Maafiù 26:38 - WƆŊ FƐ̀Ì EBÒ SÌÀŊ DAYÀA

³⁸ yèè wò naŋ nyiŋ woò wààŋ, “Ke nyowoɛ̀ wɔŋ nyììŋ jinàŋ miɔ̀ŋ sùà naŋ dɛɛ̀ zimgbe e sɔ̀ngɔ̀ kèim ɓɛ̀nɛ̀ŋ jìwa. Jòoìŋ kià yèè niŋ nɔ̀ŋ e fɛɛ̀ wòwò.”

Maafiù 26:38 ပူးပေါင်းရင်းမြစ်များ

Maafiù 25:13

Yèè wo Jisɛ̀ naŋ wòò anyùùŋ màŋjɛ̀wɛ̀uŋ ko dìèmè e gbòauŋ nɛ̀ wààŋ, “Nɔ̀iŋ e fɛɛ̀ wòwò, esaɓù kɛ̀ niŋ nyimààŋ kè ɗɔɔɛ̀ ɔ̀ɔ̀ è teengaà tɛɛ̀ do nàŋ kaaìŋ lɛ.”

Jɔ̀ɔŋ 12:27

“Ke jìì sɛ̀ɛ yààìm , yèè miŋ nyimààŋ naàŋ kɛ̀ kiìŋ mìŋ naŋ ɓɛ̀nɛ̀ŋ nyɛ̀nɛŋ. Kɛɛ miŋ naàŋ dàwè wò Dèda miɔ̀ŋ wèè wò doim joeyè è tèèngà è keì nyìnga lɛɛ̀. E kìlà ngèè, wèè esaɓù lɛɛ̀ mìŋ naŋ wa hnè koɓɛ̀ anyùùŋ nyaŋ e ɗuunyaàŋ wèè ka kùwà e keì nyìnga.

Luùm 8:32

Tɔɔɓaa e fè ɓɛ̀nɛ̀ŋ nɔ̀ŋ wò Dayà, wo yèɔ gò wa kìlìà wò Jɔ̀àfèlàà wuŋ biɔ̀ kùàŋ feìŋ wɔ, wò nauŋ wa kiɛ̀ŋ e saaà gèe sùà wèè wo nɔ̀ŋ e kpùùmaŋ wèè yàwi nààŋ gbiŋ. Sèè wo Dayà naŋ wa tɛɛ̀ ɓɛ̀nɛ̀ŋ nyɛ̀nɛŋ, e gòiŋ haawè kɛ̀ wò wi ɓɛ̀nɛ̀ŋ kìɛ̀ŋ è nɛ̀ɛŋ gbiŋ wèè foo?

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Pììlɛ 4:7

Ko dìaì wèè manɛ̀ŋ maŋ gbiŋ kò gbɛ̀ɛ̀. Weètii, sìaìŋ ke di yèè niŋ nɔ̀ŋ ɗìòsùà sengei niŋ zoolò.