Maafiù 26:55 - WƆŊ FƐ̀Ì EBÒ SÌÀŊ DAYÀA

⁵⁵ Wo Jisɛ̀ naŋ gbòò koɓɛ̀ anyùùŋ nyaŋ wààŋ, “Wèè kiìŋ nìŋ naŋ hìɛ̀ŋ maŋ kòyà ɗùà yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀? Maŋ ɗɔɔ màŋ gbiŋ mìŋ jaà wa ko kàà anyùùŋ nyaŋ ke mìè Dayàa ko Saaŋ Zòòlò Dayài, yèè niŋ gòim wa kùwà.

Maafiù 26:55 ပူးပေါင်းရင်းမြစ်များ

Maafiù 21:23

Wo Jisɛ̀ naŋ wa kɛ̀ɛ̀ ko Saaŋ Zòòlò Dayài, yèè aŋ kànà sìèfèìŋ zòòlo nyàŋ yèè aŋ màmànkùmɛ̀ŋ fuɔŋ nyàŋ naŋ hnè ko nɛ̀ɛ̀uŋ niìŋ yèè àŋ nauŋ dawè nyààŋ, “Gààŋ ɓòò sùà mùŋ yaà nyìnìè maŋ keì mààŋ mɛɛ̀ŋ? Yèè ɓòò naum kìɛ̀ŋ e gààŋ bì?”

Maafiù 26:47

E gò wa pɛɛ jùà wo Jisɛ̀ nyààŋ nààŋ wo Juɗà, wo nyùùŋ màŋjɛ̀wɛ̀ zììyà jɛ̀wɛ̀ tìyèeɔ̀ bà guùŋ, nao haì. Wò naŋ hìɛ̀ŋ anyuùŋ zimgbe àŋ kuwa maŋ kòyà ɗùà yèè maŋ kuù kpuu kpùù. Aŋ kànà sìèfèìŋ zòòlo gbee nyàŋ, yèè aŋ màmànkùmɛ̀ŋ nyàŋ naŋ nyiŋ wa tùɔ̀ŋ.

Luù 19:47

Wo Jisɛ̀ hewa kàà anyùùŋ nyaŋ ko Saaŋ Zòòlò Dayài ke ɗɔɔ gbiŋ. Aŋ kànà sìèfèìŋ zòòlo nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ e kpùlìà aŋ màmànkùmɛ̀ŋ aŋ Juùù nyaŋ naŋ tɔ̀ɔ̀tù ɗewe kàme wèè aŋ jìwà wo Jisɛ̀.

Luù 20:1

Ke ɗɔ̀ɔ̀ guùŋ wo Jisɛ̀ yaà wa kaa ko Saaŋ Zòòlò Dayài yèè wò yaà wòò Ebò Siaàŋ koɓɛ̀ anyùùŋ nyaŋ. Aŋ kànà sìèfèìŋ zòòlo nyàŋ, aŋ kààmɔ̀ɔ̀ŋ maŋ Sàwà Dayà nyaŋ, yaà aŋ màmànkùmɛ̀ŋ fuɔɔ̀ŋ naŋ hnè

Luù 4:20

Wo Jisɛ̀ naŋ fùngò fùngò wɔŋ fɛ̀ì Dayàa, yèè wò naŋ wuŋ kìɛ̀ŋ wo nyùnɔ̀ɔŋ toomàŋ ko sààŋ zòòlò aŋ Juùù nyaŋ wɔ̀, yèè wò naŋ jɛi. Kpeiŋ anyùùŋ nyaŋ gbiŋ yaào wa nyàŋ nauŋ gɔ̀àà le fɛ̀ɛ̀.

Jɔ̀ɔŋ 7:14

Nààŋ maŋ ɗɔɔ màŋ wèè wɔŋ ɗaaà naŋ wa naàŋ hàì tɛɛ wèè wɔŋ jùà, wo Jisɛ̀ naŋ kɔ̀ ko Saaŋ Zòòlò Dayài yèè wò naŋ tɔ̀ɔ̀tù anyùùŋ nyaŋ kàa.

Jɔ̀ɔŋ 7:28

Nààŋ wo Jisɛ̀ yaà wa kàà sùà anyùùŋ nyaŋ ko Saaŋ Zòòlò Dayài, wò naŋ gbòò ke miè gbee sùà yèè wò naŋ woò wààŋ, “Nàŋ gongò kɛ̀ nàim kaikpɔ nyìmàŋ yèè nàŋ nyìmàŋ kɛ̀ kòò mìŋ yewe? Miŋ gò hnàŋ è gààŋ miàŋ biɛ̀ sùà! Wo nyùnɔ̀ɔŋ naim tùɔ̀ŋ wɔ wò yaà wo nyùùŋ tɔ̀ɔ̀nyaàŋ, yèè niŋ nyimààuŋ.

Jɔ̀ɔŋ 8:2

Maŋ nyiìŋ tɛ̀tɛ̀ wɔŋ niìsìaà bàa wo Jisɛ̀ naŋ kɔ̀ ko Saaŋ Zòòlò Dayài. Anyuùŋ zimgbe nauŋ wa dèènè kɔɔ, yèè wò naŋ jɛi wò naŋ nyiŋ tɔ̀ɔ̀tù kàa.

Jɔ̀ɔŋ 8:20

Wo Jisɛ̀ naŋ wa tɛɛ̀ woò e teengaà wò yaà wa kàà sùà anyùùŋ nyaŋ koɓɛ̀i e sùlò nɛɛnɛɛ̀ŋ yaà wa lɛ̀ ko Saaŋ Zòòlò Dayài. Kɛɛ wo nyùùŋ gbiŋ wo gòuŋ wa kùwà, esaɓù kɛ̀ e tèèngà e fàauŋ nɛ̀ kòò è hàì wa.