Maafiù 25:5 - WƆŊ FƐ̀Ì EBÒ SÌÀŊ DAYÀA

⁵ Wo kɛ̀ɛ̀nɛ̀ŋ jɔunɔ̀ɔŋ gò wa zùmò hnàaŋ, kpeiŋ maŋ jàwè maŋ naŋ nyiŋ kùwò yèè àŋ naŋ sɛ̀ɛ̀ maŋ jàwè.

Maafiù 25:5 ပူးပေါင်းရင်းမြစ်များ

Maafiù 24:48

Kɛɛ sèè wo ɓɔìjɔ̀à kɛ̀ɛ̀nɛ̀ŋ ke kpèè naanààŋ wii wo wòò ke jiiuŋ nɛɛ̀ŋ sùà wààŋ, ‘Wo kààmɔɔŋ miɔ̀ŋ yaà dɔɔnɔŋ,’

Maafiù 25:19

“Kpeiŋ e teenga bà naŋ mààŋ, yèè wo kààmɔ̀ɔ̀ŋ aŋ ɓɔìjɔ̀à nyiiŋ naŋ kɛ̀ɛ̀ maŋjɛ̀wɛ. Wò naŋ nyiŋ nyààŋ yèè wò naŋ nyiŋ dawè sèè mààŋ kiìŋ àŋ naŋ nyìnìè e nɛɛnɛuŋ nɛ̀.

Maafiù 25:4

Aŋ kɛ̀ɛ̀jii nyàŋ naŋ wa kɔ̀ɔ̀ maŋ sàìŋ bù joo wèè maŋ laumpò nyiŋ màŋ.

Maafiù 25:6

“Wɔŋ dùmɔ̀ɔŋ wa naàŋ hàì tɛɛ, yèè wo nyùùŋ bà naŋ kpààŋ wò naŋ woò wààŋ, ‘Wo kɛ̀ɛ̀nɛ̀ŋ jɔunɔ̀ɔŋ wɛɛ̀! Hnàaìŋ niŋ mɛɛ̀uŋ!’

Maafiù 26:40

Yèè wò naŋ kɛ̀ɛ̀ koɓɛ̀ anyùùŋ màŋjɛ̀wɛ̀ taai nyàŋ, kɛɛ wò naŋ nyiŋ mɛɛ̀ŋ àŋ yaà maŋ jàwè. Kpeiŋ wò naŋ wòò wo Pììlɛ, wààŋ, “Niŋ fè weè pɛɛ ɓɛ̀nɛ̀ŋ nɔ̀ŋ è fɛɛ̀ wòwò yàwiiŋ wèè è teenga kpuu?

Maafiù 26:43

Wò naŋ ɓɛìŋ kɛ̀ɛ̀ maŋjɛ̀wɛ koɓɛ̀ anyùùŋ màŋjɛ̀wɛ̀ nyaŋ yèè wò naŋ nyiŋ mɛɛ̀ŋ àŋ yaà maŋ jàwè. Aŋ fè wa ɓɛ̀nɛ̀ŋ nɔ̀ŋ è fɛɛ̀ wòwò.

Luù 1:21

E tèèngà guùŋ bi sùà, anyùùŋ nyaŋ yaà wa fùlìè wo Zakalayà, kɛɛ è naŋ nyiŋ wa foonò wèè e ɗewe kiiɛ̀ wò yaà wa kòlà sùà ko Saaŋ Zòòlò Dayài lɛ̀.

Luù 12:45

Kɛɛ sèè wo ɓɔìjɔ̀à wii wo wòò ke jiiuŋ nɛɛ̀ŋ sùà wààŋ, ‘Wo kààmɔɔŋ miɔ̀ŋ yaà dɔɔnɔŋ wèè wo kɛ̀ɛ̀ maŋjɛ̀wɛ,’ yèè wo tɔ̀ɔ̀tù ɓùlà aŋ ɓɔìjɔ̀à dàwiuŋ nyàŋ, kpeiŋ wuŋ yaà anyùùŋ aŋ jènɛ̀ŋ yèè aŋ tìyà maŋ mùàŋ koɓɛ̀ guùŋ e jèèsùà maŋ mùàŋ maŋ mauŋ kùwà.

Luù 18:8

Miŋ woòiŋ, wò do nàŋ gbaì weè nyiŋ e tɔ̀ɔ̀nyaàŋ sùà yèè wò do niŋ nàŋ nyɛ̀nɛ̀ŋ fiò. Kɛɛ sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e ɗuunyaàŋ lɛɛ̀, mìŋ doo nàŋ mɛ̀ɛ̀ŋ wo nyuùŋ kɛ̀ɛ̀nɛ̀ŋ hààwe gbiŋ?”

Luù 20:9

Kpeiŋ wo Jisɛ̀ naŋ gììyè anyùùŋ nyaŋ ke kàɓanè yɛɛ̀ wààŋ, “Wo felaa bà naŋ wa tòmò wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ yèè wò naŋ kìɛ̀ŋ wɔŋ ɓù bi anyuùŋ tòmò ɓù bà wèè àŋ tomàŋ aŋ pààwà ejotì yèè wò naŋ kɔ̀ wɔŋ fuɔŋ bà wèè e teenga mùnlaŋ.

Luùm 13:11

Yɛ̀mɛìŋ nyɛ̀iŋ bi diɛŋ, e kìlà niŋ nyɛ̀nɛ̀ŋ maŋ keì mɛɛ̀ŋ gbiŋ, esaɓù kɛ̀ nàŋ nyìmàŋ e teengaà è haì wèè eiŋ kɛɛyɛ̀. Nàŋ nyìmàŋ kɛ̀ ke ɗɔɔɛ̀ wèè wo Dayà wo wi joeyè kè naàŋ gbɛ̀ɛ̀, e nìàŋ e teenga jiɛ̀jiɛ̀ɛ è naiŋ wa sìè e hààwe wilɛ̀ wo Kanaà Jisɛ̀ Kulaì sùà lɛ.

Ɛfesɔ̀ 5:14

E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

1Pììlɛ 5:8

Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.

Maŋ kèì nyɛɛnɛŋ 2:25

Kɛɛ wèè paŋ miŋ hnàŋ, e hààweɛ̀ nìŋ kùwàìm sùà lɛ̀, sɔɔ̀ nàŋ niŋ kùwà kpaŋ.