Maafiù 27:24 - WƆŊ FƐ̀Ì EBÒ SÌÀŊ DAYÀA

²⁴ Kpeiŋ nààŋ wo Paalè naŋ wa yɛmɛ̀ kɛ̀ anyùùŋ nyaŋ fè wa wòò è keì kɛnɛ gbiŋ, kɛɛ àŋ manaŋ wa aŋ dàà ke kpùùnɛɛ̀, wò naŋ wa ɓèmè e wùìyè yèè wò naŋ gùò le sìwè ko fɛ̀ɛ̀fèìŋ e faaàŋ, wò yaà woo wààŋ, “Miŋ nyimààŋ è kèè màŋ sɛ̀ìŋ wò felaa wɛɛ̀, weètii nyɛ̀nɛìŋ niŋ nyɛ̀iŋ bi.”

Maafiù 27:24 ပူးပေါင်းရင်းမြစ်များ

Maafiù 26:5

Kɛɛ àŋ naŋ wa wòo nyààŋ, “Ɓɔ̀ è nyinìàiŋ niŋ è tèèngà wɔŋ ɗaa geɔ̀ sùà, sèè è nyɛnɛŋ yɛi, anyùùŋ nyaŋ do nàŋ dàà ke gùuŋ.”

Maafiù 27:19

Nààŋ wo Paalè jaa wa ko sààŋ sàwài, wo jawèuŋ nɔɔ̀ŋ nauŋ tùɔ̀ŋ ke miè gbìaŋ wààŋ, “Ɓɔ̀ mùŋ nyiniàŋ wò fèlàà tɔ̀ɔ̀nyaàŋ wii è nɛ̀ŋ gbiŋ, esaɓù kɛ̀ mìŋ naŋ nàaŋ kɔ̀ e mɔ̀ɔ̀nɛŋ dìì wɔŋ dùùm wɛɛ̀ŋ e weèuŋ e gɔagòo sùà.”

Maafiù 27:23

Wo Paalè naŋ nyiŋ ɓɛìŋ dawè wààŋ, “Kiìŋ kè sàwà wò naŋ pɔɔ̀?” Yèè e faaàŋ naŋ ngèè ɓɛìŋ kpààŋ sɛiŋ nyààŋ, “Kpùùnyaàuŋ wɔŋ vànèkpaaà diɛŋ!”

Maafiù 27:4

Wò naŋ woò wààŋ, “Ka nyɛ̀nɛ̀ŋ e kèì jùumù nààŋ mìŋ mààŋ wo felaaà gò nyɛ̀nɛ̀ŋ è keì naanààŋ gbiŋ wɔ̀, wèè auŋ jìwà yèè wèè aŋ wùàŋ maŋ sɛnùuŋ màŋ.” Kpeiŋ anyùùŋ nyaŋ nauŋ fasàì nyààŋ, “Kiìŋ è kuwa e tii nyiniàŋ? E kpàtaum tii.”

Maafiù 27:54

Nààŋ wo kànà aŋ kààlòòɗùà nyaŋ yaà aŋ kààlòòɗùàuŋ nyàŋ siao wa ko tùnìè Jisɛ̀ nyaŋ naŋ yɛ̀mɛ̀ e dììɛ naŋ kìlè yèè maŋ keì maŋ gbiŋ yaà wa kaaiŋ màŋ, e jùù naŋ nyiŋ wa nyɛ̀nɛ̀ŋ yèè àŋ naŋ woò nyààŋ, “E tɔɔɓaa le, wo felaa wɛɛ̀ nàŋ yaà mɛ̀iŋ wo Jɔ̀àfèlàà Dayàa!”

Maafiù 27:9

Kpeiŋ kɛ̀ e yèɛ wo wɛ̀ijìɔ Jɛ̀lèmaayà naŋ wa woò lɛ naŋ hɛɛnɛ̀ŋ nààŋ wò naŋ woò wààŋ, “Àŋ naŋ wa ɓèmè e kaiŋ fua kpɛ̀ùŋ guùŋ jɛ̀wɛ̀ zììyàa anyùùŋ Ezɔ̀ɛ̀ nyaŋ naŋ wa nyimèè wèè aŋ kiɛ̀ŋ wèè e sɔ̀ngɔuŋ nɛ̀,

Jɔ̀ɔŋ 13:9

Wo Saimɔŋ Piilɛ̀ naŋ woò wààŋ, “Kanaà, kɛ̀ ɓɔ̀ mùŋ gùà nɔŋ màŋ golòim màŋ, kɛɛ guàim maŋ kùàŋ yaà e ɗì mɛ̀.”

Jɔ̀ɔŋ 19:4

Wo Paalè naŋ ɓɛìŋ kɛ̀ɛ̀ koɓɛ̀ anyùùŋ nyaŋ ko jɔɔlèe yèè wò naŋ woò wààŋ, “Mìŋ yaà ɓɛìŋ kɛ̀lɛ̀ɛ̀ sùà wo Jisɛ̀ ko nɛ̀ɛ̀iŋ niìŋ wèè naŋ nyìmàŋ kɛ̀ miŋ gò yɛmɛ̀ kɛ̀ wò kenàŋ wɛɛ̀ naŋ pɔ̀ɔ̀ kè sàwà wèè è keì euŋ jeeè.”

Nyɛ̀nɛ̀ŋ 3:14

Wò naŋ wa kìɛ̀ŋ wuŋ bi koɓɛ̀ Dayài yèè wò naŋ wa nyɛ̀nɛ̀ŋ e yèɛ wo Dayà naŋ woò kɛ̀ è yaà wa tɛ̀ɛ̀ lɛ, kɛɛ nìŋ naŋ wa wòò e keì naanààŋ weèuŋ. Nìŋ naŋ wa dàwè wo Paalè wèè wo daŋgè wo nyuùŋ jìwà nyùnɔ̀ɔŋ wo ka, kɛɛ nààŋ wo Paalè jìwà wo Kanaà Jisɛ̀, wo yèɔ yaà wa e nɛɛmaŋ e kìlà wò yaà tɔ̀ɔ̀nyaàŋ wɔ.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,