Maafiù 26:61 - WƆŊ FƐ̀Ì EBÒ SÌÀŊ DAYÀA

⁶¹ “È naiŋ wa kòmò wò naŋ woò wààŋ, ‘Kà ɓɛ̀nɛ̀ŋ gɔ̀ɛ̀ɛ̀ ke Saaŋ Zòòlò Dayàa, yèè ka ɓèmè e gɔ̀ɛ̀ɛ̀ taai ka nyiŋ nyɛ̀lɛ̀.’ ”

Maafiù 26:61 ပူးပေါင်းရင်းမြစ်များ

Maafiù 12:24

Nààŋ aŋ Fɛlosiì nyaŋ naŋ wa tɛɛ̀ kòmò, àŋ naŋ woò nyààŋ, “Wò gè anyùùŋ aŋ jinàŋ naanààŋ maŋjɛ̀wɛ esaɓù kɛ̀ wo kànà aŋ jinàŋ naanààŋ nyaŋ wo Bɛɛziɓù nàŋ yàuŋ maŋjɛ̀wɛ!”

Maafiù 26:62

Wo Kànà Sìèfèìŋ Zòòlo Gbeeɔ̀ naŋ sie yèè wò naŋ dàwè wo Jisɛ̀ wààŋ, “Muŋ kuwà è fàsai gbiŋ wèè è keìɛ àŋ naum gbùwò ɗì lɛ?”

Maafiù 26:71

Kpeiŋ nààŋ wò naŋ fòlò wò naŋ kɔ̀ ekàmààŋ wɔŋ gbàngiɔ̀ yɛmgbɛ̀, wo jɔùŋ ɓɔìjɔ̀àa bà guùŋ nauŋ noo yɛmɛ̀ wò siao yèè wò naŋ tɔ̀ɔ̀tù anyùùŋ nyaŋ siao nyàŋ wòo wààŋ, “Wo felaa wɛɛ̀ yaà wo Jisɛ̀ e yìwìà ko Naazɔ̀ɛ̀ yaà weè koɓɛ̀ guùŋ!”

Maafiù 27:40

“Muàŋ mààŋ mɛ̀iŋ mùŋ do nàŋ gɔ̀ɛ̀ɛ̀ ke Saaŋ Zòòlò Dayàa yèè maŋ nyiŋ nyɛ̀lɛ̀ e gɔ̀ɛ̀ɛ̀ taai diɛŋ! Dè naàŋ muŋ fòlà wɔŋ vànèkpaaà diɛŋ muŋ joeyè muàŋ bi sèè mààŋ muàŋ nàŋ yaà wo Jɔ̀àfèlàà Dayàa!”

Maafiù 27:5

Yèè wo Juɗà naŋ gbìɛ̀ŋ e nɛɛnɛɛ̀ŋ ko Saaŋ Zòòlò Dayài wò naŋ kɔ̀. Kpeiŋ wò naŋ kɔ̀ yèè wò naŋ sɛ̀ɛ̀ wuŋ bi.

Luù 23:2

Yèè àŋ nauŋ tɔ̀ɔ̀tù e keì jàà ɗì nyààŋ, “È naiŋ kùwò wo felaa wɛɛ̀ wò yaà dè sùà anyuùŋ wi nyàŋ ke dòmaŋ naanààŋ diɛŋ. Wò naŋ nyiŋ woò wààŋ kɛ̀ ɓɔ̀ àŋ paawà è nɛ̀ɛ̀nɛ̀ŋ fuɔŋ kòɓɛ̀ Siisɔ̀i, wo Kànà anyùùŋ fùɔ̀ŋ Luùm nyaŋ. Wò naŋ ɓɛìŋ ɓèmè wuŋ bi wèè wo nɔ̀ŋ wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo kana wiɔ̀.”

Jɔ̀ɔŋ 9:29

È naiŋ haawè kɛ̀ wo Dayà naŋ wa gbòò koɓɛ̀ Mòòzeì, kɛɛ e nyimàìŋ ngèè pɛɛ kɛ̀ kòò wò Jisɛ̀ wò yewe.”

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 18:13

Àŋ naŋ wòò wo Gàliò nyààŋ, “Wo felaa wɛɛ̀ yaà kààmè ɗewe wèè wo nyɛ̀nɛ̀ŋ anyùùŋ nyaŋ gbiŋ àŋ zòòlò Dayà e ɗeweɛ̀ maŋ sàwà wi màŋ gò tɔɔ̀ lɛ.”

Nyɛ̀nɛ̀ŋ 22:22

E faaàŋ naŋ jèè kùmìè e yèɛ wo Pɔɔ̀ yaà woo lɛ̀, e jèèsùà wo tɛɛ̀ woò. Yèè anyùùŋ nyaŋ naŋ tɔ̀ɔ̀tù kpàaŋ nyààŋ, “Jiwàuŋ, wo fè tɛ̀ɛ̀ wèè wo nɔ̀ŋ wɔ̀ŋ nyiiŋ gèeɔ̀ sùà è ɗuunyaàŋ.”