Maafiù 26:56 - WƆŊ FƐ̀Ì EBÒ SÌÀŊ DAYÀA

⁵⁶ Kɛɛ e nɛ̀ɛŋ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ nààŋ aŋ wɛ̀ijì nyaŋ naŋ niŋ wa sìngè lɛ.” Kpeiŋ anyùùŋ màŋjɛ̀wɛ̀uŋ nyàŋ gbiŋ nauŋ ɓàà e kɔɔ aŋ dùàŋ auŋ jòà.

Maafiù 26:56 ပူးပေါင်းရင်းမြစ်များ

Maafiù 21:42

Wo Jisɛ̀ naŋ nyiŋ ɓɛìŋ woò wààŋ, “Tɔɔɓaa nàŋ wa kpɛ̀nɛ̀ŋ e sìnga lɛɛ̀ wɔŋ fɛ̀ì Dayàa sùà kɛ̀, ‘Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà. Wo Kanaà Dayà wuŋ bi naŋ wa tɛɛ̀ nyɛ̀nɛ̀ŋ. E keì sìàŋ bi è siaŋ wèè yɛ̀mɛ.’ ”

Maafiù 26:24

Miàim wo Jɔ̀àfèlàà Nyuùŋ Kpùnɔɔ̀ŋ do nàŋ fɔ̀ màànààŋ nɔŋ è yaà sìnga niŋ wɔŋ fɛ̀ì Dayàa sùà e nyaàiŋ eim dè. Kɛɛ diè e keì nyìnga do yɛi nàŋ nɔ̀ŋ wèè wo nyùnɔ̀ɔŋ do nàŋ mààŋ miàim wo Jɔ̀àfèlàà Nyuùŋ Kpùnɔɔ̀ŋ le! È hewa weè nàŋ nɔŋ tɛ̀ɛ̀ weèuŋ sèè wo nààŋ gouŋ wa weè komàŋ gbiŋ!”

Maafiù 26:31

Kpeiŋ wo Jisɛ̀ naŋ nyiŋ woò wààŋ, “Nyɛ̀iŋ nààŋ gbiŋ nìŋ do nàŋ dùɔ̀ŋ naim jòà wɔŋ dùùm guùŋ wɛɛ̀ŋ, esaɓù è yaà sìnga niŋ wɔŋ fɛ̀ì Dayàa sùà kɛ̀, ‘Wo Dayà do nàŋ jìwè wo nyuùŋ tùnìàŋ aŋ ɓaawaa nyàŋ, yèè ke gbòò aŋ ɓaawaa nyàŋ gbiŋ do nàŋ ɓaayè.’

Maafiù 26:54

Kɛɛ sèè tii kaaìŋ yɛi weè, kɛ̀ dièsɔa e yèɛ wɔŋ fɛ̀ì Dayàa naŋ woò lɛ do nàŋ hɛɛnɛ̀ŋ, tiŋ zà tɛɛ̀ kuwa e kaaìŋ?”

Jɔ̀ɔŋ 16:32

Wo Jisɛ̀ naŋ ɓɛìŋ woò wààŋ, “E teenga kòò è yaà hinie, yèè ngèè kòò è yaà naàŋ kià tɛ. Nyɛ̀iŋ nààŋ gbiŋ nìŋ do nàŋ dùɔ̀ŋ naŋ ɓaayè. Nyɛ̀iŋ nààŋ gbiŋ nìŋ doim nàŋ jòò miàŋ guùŋ naŋ kɛ̀ɛ̀ maŋ jawaiŋ màŋ sùà guùŋ guùŋ. Kɛɛ wo Dèda miɔ̀ŋ doim nàŋ nɔ̀ŋ kɔɔ, weètii miŋ naào nɔ̀ŋ miàŋ guùŋ kpò.

Nyɛ̀nɛ̀ŋ 1:16

Wò naŋ woò wààŋ, “Nyɛ̀iŋ nààŋ nyuùŋ hààwe dàwim nyàŋ, e yèɛ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ, e yìwìà ko yèi wo Jìnàŋ Nɛɛmaàŋ naŋ wa gbùùyè wo Dèèwe sùà lɛ. Wɔ̀ŋ naŋ wòò e keìɛ wo Juɗà do wa nàŋ nyɛ̀nɛ̀ŋ ko dòmànfeìŋ lɛ, wo yèɔ naŋ wa nɔ̀ŋ wo sìèfèìŋ anyùùŋ nyaŋ naŋ wa kùwò wo Kanaà Jisɛ̀ nyaŋ.

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

2Time 4:16

Wo nyùùŋ gbiŋ gòim wa kpuumàŋ e teenga jiɛ̀jiɛ̀ɛ mìŋ naŋ kɔ̀ è gbàì dìì lɛ, àŋ gbiŋ naim wa gììyè kɛ̀ɛ. Wo Dayà ɓɔ̀ wò kuwià nyiŋ niŋ faàŋ!