Maafiù 26:2 - WƆŊ FƐ̀Ì EBÒ SÌÀŊ DAYÀA

² “Nàŋ nyìmàŋ kɛ̀ maŋ ɗɔ̀ɔ̀ tìyèe naŋ joo wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì, e kìlà àŋ do nàŋ kìlè miàim wo Jɔ̀àfèlàà Nyuùŋ Kpùnɔɔ̀ŋ koɓɛ̀ anyùùŋ nyaŋ wèè aim jìwà.”

Maafiù 26:2 ပူးပေါင်းရင်းမြစ်များ

Maafiù 10:4

wo Saimɔ̀ŋ, wo nyùùŋ fùɔ̀ŋ kenàaŋ wo yèɔ yaà wa wo bàuŋbà wèè ke gbòò woyaà, ke yèɛ hewa nyììnè anyùùŋ jii wèè aŋ giiyà e kànà anyùùŋ ko Luùm nyaŋ maŋhɛɛ, yèè wo Juɗà Àkaaliɔ̀, wo yèɔ naŋ wa mààŋ wo Jisɛ̀ wɔ.

Maafiù 17:22

Nààŋ anyùùŋ màŋjɛ̀wɛ̀ nyaŋ gbiŋ naŋ wa dèènè ko Galaliì, wo Jisɛ̀ naŋ nyiŋ woò wààŋ, “Miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ màaim koɓɛ̀

Maafiù 27:4

Wò naŋ woò wààŋ, “Ka nyɛ̀nɛ̀ŋ e kèì jùumù nààŋ mìŋ mààŋ wo felaaà gò nyɛ̀nɛ̀ŋ è keì naanààŋ gbiŋ wɔ̀, wèè auŋ jìwà yèè wèè aŋ wùàŋ maŋ sɛnùuŋ màŋ.” Kpeiŋ anyùùŋ nyaŋ nauŋ fasàì nyààŋ, “Kiìŋ è kuwa e tii nyiniàŋ? E kpàtaum tii.”

Luù 22:15

Yèè wo Jisɛ̀ naŋ nyiŋ woò wààŋ, “E wànàŋ zimgbe naim nyɛ̀nɛ̀ŋ wèè yàwiiŋ eiŋ jììyà e nɛ̀ŋjè wɔŋ Ɗaa Gèe Hɔ̀ɛ̀ɛ̀ŋ Diɛŋ lɛɛ̀ koɓɛ̀ guùŋ pangàà mìŋ kɔ̀à e keì nyìnga dìì.

Jɔ̀ɔŋ 11:55

È naŋ wa naàŋ jòò maŋ ɗɔɔ kpàa wèè aŋ Juùù nyaŋ aŋ gè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ. Anyuùŋ zimgbe naŋ wa yèwè maŋ tiwi jawa màŋ sùà yèè àŋ naŋ hnè ko Jùlusɛ̀làm wèè aŋ banebànè nyiŋ bi e làngì zòòlo nyiŋ nɛ̀ sùà wèè aŋ nɔ̀ŋ zɛ̀nɛŋ nyiŋ paŋgàà wɔŋ ɗaaà wɔ̀ŋ haì.

Jɔ̀ɔŋ 12:1

Nààŋ maŋ ɗɔ̀ɔ̀ nɔɔnɔŋ dièguùŋ naŋ wa joo wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì, wo Jisɛ̀ naŋ wa kɛ̀ɛ̀ ko Bɛfenè, ko jàwà Lazɔlɔ̀, wo yèɔ wò naŋ wa gè e fàaà dìì wɔ.

Jɔ̀ɔŋ 18:2

Wo Jisɛ̀ yèè anyùùŋ màŋjɛ̀wɛ̀uŋ nyàŋ heo wa deenè e teenga zimgbe. Wo Juɗà wuŋ pɛɛ zà, wo yèɔ naŋ mààŋ wo Jisɛ̀ wɔ, wa nyìmàŋ koɓɛ̀ bi.

Jɔ̀ɔŋ 18:32

Tɛɛ̀ zà naŋ wa kaaìŋ wèè e nyɛ̀nɛ̀ŋ e yèɛ wo Jisɛ̀ naŋ wa woò lɛ e hɛɛnɛ̀ŋ nààŋ wò naŋ wa wòò e ɗewe kiiɛ̀ wò do wa nàŋ fɔ̀ lɛ.

Jɔ̀ɔŋ 2:13

È naŋ wa naàŋ jòò e teenga kpuu wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wèè aŋ Juùù nyaŋ wɔŋ haì, kpeiŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ ko Jùlusɛ̀làm.