋ fàsàì wo Jisɛ̀ wààŋ, “Kààmɔɔŋ, muàŋ nàŋ yaà wo Jɔ̀àfèlàà Dayàa yèè wo Kanaà wèè ko Ezɔ̀ɛ̀.”

Jɔ̀ɔŋ 12:13

Anyuùŋ zimgbe naŋ wa kɛ̀ɛ̀ maŋ sie saŋ e yìwìà maŋ sie kuu màŋ sùà yèè àŋ naŋ kɔ̀ wèè aŋ ɓeè wo Jisɛ̀ ko dòmaìŋ. Anyùùŋ nyaŋ yaà wa kpàaŋ sùà nyààŋ, “Tɛ̀nɛ̀ŋ wiìŋ wo Dayà! Wo Dayà kpuumàŋ wo nyùnɔ̀ɔŋ hnàŋ e dèè kanaà diɛŋ wɔ̀! Wo Dayà kpuumàŋ wo Kànà Ezɔ̀ɛ̀ɔ!”

Jɔ̀ɔŋ 12:47

Miàŋ nààŋ naàŋ gbàì ànyùùŋ nyaŋ naŋ gè màŋhɛɛ wèè aŋ hààwè kè miè gbìaàŋ mìŋ naŋ nyiŋ woò lɛ. Mìŋ naŋ hnè wèè ka jòèyè anyùùŋ e ɗuunyaŋ lɛɛ̀, kɛɛ miŋ gò hnàŋ wèè ka nyiŋ gbaì.

Jɔ̀ɔŋ 9:24

Anyuùŋ gbeegbèè nyaŋ naŋ ɓɛìŋ nyààŋ wo felaaà kuwa wa weè le fɛɛ̀ zììle lɛ̀ wɔ yèè àŋ nauŋ woò nyààŋ, “Ɓèmè e ɗààhiì e dèè Dayàa diɛŋ wèè muŋ woò e tɔɔɓaaà. È nyìmàŋ kɛ̀ wo Jisɛ̀ wɛɛ̀ naum yaà sùngò wɔ wò yaà wo nyùùŋ maŋ jùumù.”

Nyɛ̀nɛ̀ŋ 4:14

Kɛɛ aŋ gò wa ɓɛ̀nɛ̀ŋ è keì gbiŋ wòo, esaɓù kɛ̀ àŋ naŋ wa yɛ̀mɛ̀ wo felaaà wo Pììlɛ yèè wo Jɔ̀ɔŋ naŋ wa sùngò wɔ sìà nyìŋ nèè kɔɔ.