Maafiù 26:35 - WƆŊ FƐ̀Ì EBÒ SÌÀŊ DAYÀA

³⁵ Kɛɛ wo Pììlɛ naŋ ɓɛìŋ fasàì wààŋ, “Miŋ naàŋ tii woò julɔfɔ, sèè è tɛɛwɛ̀ pɛɛ wèè yàwuum e fɔ̀ɔ̀yɛ̀ koɓɛ̀ guùŋ!” Yèè anyùùŋ màŋjɛ̀wɛ̀ gbànaŋ nyàŋ gbiŋ naŋ wòò e kèì guùŋ bi.

Maafiù 26:35 ပူးပေါင်းရင်းမြစ်များ

Luùm 11:20

Tɛɛ̀ è yaà tɔɔɓaa. Wo Dayà naŋ nyiŋ wa jàà e ɓula esàɓù e hààwe gò kɛɛnɛ̀ŋ nyiŋ nɛ̀, yèè mùŋ jaa naàŋ ko jɛ̀i nyiŋ niìŋ, esaɓù kɛ̀ mùŋ kuwa e hààwe. Ɓɔ̀ mùŋ ɓemè muàŋ bi gbee weè niŋ, kɛɛ e jùù e nɔ̀um.

Jɔ̀ɔŋ 13:37

Wo Pììlɛ naŋ dawè wààŋ, “Kanaà, wèè kiìŋ miŋ fòum naàŋ ɓɛ̀nɛ̀ŋ dè màŋjɛ̀wɛ̀? Mìŋ naŋ banebànè wèè ka kìɛ̀ŋ wɔŋ nyiiŋ miɔ̀ŋ e weèum.”

1Pììlɛ 1:17

Nìŋ nyaaŋ Dayà Dèda, sèè nìŋ nɔ̀ŋ zoolo, wo yèɔ gbaì e keì koɓɛ̀ anyùùŋ nyaŋ gbiŋ e ɗèwè guùŋ nɛ e yìwìà e tùwò kìì nyùùŋ gbiŋ sùà wɔ. Wèètii, e jùù nɔ̀iŋ kɔɔ sùà wèè Dayà maŋ nyiiŋ gèe gbànaiŋ màŋ sùà e ɗuunyaàŋ diɛŋ.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

1 Kɔliìŋ 10:12

Sèè nìŋ gongà kɛ̀ nìŋ sia tììŋ tììŋ, sɔɔ̀ naŋ yɛ̀mɛ̀ nyɛiŋ bi diɛŋ ɓɔ̀ nìŋ sɔ̀à.

Maafiù 10:33

Kɛɛ anyùùŋ nyaŋ naŋ wòò ko fɛ̀ɛ̀fèìŋ anyùùŋ nyààŋ aŋ nyimààìm nyaŋ, miàŋ pɛɛ mìŋ do wa nàwèè nàŋ woò mìàŋ miŋ nyimààŋ nyìŋ ko fɛ̀ɛ̀fèìŋ wo Dèda miɔ̀ŋ ko àìjɛnɛ̀ŋ.