Maafiù 25:41 - WƆŊ FƐ̀Ì EBÒ SÌÀŊ DAYÀA

⁴¹ “Kpeiŋ mìŋ do nàŋ wòò aŋ yè nyaŋ sìàìm wɔŋ kùàŋ gbɔnɔŋ nyàŋ mìàŋ, ‘Yèwa nìim feìŋ, nìŋ yaà e gbòònò Dayàa dìì. Kɔ̀àaìŋ niŋ sɛɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀ sùà, e yèɛ àŋ naŋ banebànè wèè wo Sɛ̀tanàaŋ yaà aŋ màikàuŋ nyàŋ lɛ.

Maafiù 25:41 ပူးပေါင်းရင်းမြစ်များ

Maafiù 13:40

Màànààŋ nɔŋ maŋ dɛɛ wuiye naanààŋ maŋ nɔ̀ŋ gbònògbono miŋ aŋ miŋ sùàŋ lɛ, yɛi nɔŋ e kèì guùŋ bi do wa nàwèè nàŋ kaaìŋ ko dìà e ɗuunyaàŋ.

Maafiù 13:42

Àŋ do nyiŋ nàŋ gbìɛ̀ŋ ko sààŋ hmɔɔ̀ŋ kùwa gbeeì, ko yèi àŋ do nàŋ gòlò e kìlà aŋ gbìlà le sìaŋ nyiŋ nɛ̀.

Maafiù 13:50

Kpeiŋ àŋ do nàŋ gbìɛ̀ŋ anyùùŋ maŋ kpèè naanààŋ nyaŋ ko sààŋ hmɔɔ̀ŋ kùwa gbeeì, ko yèi àŋ do nàŋ gòlò e kìlà aŋ gbìlà le sìaŋ.”

Maafiù 18:8

“Sèè wɔŋ kuàŋ mɔɔ̀ŋ ɔ̀ɔ̀ ke golò mɔɛ̀ŋ nɔ̀ŋ esaɓù wèè maŋ nyɛ̀nɛ̀ŋ e keì naanààŋ, kɛɛ̀ wuŋ noo muŋ gò! È yaà tɛ̀ɛ̀ wèè maŋ kɔ̀à wɔŋ kùàŋ guùŋ ɔ̀ɔ̀ ke gòlò guùŋ ko jàwà Dayà wɔŋ nyiiŋ gèe gò jùà sùà, wèè maŋ kùwìè maŋ kùàŋ tìyèe yèè maŋ gòlò tìyèe aum gbìàŋ ko jàhamaŋ koɓɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀.

Maafiù 25:42

E jìè yààìm wa kɛɛ niŋ gòim wa kìɛ̀ŋ è nɛ̀ŋje wèè ka jè, ke jòòmàì yààìm wa kɛɛ niŋ gòim wa kìɛ̀ŋ è wùìyè mìŋ do tìà.

Maafiù 25:46

Yèè wo Jisɛ̀ naŋ woò wààŋ, àŋ do nàŋ tùɔ̀ŋ anyùùŋ nyɛɛ̀ŋ koɓɛ̀ e keì nyìnga gò jùà, kɛɛ anyùùŋ tɔ̀ɔ̀nyaàŋ nyaŋ do nàŋ kɔ̀ koɓɛ̀ wɔŋ nyiiŋ gèe gò jùà.”

Maafiù 3:12

Wò kuwa wɔŋ sɛmɛ̀ŋ fùùnyàŋ e kpàliuŋ nɛ̀ ko sìwè wèè wo fùàŋ e kpàliuŋ nɛ̀. Wò do nàŋ gbònògbònò e kpàli kɛnɛɛ̀ wo niŋ gbìàŋ ko kɛiŋ, kpeiŋ kɛ̀ wò hàmàŋ maŋ kpàli dɛɛ màŋ wò miŋ gbìàŋ ko hmɔ̀ɔ̀ŋ, yèè e hmɔ̀ɔ̀ŋ bi fè wa nàwèè nyime.”

Maafiù 4:10

Wo Jisɛ̀ nauŋ fasàì wààŋ, “Yewà kià, Sɛ̀tanàaŋ! È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Maafiù 5:22

Kɛɛ tɔ̀ miŋ woòiŋ naàŋ kɛ̀, sèè maŋ tùù wo dàwi mɔɔ̀ŋ sìwè wèè foo, àŋ doum nàŋ hìɛ̀ŋ ke sàwà fɛɛ̀feìŋ. E kìlà sèè maŋ wòò wo nyùùŋ gbiŋ mààŋ, ‘Wò siaŋ nɔŋ wèè foo!’ Àŋ doum nàŋ kɔ̀ɔ̀ ko sààŋ sàwà. Yèè sèè maŋ wòò wo nyùùŋ gbiŋ mààŋ wò yaà wo nyuùŋ kpàna, mùŋ do wa nàwèè nàŋ nɔ̀ŋ e keì nyìnga dìì e hmɔ̀ɔ̀ŋ jàhamaàŋ sùà.

Maafiù 7:23

Kɛɛ mìŋ do nyiŋ nàŋ woò mìàŋ, ‘Miŋ nyimààìŋ yèè niŋ fè wa ànyunùim! Yèwa nìim feìŋ, nyɛ̀iŋ nààŋ nyuùŋ nyɛ̀nɛ̀ŋ keì naanààŋ nyɛɛ̀ŋ.’

Luù 13:27

Kɛɛ wò doiŋ ɓɛìŋ naŋ woò wààŋ, ‘Miŋ nyimààŋ kɛ̀ kòò nìŋ yewe, yèwa nìim feìŋ, nyɛ̀iŋ nààŋ nyùùŋ kpèè naanààŋ nyɛɛ̀ŋ!’

Luù 16:24

Wo kenàŋ bàneɔ̀ naŋ wòò wo Eɓulɔhɛɛ̀ŋ wààŋ, ‘Dàa Eɓulɔhɛɛ̀ŋ, yɛ̀mɛ̀im ke nyowo! Tuàŋ wo Lazɔlɔ̀ wèè wo dè ke kiiòuŋ nɛɛ̀ŋ e wùìyè sùà yèè wo dè miŋ e milè, esaɓù kɛ̀ mìŋ yaà kùwìè e keì nyìnga zimgbe e hmɔ̀ɔ̀ŋ lɛɛ̀ sùà.’

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

2Tɛsè 1:7

yèè nyɛ̀iŋ nyàŋ naŋ yɛ̀mɛ̀ e mɔ̀ɔ̀nɛŋ nyàŋ, wò doiŋ nàŋ filè e kìlà wo wi filè yàwi pɛɛ. Wò do tɛɛ̀ nàŋ nyɛ̀nɛ̀ŋ sèè wo Kanaà Jisɛ̀ yaà aŋ màìkà gaàuŋ nyàŋ àŋ hnàŋ e yìwìà ko àìjɛnɛ̀ŋ,

2Tɛsè 1:9

Àŋ do nàŋ kɔ̀ e mɔ̀ɔ̀nɛ̀ŋ nyiiŋ gèe gò jùà dìì wèè julɔfɔ, àŋ do nàŋ nɔ̀ŋ pouŋ aŋ fè gbɛ̀ɛ̀ wò Kanaà yaà è jòòwò gààŋ gbeeuŋ nɛ̀,

Hiɓu 6:8

Kɛɛ sèè e dììɛ è nɔ̀ŋ e ɓìè maŋ dɛiŋ, kɛ̀ e fè è diì kɛnɛ. Wo Dayà ɓɛ̀nɛ̀ŋ gbòò e dìì mààŋ tii, yèè ko diemeì wo niŋ gbìàŋ e hmɔ̀ɔ̀ŋ e hèwà.

2Pììlɛ 2:4

Wo Dayà gò wa yɛ̀mɛ̀ àŋ màikà nyaŋ naŋ wa sɛ̀ɛ̀ màŋ jùumù sùà nyaŋ kè nyowo, kɛɛ wò naŋ nyiŋ gbìɛ̀ŋ ko jàhamaŋ, ko yèi àŋ naŋ nyiŋ sìè maŋ pela ke nyìwìɛ sùà, àŋ yaà fùlìè ke ɗɔ̀ɔ̀ gbài kitiɛ̀ ke hnàŋ.

1Jɔ̀ɔŋ 3:10

E tɛɛ gòòno sengèìɛ e fèèmàŋ aŋ jɔ̀à Dayà nyaŋ yèè anyùùŋ màŋjɛ̀wɛ̀ Sɛ̀tanàŋ nyaŋ nàŋ yaà, aŋ yè nyaŋ nyɛnɛŋ e yèɛ yaà tɔ̀ɔ̀nyaàŋ lɛ, nyiŋ nàŋ yaà aŋ jɔ̀à Dayà nyaŋ, yèè aŋ yè nyaŋ manàŋ àŋ wùìya nyiŋ nyàŋ lɛ naŋ yaà anyùùŋ màŋjɛ̀wɛ̀ Sɛ̀tanàŋ nyaŋ.