Maafiù 27:19 - WƆŊ FƐ̀Ì EBÒ SÌÀŊ DAYÀA

¹⁹ Nààŋ wo Paalè jaa wa ko sààŋ sàwài, wo jawèuŋ nɔɔ̀ŋ nauŋ tùɔ̀ŋ ke miè gbìaŋ wààŋ, “Ɓɔ̀ mùŋ nyiniàŋ wò fèlàà tɔ̀ɔ̀nyaàŋ wii è nɛ̀ŋ gbiŋ, esaɓù kɛ̀ mìŋ naŋ nàaŋ kɔ̀ e mɔ̀ɔ̀nɛŋ dìì wɔŋ dùùm wɛɛ̀ŋ e weèuŋ e gɔagòo sùà.”

Maafiù 27:19 ပူးပေါင်းရင်းမြစ်များ

Maafiù 1:20

E teengaà wo Jòòsɛ yaà wa goongo wèè wo tɛɛ̀ nyɛ̀nɛ̀ŋ lɛ, wo màìkà Kanaà Dayà nauŋ fòlò feìŋ e gɔagòo sùà yèè wò naŋ wòò wo Jòòsɛ wààŋ, “Jòòsɛ, jɔ̀àfèlàà Dèèweɔ̀, e jùù ɓɔ̀ è nyɛ̀nɛ̀um wèè mùŋ do ɓèmè wò Mèèle wò do nɔ̀ŋ wò jawèum. Esaɓù kɛ̀, e gààŋ Jìnàŋ Nɛɛmaàŋ sùà wò naŋ ɓèmè le sùà.

Maafiù 2:19

Nààŋ wo Hɛɛlɔ̀ naŋ wa naàŋ fɔ̀, wo màìkà wo Kanaà Dayà naŋ fòlò wo Jòòsɛ feìŋ e gɔagòo sùà ko Ijè,

Maafiù 2:22

Kɛɛ nààŋ wo Jòòsɛ naŋ wa kòmò kɛ̀ wo Àkiiliɔ̀ dè ebɛ̀ŋ wo dèdauŋ nɔɔ̀ŋ Hɛɛlɔ̀, wèè wo nɔ̀ŋ wo kànà fuɔɔ̀ŋ wèè wɔŋ fùɔ̀ŋ Jùdiàa, e jùùɛ naŋ wa nyɛ̀nɛ̀ŋ wo Jòòsɛ wèè woo ka. Kpeiŋ e gɔagòo sùà, wo Dayà nauŋ woò wààŋ wo ka wɔŋ fùɔ̀ŋ Galaliìɔ sùà.

Maafiù 27:18

Wo Paalè wa nyìmàŋ kɛ̀ aŋ màmànkùmɛ̀ŋ aŋ Juùù nyaŋ naŋ wa kìɛ̀ŋ wo Jisɛ̀ ko nɛ̀ɛ̀uŋ niìŋ esaɓù kɛ̀ e kooɛ̀ yaà nyiìŋ wa.

Maafiù 27:24

Kpeiŋ nààŋ wo Paalè naŋ wa yɛmɛ̀ kɛ̀ anyùùŋ nyaŋ fè wa wòò è keì kɛnɛ gbiŋ, kɛɛ àŋ manaŋ wa aŋ dàà ke kpùùnɛɛ̀, wò naŋ wa ɓèmè e wùìyè yèè wò naŋ gùò le sìwè ko fɛ̀ɛ̀fèìŋ e faaàŋ, wò yaà woo wààŋ, “Miŋ nyimààŋ è kèè màŋ sɛ̀ìŋ wò felaa wɛɛ̀, weètii nyɛ̀nɛìŋ niŋ nyɛ̀iŋ bi.”

Maafiù 27:4

Wò naŋ woò wààŋ, “Ka nyɛ̀nɛ̀ŋ e kèì jùumù nààŋ mìŋ mààŋ wo felaaà gò nyɛ̀nɛ̀ŋ è keì naanààŋ gbiŋ wɔ̀, wèè auŋ jìwà yèè wèè aŋ wùàŋ maŋ sɛnùuŋ màŋ.” Kpeiŋ anyùùŋ nyaŋ nauŋ fasàì nyààŋ, “Kiìŋ è kuwa e tii nyiniàŋ? E kpàtaum tii.”

Luù 23:41

Sèè è nɔ̀ŋ wèè e je wilɛ̀, è yaà tɔ̀ɔ̀nyaàŋ, esaɓù kɛ̀ yàwi bi naŋ niŋ kamè wèè e keì naanààaŋ è naŋ nyɛ̀nɛ̀ŋ lɛ. Kɛɛ wuŋ wo gò nyɛ̀nɛ̀ŋ è keì naanààŋ bà gbiŋ.”

Luù 23:47

Wo kànà aŋ kààlòòɗùà nyaŋ naŋ yɛ̀mɛ̀ e keìɛ naŋ kaaìŋ lɛ, yèè wò naŋ tɛ̀nɛ̀ŋ wo Dayà. Wò naŋ woò wààŋ, “E tɔɔɓaa le, wo felaa wɛɛ̀ yaà wa wo nyùùŋ tɔ̀ɔ̀nyaàŋ!”

Jɔ̀ɔŋ 19:13

Nààŋ wo Paalè naŋ kòmò e yèɛ anyùùŋ nyaŋ yaà wa woo lɛ̀, wò naŋ fùlìè wo Jisɛ̀ ko nɛ̀ɛ̀ŋ nyiŋ niìŋ yèè wò naŋ jɛ̀ì ke kpùà kanauŋ nɛɛ̀ŋ diɛŋ koɓɛ̀i àŋ nyaaŋ nyààŋ “Koɓɛ̀ le Zààmàiŋ.” E Hiɓulù mieɛ̀ sùà nyààŋ “Ko Gabatà.”

Nyɛ̀nɛ̀ŋ 12:21

Àŋ naŋ wa jàà ke ɗɔɔ ɓula wèè aŋ mɛ̀ɛ̀ŋ wo Hɛɛlɔ̀. Ke ɗɔɔ bi wo Hɛɛlɔ̀ naŋ gɔ̀à maŋ dèè kanauŋ màŋ yèè wò naŋ jɛ̀ì ke kpùà kanauŋ nɛɛ̀ŋ diɛŋ, yèè wò naŋ gbòò koɓɛ̀ anyùùŋ nyaŋ.

Nyɛ̀nɛ̀ŋ 18:12

Kɛɛ nààŋ anyùùŋ nyaŋ naŋ wa nyɛ̀nɛ̀ŋ wo Gàliò wo kana wèè wɔŋ fùɔ̀ŋ Àkaayàa, anyùùŋ gbèègbèè aŋ Juùù nyaŋ bà naŋ wa jàà ke gbòò yèè àŋ naŋ kùwò wo Pɔɔ̀ yèè àŋ nauŋ kɔ̀ɔ̀ ko fɛ̀ɛ̀fèìŋ wo kanaà ko sààŋ sàwài.

Nyɛ̀nɛ̀ŋ 18:16

Wò naŋ nyɛ̀nɛ̀ŋ aŋ kààlòòɗùà nyaŋ aŋ nyiŋ nyìmàŋ aŋ nyiŋ gè kò sààŋ sàwài.

Nyɛ̀nɛ̀ŋ 18:17

Nààŋ tii naŋ kaaìŋ, aŋ Juùù nyaŋ naŋ kùwò wo Sòtiniìŋ, wo sìèfèìŋ ko sààŋ zòòlò aŋ Juùù nyaŋ, yèè àŋ nauŋ ɓùlò kè sààŋ sàwàa feìŋ. Kɛɛ wo Gàliò gò wa ngèè pɛɛ kpɛɛ̀ŋ wèètii.

Nyɛ̀nɛ̀ŋ 25:10

Wo Pɔɔ̀ naŋ fasàì wààŋ, “Mìŋ yaà kɔ̀ɔ̀yɛ̀ e gbài dìì ko sààŋ sàwà kanaà Siisɔ̀, wo Kànà anyùùŋ fùɔ̀ŋ Luùm nyaŋ, yèè kuŋ è naŋ tɛɛwɛ̀ wèè aim gbaì. Màŋ nyìmàŋ fo kɛ̀ kòò mìŋ nyɛ̀nɛ̀ŋ è keì naanààŋ gbiŋ è yèɛ do nàŋ dàà kè kpùùnɛɛ̀ kòɓɛ̀ wɔ̀ŋ fùɔ̀ŋ àŋ Juùù nyaŋ.

Nyɛ̀nɛ̀ŋ 25:17

Kpeiŋ nààŋ àŋ naim dè maŋjɛ̀wɛ è naiŋ kià hnè, miŋ gò dɔɔnɔ̀ŋ. Wɔŋ niìsìaà bàa mìŋ naŋ jɛ̀ì ke kpùà kana miɛ̀ŋ diɛŋ yèè mìŋ naŋ nyɛ̀nɛ̀ŋ aŋ kààlòòɗùà nyaŋ aŋ hìàŋ wo Pɔɔ̀ ko fɛɛ̀feìŋ.

Nyɛ̀nɛ̀ŋ 25:6

Wo Fɛtɔ̀ naŋ nɔ̀ŋ ko Jùlusɛ̀làm wèè maŋ ɗɔ̀ɔ̀ nɔɔnɔŋ le taai ɔ̀ɔ̀ maŋ ɗɔ̀ɔ̀ zììyà paŋgàà wò naŋ kɛ̀ɛ̀ maŋjɛ̀wɛ ko Sesèlià. Wɔŋ niìsìaà bàa wò naŋ jɛ̀ì ke kpùà kanauŋ nɛɛ̀ŋ diɛŋ yèè wò naŋ nyɛ̀nɛ̀ŋ aŋ kààlòòɗùà nyaŋ aŋ hìàŋ wo Pɔɔ̀ ko fɛɛ̀feìŋ.

1Pììlɛ 2:22

Wo gò nyɛ̀nɛ̀ŋ è kèì jùumù, yèè wo nyùùŋ gbiŋ gò kòmàŋ wèè è tòa euŋ fùlìà kò nyààŋ.

1Jɔ̀ɔŋ 2:1

Mìŋ yaà tɛɛ̀ sìngà sùà ko nɛ̀ɛ̀ŋ niìŋ, nyɛ̀iŋ nààŋ jɔ̀àim nyàŋ, wèè kɛ̀ ɓɔ̀ nìŋ nyɛ̀nɛ̀ŋ màŋ kèì jùumù, kɛɛ sèè wo nyùnɔ̀ɔŋ gbiŋ naŋ nyɛ̀nɛ̀ŋ maŋ kei jùumù wɔ, è kùwàìŋ wo nyùùŋ wèè wo pɔ̀wɔ̀ wo Dèdaà e wèè wi, wo nyùùŋ bi nàŋ yaà wo Jisɛ̀ Kulaì wo nyùùŋ tɔ̀ɔ̀nyaàaŋ.