Maafiù 27:32 - WƆŊ FƐ̀Ì EBÒ SÌÀŊ DAYÀA

³² Nààŋ àŋ yaà wa kɔɔyɛ, àŋ naŋ mɛ̀ɛ̀ŋ wo felaa bà àŋ nyaaŋ Saimɔ̀ŋ e yìwìà ko Sàlinìŋ, yèè aŋ kààlòòɗùà nyaŋ nauŋ kùwò wèè wo koà wɔŋ vànèkpàà Jisɛ̀ɔ.

Maafiù 27:32 ပူးပေါင်းရင်းမြစ်များ

Maafiù 16:24

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo ɓèmè wɔŋ vànèkpaauŋ nɔɔ̀ŋ, yèè woim dè maŋjɛ̀wɛ.

Maafiù 5:41

Sèè wo nyuùŋ gbee woum kùwà maŋ gaangaa wèè maŋ kòà wɔŋ nɛ̀nfoouŋ nɔɔ̀ŋ wèè e hààwà guùŋ, kòa wuŋ wèè e hààwà tìyèe.

Luù 23:26

Nààŋ aŋ kààlòòɗùà nyaŋ yaà wa kòasùà wo Jisɛ̀, àŋ naŋ kùwò wo felaa bà àŋ nyaaŋ Saimɔ̀ŋ wò yaà wa yìwìè ko ɓùuŋ noo. Wò yaà wa wo nyùùŋ ko jawa gbeeì àŋ nyaaŋ Sàlinìŋ. Àŋ nauŋ kìɛ̀ŋ wɔŋ vànèkpaaà wèè wo koà wuŋ wo Jisɛ̀ maŋjɛ̀wɛ.

Jɔ̀ɔŋ 19:17

Nààŋ àŋ yaà kòasùà wo Jisɛ̀, àŋ nauŋ kìɛ̀ŋ wɔŋ vànèkpaauŋ nɔɔ̀ŋ wèè wo wuŋ koà. Kpeiŋ wò naŋ wuŋ kɔ̀ɔ̀ koɓɛ̀i àŋ nyaaŋ nyààŋ, “Koɓɛ̀ maŋ ɗì Kòkòi.” Àŋ nyaaŋ koɓɛ̀ bi e Hiɓulù mieɛ̀ sùà nyààŋ “Ko Gɔ̀ɔ̀gatɔ̀.”

Nyɛ̀nɛ̀ŋ 11:20

Aŋ Juùù gbòà Guliì mie nyaŋ bà nyiŋ e yìwìà ko Sapulɔ̀ yèè ko Sàlinìŋ naŋ wa kɔ̀ ko Aŋtiɔ̀ yèè àŋ naŋ tɔ̀ɔ̀tù Ebò Siaàŋ kìɛ̀ŋ nyaàiŋ dè wo Kanaà Jisɛ̀ koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 2:10

wɔŋ fùɔ̀ŋ Fɛgìàa yaà wɔŋ fùɔ̀ŋ Pàŋfelìàa, wɔŋ fùɔ̀ŋ Ijèɔ yaà wɔŋ fùɔ̀ŋ Leɓìàa e gbɛ̀ɛ̀ ko Sàlinìŋ. Yàwi nààŋ bà nyiŋ è yààìŋ anyùùŋ ko Luùm,

Nyɛ̀nɛ̀ŋ 6:9

Kɛɛ aŋ felaa bà, aŋ yè nyaŋ yaà wa aŋ bà nyiŋ bà ke sààŋ zòòlò aŋ Juùù nyaŋ dìì wèè Anyuùŋ fòlà ɗo dìì nyaŋ, gò wa jàà wò Siiwììŋ kùàŋ dìì. Aŋ Juùù nyɛɛ̀ŋ naŋ wa nɔ̀ŋ aŋ ɗo, kɛɛ àŋ naŋ wa naàŋ yɛ̀mɛ̀ e tɔ̀ɔ̀nyaàŋ nyiŋ nɛ̀. Aŋ Juùù nyɛɛ̀ŋ bà nyiŋ yaà wa anyùùŋ e yìwìà ko Sàlinìŋ, yaà aŋ Juùù nyuuŋ bà e yìwìà ko Àlèzandilà e hààwè maŋ kpàlàùŋ kpàlàùŋ fùɔ̀ŋ Sèlesìàa yèè ko Eesìà. Anyùùŋ nyɛɛ̀ŋ naŋ wa tɔ̀ɔ̀tù wo Siiwììŋ gììyà maŋhɛɛ.

Nyɛ̀nɛ̀ŋ 7:58

auŋ gɔ̀ɛ̀ɛ̀ dìì auŋ gè ko jawa gbeeì yèè àŋ nauŋ tɔ̀ɔ̀tù hɔ̀wa. Aŋ sèì nyaŋ naŋ wa gè maŋ kùmà gbeegbèè nyiŋ màŋ yèè àŋ naŋ miŋ jùùyè wo kɔmɔŋjɔa bɔwɔ bà aŋ nyaaŋ wo Sɔɔ̀.