Maafiù 27:14 - WƆŊ FƐ̀Ì EBÒ SÌÀŊ DAYÀA

¹⁴ Kɛɛ wo Jisɛ̀ naŋ wa gè maŋhɛɛ wèè wo wòò kè mìè guùŋ pɛɛ, yèè è naŋ wa kaikpɔ fòònò wo kanaà Paalè.

Maafiù 27:14 ပူးပေါင်းရင်းမြစ်များ

Maafiù 26:63

Kɛɛ wo Jisɛ̀ naŋ wa nɔ̀ŋ gìli e kìlà wo gò wa wòò kè mìè guùŋ pɛɛ. Wo Kànà Sìèfèìŋ Zòòlo Gbeeɔ̀ nauŋ ɓɛìŋ woò wààŋ, “Mìŋ yààùm daawe wèè maŋ wi wòò e tɔ̀ɔ̀nyaàaŋ, wo Dayà nyiiŋ gèeɔ̀ kòò wò yààùm kumie. Wòò wi sèè mààŋ muàŋ nàŋ yaà wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Jɔ̀àfèlàà Dayàa.”

Maafiù 27:12

Kɛɛ wo Jisɛ̀ gò wa wòò è keì gbiŋ è nyaàiŋ dè màŋ keì maŋ aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ nauŋ wa gbùwò ɗì maŋ.

Maafiù 27:13

Yèè wo Paalè nauŋ woò wààŋ, “Muŋ gò kòmàŋ màŋ keì mɛɛ̀ŋ kinɛiŋ àŋ naum yaà jàà ɗì maŋ?”

Luù 23:9

Wo Hɛɛlɔ̀ naŋ dàwè wo Jisɛ̀ maŋ mààŋdàwè zimgbe, kɛɛ wo Jisɛ̀ gò wa wòò è keì gbiŋ.

Jɔ̀ɔŋ 19:9

Yèè wò naŋ ɓɛìŋ kɛ̀ɛ̀ ko sààŋ gbèè kanaà yèè wò naŋ dàwè wo Jisɛ̀ wààŋ, “Kòò mùŋ yewe?” Kɛɛ wo Jisɛ̀ gòuŋ wa fasàì.

1 Kɔliìŋ 4:9

È yaà guùŋ ko nɛ̀ɛ̀ŋ miìŋ mààŋ yàwi nààŋ keela tàeɗùù nyaŋ, wo Dayà naŋ sèèlè ko sìè ɓɛ̀ɛ̀pɔ̀ɔ mààŋ anyùùŋ wo Dayà naŋ kìlìè e kìtì fàa diɛŋ wèè e ɗùùnyàŋ aŋ màikà nyaŋ, yaà anyuùŋ kpùuŋ nyàŋ aŋ wi yɛmɛ̀.