Maafiù 25:4 - WƆŊ FƐ̀Ì EBÒ SÌÀŊ DAYÀA

⁴ Aŋ kɛ̀ɛ̀jii nyàŋ naŋ wa kɔ̀ɔ̀ maŋ sàìŋ bù joo wèè maŋ laumpò nyiŋ màŋ.

Maafiù 25:4 ပူးပေါင်းရင်းမြစ်များ

Maafiù 10:16

“Kùmiàŋ nìim, mìŋ yààìŋ tùàŋ sùà mààŋ aŋ ɓaawaa ke gbòò anyuùŋ kpùuŋ e tɛɛ, aŋ yè nyaŋ kuwa maŋ kpèè naanààŋ màànààŋ aŋ pɔ̀ɔ̀wɛ̀i yaà lɛ. Dùaìŋ nyiŋ e jiikɛ̀ɛ sùà màànààŋ nɔŋ nìŋ duɔŋ aŋ kaì naanààŋ lɛ, e kìlà niŋ kɛɛnɛ̀ŋ maŋ kpèè ɓɛ̀ɛ̀jàa màànààŋ aŋ bòòùm yaà lɛ, aŋ yè nyaŋ fè nɛ̀ɛ̀mùŋ nyùùŋ nyaŋ.

Maafiù 25:2

Àŋ nɔɔnɔŋ yaà wa anyùùŋ ɓàaɓàa, yèè àŋ nɔɔnɔŋ kuwa wa jiikɛ̀ɛ.

Maafiù 25:3

Aŋ jè ɓààɓàà nɔɔnɔŋ nyàŋ naŋ wa kɔ̀ɔ̀ maŋ laumpò nyiŋ màŋ kɛɛ aŋ gò wa kòà e bù joo wèè màŋ laumpò nyiŋ màŋ.

Maafiù 25:5

Wo kɛ̀ɛ̀nɛ̀ŋ jɔunɔ̀ɔŋ gò wa zùmò hnàaŋ, kpeiŋ maŋ jàwè maŋ naŋ nyiŋ kùwò yèè àŋ naŋ sɛ̀ɛ̀ maŋ jàwè.

Maafiù 7:24

“Weètii wo nyùnɔ̀ɔŋ gbiŋ komo maŋ miè gbìaim mɛɛ̀ŋ e kìlà wo miŋ jɔ̀ɔ̀lɔ̀ dìì wɔ, wò yaà mààŋ wo nyuùŋ kɛ̀ɛ̀jii wò yèɔ naŋ nyɛ̀lɛ̀ ke saauŋ nɛɛ̀ŋ wɔŋ duò tàà gbee diɛŋ.

Jɔ̀ɔŋ 3:34

Wo nyùnɔ̀ɔŋ wo Dayà naŋ tùɔ̀ŋ wɔ naŋ wòò ke mìè gbìàŋ Dayàa. E fèfoo wo Dayà naŋ nyɛ̀nɛ̀ŋ wo Jinàuŋ nɔɔ̀ŋ wo nɔ̀ŋ wo nyùùŋ bi diɛŋ.

Luùm 8:9

Ɓɔ̀ mùŋ nyɛ̀nɛ̀ŋ nɔŋ è nɛ̀ɛŋ kè kpùnaŋ mɔɛ̀ŋ manaŋ lɛ̀, kɛɛ nyɛnɛ̀ŋ e nɛ̀ɛŋ wo Jìnàŋ Dayàa manaŋ lɛ̀, esaɓù kɛ̀ wò joàùm ko sùà. Wo nyùnɔ̀ɔŋ gbiŋ gò jàà wò Jìnàŋ Jisɛ̀ Kulaìɔ kùàŋ dìì wɔ, wo fè wò bàuŋbà kòɓɛ̀ Jisɛ̀ Kulaìi.

2 Kɔliìŋ 1:22

wo yèɔ naŋ wi sìè le fee kɛ̀ wuŋ nàŋ kànàŋ wì wɔ, yèè wo yèɔ naŋ wi fè wo Jìnàŋ Dayàa maŋ jii wi màŋ sùà wɔ. Wuŋ naŋ nɔ̀ŋ ke jii nyììneɛ̀ wèè e nɛ̀ɛŋ gbiŋ wo Dayà kuwa ko bàànè hàa weè wilɛ̀.

1Jɔ̀ɔŋ 2:20

Kɛɛ wèè nyɛ̀iŋ wo Jisɛ̀ Kulaì naiŋ sìè wo Jìnàŋ Nɛɛmaàŋ sùà, yèè nyɛ̀iŋ gbiŋ nàŋ nyìmàŋ e tɔ̀ɔ̀nyaàaŋ.

1Jɔ̀ɔŋ 2:27

Kɛɛ nyɛ̀iŋ nyɛɛ̀ŋ, wo Jisɛ̀ naiŋ wa gbìɛ̀ŋ wo Jinàuŋ nɔɔ̀ŋ maŋ jiio sùà. Yèè e teengaà wo Jinààŋ yààìŋ maŋ jiio sùà lɛ, niŋ naàŋ ɓɛìŋ mɔ̀nɔ̀ŋ wèè wò nyùùŋ ba doiŋ kaà. Efèfoo wo Jinàaŋ wòiŋ kàà e nɛ̀ɛŋ gbiŋ, yèè e yèɛ gbiŋ wò naìŋ kaà lɛ, è yaà tɔɔɓaaà, e fè tòa. Jɔ̀ɔ̀lɔìŋ e kàà wo Jinàaŋ dìì, yèè niŋ jeeè aŋ bàiŋbà nɔ̀ɔŋ wo Jisɛ̀ Kulaìɛ sùà.

Juù 1:19

Ànyùùŋ nyɛɛ̀ŋ nàŋ hiàŋ e fèemàŋ gòòno, aŋ yè nyaŋ gongà kɛ̀ e kèì wɔŋ nyiiŋ wɛɛ̀ŋ nɔŋ ke fòolà yɛɛ̀ nàŋ kùwà nyiìŋ e gààŋ diɛŋ, yèè aŋ kuwà wò Jìnàŋ Dayàa màŋ jii nyiŋ màŋ sùà.