Maafiù 26:5 - WƆŊ FƐ̀Ì EBÒ SÌÀŊ DAYÀA

⁵ Kɛɛ àŋ naŋ wa wòo nyààŋ, “Ɓɔ̀ è nyinìàiŋ niŋ è tèèngà wɔŋ ɗaa geɔ̀ sùà, sèè è nyɛnɛŋ yɛi, anyùùŋ nyaŋ do nàŋ dàà ke gùuŋ.”

Maafiù 26:5 ပူးပေါင်းရင်းမြစ်များ

Maafiù 14:5

Wo Hɛɛlɔ̀ manaŋ wa wo jìwà wo Jɔ̀ɔŋ, kɛɛ wò duɔŋ wa aŋ Juùù nyaŋ, esaɓù kɛ̀ anyùùŋ nyaŋ naŋ wa ɓèmè wo Jɔ̀ɔŋ wèè wo nɔ̀ŋ wo wɛ̀ijì.

Maafiù 21:26

Kɛɛ sèè zà eiŋ ɓɛìŋ woò wìàà, ‘Wo nyuùŋkpùuŋ sìwè,’ e jùù è yàwì wèè e yèɛ anyùùŋ nyaŋ do wi nàŋ nyɛ̀nɛ̀ŋ lɛ, esaɓù kɛ̀ anyùùŋ nyaŋ gbiŋ wa nyìmàŋ kɛ̀ wo Jɔ̀ɔŋ yaà wa wo kèèlà Dayà.”

Maafiù 27:24

Kpeiŋ nààŋ wo Paalè naŋ wa yɛmɛ̀ kɛ̀ anyùùŋ nyaŋ fè wa wòò è keì kɛnɛ gbiŋ, kɛɛ àŋ manaŋ wa aŋ dàà ke kpùùnɛɛ̀, wò naŋ wa ɓèmè e wùìyè yèè wò naŋ gùò le sìwè ko fɛ̀ɛ̀fèìŋ e faaàŋ, wò yaà woo wààŋ, “Miŋ nyimààŋ è kèè màŋ sɛ̀ìŋ wò felaa wɛɛ̀, weètii nyɛ̀nɛìŋ niŋ nyɛ̀iŋ bi.”

Luù 20:6

Kɛɛ sèè zà eiŋ ɓɛìŋ woò wìàà, ‘Wo nyuùŋkpùuŋ sìwè,’ anyùùŋ nyɛɛ̀ŋ gbiŋ do wi nàŋ hɔ̀wɔ̀, esaɓù kɛ̀ anyùùŋ nyaŋ gbiŋ wa haawè kɛ̀ wo Jɔ̀ɔŋ yaà wa wo wɛ̀ijì.”

Luù 22:7

Ke ɗɔɔɛ̀ naŋ haì wèè wɔŋ Ɗàà Gè Gbɔ̀u Gò Jòwàa, ke ɗɔɔɛ̀ àŋ naŋ wa gììyè aŋ ɓaawaa nyàŋ saàà wèè e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ lɛ.

Jɔ̀ɔŋ 18:28

È yaà wa maŋ nyiìŋ tɛ̀tɛ̀ wɔŋ niìsìaà bàa, àŋ naŋ gè wo Jisɛ̀ ko gbòò Kaifɔ̀, yèè àŋ nauŋ kɔ̀ɔ̀ ko sààŋ gbèè kanaà Paalè, wo kànà anyùùŋ ko Luùm nyaŋ. Kɛɛ anyùùŋ nyaŋ gbiŋ naŋ wa sìè ko jɔɔlèe ko fulieuŋ. Sèè wo bà gbiŋ woo wa weè jɔ̀à, wò naàŋ wa weè nɔ̀ŋ è zɛ̀nɛuŋ wèè wo jè e nɛ̀ŋjè wɔ̀ŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Nyɛ̀nɛ̀ŋ 19:29

E teenga kpuu sùà anyùùŋ nyaŋ gbiŋ ko jawaì naŋ wa dàà ke gboà gbee. Yèè anyùùŋ nyaŋ bà nyiŋ naŋ kùwò wo Gayɔ̀ yaà wo Àlètakɔ̀, yèè aŋ naŋ nyiŋ kɔ̀ɔ̀ zɛ̀mɛ̀ɛ̀ŋ dèèneì. Aŋ fèlàà tìyèe bi naŋ wa dè wo Pɔɔ̀ maŋjɛ̀wɛ e yìwìà ko Mɛ̀sèdonià. Kpeiŋ anyùùŋ nyaŋ gbiŋ e faaàŋ sùà naŋ dùɔ̀ŋ aŋ kà koɓɛ̀i àŋ yaà wa kɛ̀ɛ̀nɛ̀ŋ sùà e dèènè jawaà lɛ.

Nyɛ̀nɛ̀ŋ 21:38

Muàŋ nàŋ fè wò nyùùŋ Ijèɔ wò yèɔ naŋ wa dàà kè gboà gbeeɛ̀ yèè mùŋ naŋ kɔ̀ɔ̀ anyuùŋ jìwà nyùùŋ tààsùùŋ tiinàŋ (4,000) kè fòùngà e diì wòaà sùà?”

Nyɛ̀nɛ̀ŋ 4:28

Àŋ naŋ wa deenè wèè aŋ nyɛ̀nɛ̀ŋ e yèɛ gbiŋ kɛ̀ muàŋ e yìwìà e gaàŋ mɔ̀ɛ̀ sùà mùŋ naŋ wa naàŋ ɗewè tɛ wèè e kaaìŋ lɛ.