Maafiù 26:45 - WƆŊ FƐ̀Ì EBÒ SÌÀŊ DAYÀA

⁴⁵ Kpeiŋ wò naŋ kɛ̀ɛ̀ koɓɛ̀ anyùùŋ màŋjɛ̀wɛ̀uŋ nyàŋ yèè wò naŋ nyiŋ dawè wààŋ, “Kòò nìŋ yaà nɔŋ maŋ jàwè yèè ko gììyè nyiiŋ kpɛ? Yɛ̀mɛìŋ! E teengaà è haì wèè miàim wo Jɔ̀àfèlàà Nyuùŋ Kpùnɔɔ̀ŋ, naàŋ nɔ̀ŋ kìɛim koɓɛ̀ e gààŋ anyùùŋ maŋ jùumù nyaŋ.

Maafiù 26:45 ပူးပေါင်းရင်းမြစ်များ

Maafiù 26:18

Kpeiŋ wo Jisɛ̀ naŋ tùɔ̀ŋ anyùùŋ màŋjɛ̀wɛ̀uŋ nyàŋ koɓɛ̀ wo felaa bà ko jawa gbeeì wèè aŋ woòuŋ nyààŋ, “Wo Kààmɔɔŋ wààŋ, ‘E teenga mɛ̀ è haì! Mìŋ manaŋ miàŋ yèè anyùùŋ màŋjɛ̀wɛ̀im nyàŋ eiŋ jììyè e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ ko gboo moo.’ ”

Maafiù 26:2

“Nàŋ nyìmàŋ kɛ̀ maŋ ɗɔ̀ɔ̀ tìyèe naŋ joo wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì, e kìlà àŋ do nàŋ kìlè miàim wo Jɔ̀àfèlàà Nyuùŋ Kpùnɔɔ̀ŋ koɓɛ̀ anyùùŋ nyaŋ wèè aim jìwà.”

Maafiù 26:44

Wo Jisɛ̀ naŋ ɓɛìŋ kɔ̀ e dìà taaà wo zoolò, wò yaà nɔŋ wòò maŋ mìè guùŋ maŋ.

Maafiù 26:46

Yèwaìŋ dìì, e kaiŋ. Yɛ̀mɛìŋ, wo nyùnɔ̀ɔŋ naim maàŋ wɔ wuŋ nàŋ yaà hnè wɔ!”

Luù 22:53

Maŋ ɗɔɔ màŋ gbiŋ mìŋ yààìŋ wa e tɛɛ ko Saaŋ Zòòlò Dayài, yèè niŋ gòim wa kùwà. Kɛɛ e jeiŋ e teengaà lɛɛ̀, yèè e gààŋ ke nyìwìɛ kuwa e tomo.”

Jɔ̀ɔŋ 12:23

Wo Jisɛ̀ naŋ nyiŋ woò wààŋ, “E teengaà è naàŋ haì wèè wo Dayà jòòwò miàim wò Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 12:27

“Ke jìì sɛ̀ɛ yààìm , yèè miŋ nyimààŋ naàŋ kɛ̀ kiìŋ mìŋ naŋ ɓɛ̀nɛ̀ŋ nyɛ̀nɛŋ. Kɛɛ miŋ naàŋ dàwè wò Dèda miɔ̀ŋ wèè wò doim joeyè è tèèngà è keì nyìnga lɛɛ̀. E kìlà ngèè, wèè esaɓù lɛɛ̀ mìŋ naŋ wa hnè koɓɛ̀ anyùùŋ nyaŋ e ɗuunyaàŋ wèè ka kùwà e keì nyìnga.

Jɔ̀ɔŋ 13:1

È naŋ wa naàŋ jòò ke ɗɔ̀ɔ̀ guùŋ paŋgàà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì. Wo Jisɛ̀ wa nyìmàŋ kɛ̀ e teengaà wa naàŋ haì wèè wo jòà e ɗuunyaŋ lɛɛ̀ wèè wo kɛ̀ɛ̀ ko àìjɛnɛ̀ŋ koɓɛ̀ wo Dèdauŋ nɔɔ̀ŋ. Wò naŋ wa tɔ̀ɔ̀ e mànaŋ koɓɛ̀ anyùùŋ màŋjɛ̀wɛ̀uŋ nyàŋ e ɗuunyaŋ lɛɛ̀, yèè wò naŋ nyiŋ wa tɔ̀ɔ̀ e mànaŋ bi paŋgàà wò jòà wa e ɗuunyaàŋ.

Jɔ̀ɔŋ 17:1

Nààŋ wo Jisɛ̀ naŋ kpɛ̀ɛ̀yɛ̀ gbòà koɓɛ̀ anyùùŋ màŋjɛ̀wɛ̀uŋ nyàŋ, wò naŋ gè fɛ̀ɛ̀ dìì yèè wò naŋ yɛ̀mɛ̀ e tèèngà ko àìjɛnɛ̀ŋ wò naŋ zoolò wààŋ, “Dèda, e teengaà è haì wèè maŋ kìɛ̀ŋ miàim wo Jɔ̀àfelaa mɔɔ̀ŋ e jòòwo, wèè kɛ̀ miàŋ pɛɛ mìŋ naum ɓɛ̀nɛ̀ŋ jòòwo.