Maafiù 27:16 - WƆŊ FƐ̀Ì EBÒ SÌÀŊ DAYÀA

¹⁶ E teenga lii wo felaa bà yao wa àŋ nyaaŋ wo Jisɛ̀ Bàlaɓà wò yèɔ yaà wa ko sààŋ nyìwì.

Maafiù 27:16 ပူးပေါင်းရင်းမြစ်များ

Maafiù 27:15

Wɔŋ doa gbiŋ e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ, è yaà wa e langi wèè wo Paalè wo gè wo nyùùŋ guùŋ ko sààŋ nyìwì wo yèɔ anyùùŋ nyaŋ manaŋ wa wɔ̀.

Maafiù 27:17

Kpeiŋ nààŋ anyùùŋ nyaŋ naŋ gbònò koɓɛ̀ guùŋ, wo Paalè naŋ nyiŋ dawè wààŋ, “Ɓòò nìŋ manaŋ wèè ka dangè weèiŋ? Wo Jisɛ̀ Bàlaɓà ɔ̀ɔ̀ wo Jisɛ̀ wo yèɔ àŋ nyaaŋ wo Kulaìɔ?”

Luù 23:25

Wò naŋ dàngè wo Bàlaɓà wo ka, wo yèɔ àŋ naŋ wa gbìɛ̀ŋ ko sààŋ nyìwì esaɓù kɛ̀ wò naŋ wa dàà e gbɔ̀ɔɔ e kànà fuɔɔ̀ŋ diɛŋ e kìlà wò naŋ jìwè nyùùŋ, esaɓù kɛ̀ wuŋ anyùùŋ nyaŋ manaŋ wa wèè wo dangè. Kpeiŋ wò naŋ kìlè wo Jisɛ̀ ko nɛ̀ɛ̀ŋ nyiŋ niìŋ wèè nyiniàuŋ e nɛ̀ɛŋ àŋ manaŋ wa lɛ̀.

Jɔ̀ɔŋ 18:40

Kɛɛ aŋ kànà sìèfèìŋ zòòlo nyàŋ yèè e faaàŋ naŋ kpààŋ sɛiŋ nyààŋ, “Kpele, e manàuŋ! Kìɛ̀ŋ wi wo Bàlaɓà.” Wo Bàlaɓà zà naŋ wa jìwè wo nyùùŋ bà e tèèngà e gbɔ̀ɔ̀ e kànà fuɔɔ̀ŋ bà.

Nyɛ̀nɛ̀ŋ 3:14

Wò naŋ wa kìɛ̀ŋ wuŋ bi koɓɛ̀ Dayài yèè wò naŋ wa nyɛ̀nɛ̀ŋ e yèɛ wo Dayà naŋ woò kɛ̀ è yaà wa tɛ̀ɛ̀ lɛ, kɛɛ nìŋ naŋ wa wòò e keì naanààŋ weèuŋ. Nìŋ naŋ wa dàwè wo Paalè wèè wo daŋgè wo nyuùŋ jìwà nyùnɔ̀ɔŋ wo ka, kɛɛ nààŋ wo Paalè jìwà wo Kanaà Jisɛ̀, wo yèɔ yaà wa e nɛɛmaŋ e kìlà wò yaà tɔ̀ɔ̀nyaàŋ wɔ.

Luùm 1:32

Àŋ nyìmàŋ ke Sàwà Dayàa naŋ woò wààŋ kɛ̀ wo nyùnɔ̀ɔŋ gbiŋ naŋ nyɛ̀nɛ̀ŋ maŋ tùwo mààŋ mɛɛ̀ŋ wɔ naŋ tɛɛwɛ̀ wèè wo fà. Kɛɛ yɛi nɔŋ è yaà kòò àŋ yaà nyìnìè maŋ keì naanààŋ mɛɛ̀ŋ, yèè àŋ nyiinàŋ anyuùŋ joo maŋ jii wèè aŋ miŋ nyɛ̀nɛ̀ŋ nyiŋ pɛɛ.

Luùm 16:7

Mìŋ zuumàŋ ɓɛìŋ wo Andònikà yèè wo Junià, aŋ Juùù nyuuŋ dàwiim nyàŋ yàwi nyiŋ yààìŋ wa ko sààŋ nyìwìi koɓɛ̀ guùŋ nyaŋ. Aŋ felaa nyɛɛ̀ŋ yaà wa aŋ keela tàeɗùù, e kìlà anyùùŋ nyaŋ kiɛ̀ŋ nyiìŋ wa e ɓɛ̀ɛ̀jàa gbee, yèè nyiŋ jiɛ̀ naŋ wa nɔ̀ŋ anyùùŋ màŋjɛ̀wɛ̀ Kanaà Jisɛ̀ Kulaì nyaŋ paŋgàà miŋ naŋ nɔ̀ŋ wo bà.