Maafiù 27:15 - WƆŊ FƐ̀Ì EBÒ SÌÀŊ DAYÀA

¹⁵ Wɔŋ doa gbiŋ e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ, è yaà wa e langi wèè wo Paalè wo gè wo nyùùŋ guùŋ ko sààŋ nyìwì wo yèɔ anyùùŋ nyaŋ manaŋ wa wɔ̀.

Maafiù 27:15 ပူးပေါင်းရင်းမြစ်များ

Maafiù 26:5

Kɛɛ àŋ naŋ wa wòo nyààŋ, “Ɓɔ̀ è nyinìàiŋ niŋ è tèèngà wɔŋ ɗaa geɔ̀ sùà, sèè è nyɛnɛŋ yɛi, anyùùŋ nyaŋ do nàŋ dàà ke gùuŋ.”

Maafiù 27:16

E teenga lii wo felaa bà yao wa àŋ nyaaŋ wo Jisɛ̀ Bàlaɓà wò yèɔ yaà wa ko sààŋ nyìwì.

Luù 23:16

Mìŋ do nɔŋ nàŋ nyɛ̀nɛ̀ŋ auŋ ɓùlà yèè kauŋ dangè wo ka.” [

Luù 23:17

Wɔŋ doa gbiŋ e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ, è yaà wa e langi wèè wo Paalè wo gè wo nyùùŋ guùŋ ko sààŋ nyìwì wo yèɔ anyùùŋ nyaŋ manaŋ wa wɔ̀.]

Luù 23:18

Kɛɛ anyùùŋ nyaŋ gbiŋ naŋ wa kpààŋ sɛiŋ nyààŋ, “Jiwà wo Jisɛ̀! Kìɛ̀ŋ wi wo Bàlaɓà.”

Jɔ̀ɔŋ 18:16

kɛɛ wo Pììlɛ naŋ wa jòò ko jɔɔlè gbeeì wɔŋ gbemgbeeɔ̀ feìŋ. Kɛɛ nààŋ wo nyùùŋ màŋjɛ̀wɛ̀ɔ naŋ wa jɔ̀ wɔ naŋ wa nyìmè wo kànà sìèfèìŋ zòòlo gbeeɔ̀ tɛ̀ɛ̀ lɛ, wò naŋ kɛ̀ɛ̀ maŋjɛ̀wɛ koɓɛ̀ wo ɓɔì jɔùŋjɔaà tunìàŋ wɔŋ gbàngiɔ̀ wɔŋ, yèè wò nauŋ gbòò kɔɔ wèè wo dangè wo Pììlɛ wo jɔ̀à. Kpeiŋ wò nauŋ dangè wo jɔ̀à.

Jɔ̀ɔŋ 19:16

Kpeiŋ wo Paalè naŋ kìlè wo Jisɛ̀ koɓɛ̀ aŋ kààlòòɗùà nyaŋ wèè aŋ kpuunyàuŋ wɔŋ vànèkpaaà diɛŋ. Yèè àŋ naŋ kɔ̀ɔ̀ wo Jisɛ̀ wèè auŋ jìwà.

Nyɛ̀nɛ̀ŋ 24:27

Maŋ dòà tìyèe naŋ mààŋ, yèè wo Pɔsiɔ̀ Fɛtɔ̀ naŋ nɔ̀ŋ wo kana ebɛ̀ŋ wo Filɛ̀. Wo Kanaà Filɛ̀ manaŋ wa wo fɔ̀ɔ̀yɛ̀ aŋ Juùù nyaŋ maŋ jii, weètii wò naŋ nyiŋ wa kìɛ̀ŋ wo Pɔɔ̀ yèè wò nauŋ jòò ko sààŋ nyìwìi.

Nyɛ̀nɛ̀ŋ 25:9

Kɛɛ wo Fɛtɔ̀ manaŋ wa aŋ Juùù nyaŋ auŋ mànàŋ, kpeiŋ wò naŋ dàwè wo Pɔɔ̀ wààŋ, “Màŋ ɓɛ̀nɛ̀ŋ nyìmee wèè maŋ kà ko Jùlusɛ̀làm wèè kaum kuii gbaì wèè maŋ keì mɛɛ̀ŋ àŋ naum yaà gbùwò ɗì maŋ?”