Maafiù 26:14 - WƆŊ FƐ̀Ì EBÒ SÌÀŊ DAYÀA

¹⁴ Kpeiŋ wo Juɗà Àkaaliɔ̀, anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ bà guùŋ, naŋ kɔ̀ koɓɛ̀ aŋ kànà sìèfèìŋ zòòlo gbee nyàŋ,

Maafiù 26:14 ပူးပေါင်းရင်းမြစ်များ

Maafiù 10:4

wo Saimɔ̀ŋ, wo nyùùŋ fùɔ̀ŋ kenàaŋ wo yèɔ yaà wa wo bàuŋbà wèè ke gbòò woyaà, ke yèɛ hewa nyììnè anyùùŋ jii wèè aŋ giiyà e kànà anyùùŋ ko Luùm nyaŋ maŋhɛɛ, yèè wo Juɗà Àkaaliɔ̀, wo yèɔ naŋ wa mààŋ wo Jisɛ̀ wɔ.

Maafiù 26:25

Yèè wo Juɗà, wo yèɔ naŋ wa mààŋ wo Jisɛ̀ wɔ naŋ woò wààŋ “Tɔɔɓaa Kààmɔɔŋ muŋ sɔ̀ɔ̀ìm kàai?” Yèè wo Jisɛ̀ naŋ fasàì wààŋ, “Yɛi mùŋ naŋ woò!”

Maafiù 26:47

E gò wa pɛɛ jùà wo Jisɛ̀ nyààŋ nààŋ wo Juɗà, wo nyùùŋ màŋjɛ̀wɛ̀ zììyà jɛ̀wɛ̀ tìyèeɔ̀ bà guùŋ, nao haì. Wò naŋ hìɛ̀ŋ anyuùŋ zimgbe àŋ kuwa maŋ kòyà ɗùà yèè maŋ kuù kpuu kpùù. Aŋ kànà sìèfèìŋ zòòlo gbee nyàŋ, yèè aŋ màmànkùmɛ̀ŋ nyàŋ naŋ nyiŋ wa tùɔ̀ŋ.

Maafiù 27:3

Nààŋ wo Juɗà, wo yèɔ nauŋ wa maàŋ wɔ naŋ yɛmɛ̀ kɛ̀ àŋ hàà e kìtì fàa wo Jisɛ̀ diɛŋ, ke nyowo nauŋ nyɛ̀nɛ̀ŋ wèè e keì naanààaŋ wò naŋ nyɛ̀nɛ̀ŋ lɛ, yèè wò naŋ kɛ̀lɛ̀ɛ̀ e kaiŋ fua nɛɛnɛŋ kpɛ̀ɛ̀ùŋ guùŋ jɛ̀wɛ̀ zììyàa koɓɛ̀ aŋ kànà sìèfèìŋ zòòlo nyàŋ yaà aŋ màmànkùmɛ̀ŋ fuɔɔ̀ŋ.

Jɔ̀ɔŋ 12:4

Kɛɛ wo nyùùŋ màŋjɛ̀wɛ̀ Jisɛ̀ɔ bà guùŋ, wo yèɔ àŋ nyaaŋ wo Juɗà Àkaaliɔ̀ wɔ, wo yèɔ yaà wa hinie wèè wo mààŋ wo Jisɛ̀ wɔ naŋ wa tùù wo Mèèle sìwè yèè wò naŋ woò wààŋ,

Jɔ̀ɔŋ 13:2

Wèè paŋ aŋ tɔɔtù wa e nɛ̀ŋjè koya nyiŋ nɛ̀ jèe, wo Sɛ̀tanàŋ naŋ gbìɛ̀ŋ e gòngò ke kpèè naanààŋ nyɛ̀nɛŋ wo Juɗà Àkaaliɔ̀ ke jiio sùà, wo jɔ̀àfèlàà Saimɔŋ Àkaaliɔ̀, yèè wò naŋ ɗewè wèè wo maàŋ wo Jisɛ̀.

Jɔ̀ɔŋ 13:26

Wo Jisɛ̀ naŋ fasàì wààŋ, “Mìŋ do nàŋ dè ke gbɔ̀u yɛɛ̀ ko gɛ̀yiì yèè ka nyiŋ kìɛ̀ŋ wo nyùnɔ̀ɔŋ mìŋ sɔ̀à wɔ.” Kpeiŋ wo Jisɛ̀ naŋ dè ke gbɔ̀uɛ̀ ko gɛ̀yiì yèè wò naŋ nyiŋ kìɛ̀ŋ wo Juɗà, wo jɔ̀àfèlàà Saimɔŋ Àkaaliɔ̀ɔ.

Jɔ̀ɔŋ 13:30

Wo Juɗà naŋ wa kùwò ke gbɔ̀uɛ̀ yèè wò naŋ fòlò fiò. È yaà wa naàŋ zà e dùùm.

Jɔ̀ɔŋ 18:2

Wo Jisɛ̀ yèè anyùùŋ màŋjɛ̀wɛ̀uŋ nyàŋ heo wa deenè e teenga zimgbe. Wo Juɗà wuŋ pɛɛ zà, wo yèɔ naŋ mààŋ wo Jisɛ̀ wɔ, wa nyìmàŋ koɓɛ̀ bi.

Nyɛ̀nɛ̀ŋ 1:16

Wò naŋ woò wààŋ, “Nyɛ̀iŋ nààŋ nyuùŋ hààwe dàwim nyàŋ, e yèɛ wɔŋ fɛ̀ì Dayàa naŋ woò lɛ kuwa e hɛɛnɛ̀ŋ, e yìwìà ko yèi wo Jìnàŋ Nɛɛmaàŋ naŋ wa gbùùyè wo Dèèwe sùà lɛ. Wɔ̀ŋ naŋ wòò e keìɛ wo Juɗà do wa nàŋ nyɛ̀nɛ̀ŋ ko dòmànfeìŋ lɛ, wo yèɔ naŋ wa nɔ̀ŋ wo sìèfèìŋ anyùùŋ nyaŋ naŋ wa kùwò wo Kanaà Jisɛ̀ nyaŋ.

Nyɛ̀nɛ̀ŋ 1:18

E nɛɛnɛɛ̀ŋ wo Juɗà naŋ wa kùwò wèè ke kpèè naanààuŋ nɛɛ̀ŋ lɛ, tiiŋ wò naŋ wa dìnìè e dìì. Kuii wò naŋ wa fɔɔyɛ̀. Ke kpùnauŋ nɛɛ̀ŋ naŋ wa mingè, ke suàuŋ nɛɛ̀ŋ ke sɛkɛ̀ yèè e tùuŋ nɛ̀ naŋ fòlò e ɓaayè.