Maafiù 25:34 - WƆŊ FƐ̀Ì EBÒ SÌÀŊ DAYÀA34 Kpeiŋ kɛ̀ miàim wo Kanaà kà wòò anyùùŋ nyaŋ wɔŋ kùàŋ jìka miɔ̀ŋ mìàŋ, ‘Hnàaìŋ, nyɛ̀iŋ nyàŋ wo Dèda miɔ̀ŋ naŋ haayà nyaŋ! Hnàaìŋ niŋ ɓemè e Kànà Dayàa naŋ wa nɔ̀ŋ bàne niŋ weèiŋ lɛ paŋgàà e ɗuunyaàŋ naŋ wa nɔ̀ŋ bàne niŋ lɛ̀. အခန်းကိုကြည့်ပါ။ |
Maafiù 25:34
68 ပူးပေါင်းရင်းမြစ်များ
Yèè wo Jisɛ̀ naŋ nyiŋ woò wààŋ, “Tɔɔɓaa nìŋ do nàŋ tììyè wɔŋ kpòòɔ mìŋ do nàŋ tììyè sùà wɔŋ. Kɛɛ miŋ kuwà è gààaŋ wèè ka tà wò nyùùŋ gbiŋ kè ɗùù wèè woim jɛ̀ì wɔ̀ŋ kùàŋ gbɔnɔŋ ɔ̀ɔ̀ wɔ̀ŋ kùàŋ jìka. Wo Dayà, wo Dèda miɔ̀ŋ wuŋ bi nàŋ do nàŋ kìɛ̀ŋ maŋ jɛ̀i mɛɛ̀ŋ maŋ koɓɛ̀ anyùùŋ nyaŋ wò manaŋ wèè aŋ miŋ jɛ̀ì diɛŋ nyàŋ.”
Weètii, wo nyùnɔ̀ɔŋ gbiŋ naŋ gè maŋhɛɛ wèè wo nyɛ̀nɛ̀ŋ e yèɛ ke sàwàa naŋ pɛɛ tèènè wɔŋ kɔmɔŋ miaŋ naŋ woò lɛ, yèè wo nyɛ̀nɛ̀ŋ anyuùŋ joo bà aŋ nyɛ̀nɛ̀ŋ e kèì guùŋ bi, wò do naŋ nɔ̀ŋ mààŋ wɔŋ kɔmɔŋ miaŋ e Kànà àìjɛnɛ̀ɛŋ sùà. Kɛɛ wo nyùnɔ̀ɔŋ do nàŋ nyɛ̀nɛ̀ŋ e yèɛ maŋ sàwà maŋ naŋ woò lɛ e kìlà wò niŋ kàà anyùùŋ wèè aŋ nyɛ̀nɛ̀ŋ e kèì guùŋ bi, wò do wa nàwèè nàŋ kɛ̀ɛ̀nɛ̀ŋ ko jɛ̀i kɛnɛ e Kànà àìjɛnɛ̀ɛŋ sùà.
Yèè anyùùŋ nyaŋ naŋ kpààŋ sɛiŋ nyààŋ, “Jiwàuŋ! Jiwàuŋ! Kpùùnyaàuŋ wɔŋ vànèkpaaà diɛŋ!” Yèè wo Paalè naŋ nyiŋ dawè wààŋ, “Nìŋ manaŋ ka kpùùnyàŋ wo kanaiŋ nɔɔ̀ŋ wɔŋ vànèkpaaà diɛŋ?” Yèè aŋ kànà sìèfèìŋ zòòlo nyàŋ naŋ fasaì nyààŋ, “Wo kanaà nɔŋ è kùwàìŋ wɔ nàŋ yaà wo Siisɔ̀, wo kànà anyùùŋ ko Luùm nyaŋ.”
Nààŋ è yààìŋ aŋ jɔ̀à Dayà, è doiŋ nàŋ yɛ̀mɛ̀ e kpùùmaàŋ wò naŋ bànè hàa wèè anyunùuŋ nyàŋ lɛ. Yèè yàwi pɛɛ doiŋ nàŋ yɛ̀mɛ̀ e nɛ̀ɛŋ wo Dayà naŋ bànè hàa wèè Jisɛ̀ Kulaì, màànààŋ nɔŋ wò naŋ niŋ yɛmɛ̀ lɛ. Kɛɛ sɔɔ̀ eiŋ kà e mɔ̀ɔ̀nɛŋ dìì wèè e keì sìàŋ nyɛ̀nɛŋ màànààŋ wo Jisɛ̀ Kulaì naŋ niŋ kɔ̀ dìì lɛ, wèè kɛ̀ yàwi pɛɛ e yɛmɛ̀iŋ e jòòwo màànààŋ wò naŋ niŋ yɛmɛ̀ lɛ.
Tɔ̀ɔ̀nyaàŋ, nàŋ nyìmàŋ kɛ̀ anyuùŋ naanààŋ gò kùwìè è hààwe nyàŋ, è Kànà Dayàa bà gbiŋ naàŋ wa nàwèè nàŋ nɔ̀ŋ weè nyiŋ. Ɓɔ̀ nìŋ zuwò nyɛ̀iŋ bi, anyùùŋ nyaŋ gbiŋ yaà e kèì nàànààŋ hmɔŋtu sùà, ɔ̀ɔ̀ àŋ zoolà maŋ gòò, ɔ̀ɔ̀ anyuùŋ ɓèmè aŋ jàwè nyùùŋ ɔ̀ɔ̀ aŋ fàìŋ nyùùŋ, ɔ̀ɔ̀ aŋ kpàkòò tìyèe nyɛ̀nɛ̀ŋ ke yɛ̀ɛ̀, ɔ̀ɔ̀ aŋ jɔùŋ tìyèe nyɛ̀nɛ̀ŋ ke yɛ̀ɛ̀
Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.
Yàwi nyàŋ naŋ niŋ wa haawè nyaŋ, nàŋ do nàŋ yɛ̀mɛ̀ e nyiiŋ gèeɛ̀ màànààŋ nɔŋ wo Dayà naŋ jɔ̀ɔ̀ ɗààhiì lɛ. Wɔŋ fɛ̀ì Dayàa naŋ woò wààŋ, “Wo Dayà naŋ wa tùù anyùùŋ nyaŋ sìwè yèè wò naŋ nyiŋ woò wààŋ, ‘Julɔfɔ niŋ naàŋ wa nàwèè hàì è dììɛ diɛŋ ko yèi mìŋ he nyiŋ weè nàŋ kìɛ̀ŋ e nyiiŋ gèe lɛ̀.’ ” Wo Dayà naŋ wa tɛɛ̀ woò jòòpɛɛ e tòmouŋ nɛ̀ è wa jùà e yìwìà e teengaà wò naŋ wa bànè e ɗuunyaàŋ lɛ.
esaɓù kɛ̀ sèè wo wa weè kìɛ̀ŋ wuŋ bi e saaà gèeo sùà wɔŋ doa gbiŋ, wò hewa nàŋ kɔ̀ e mɔ̀ɔ̀nɛŋ zimgbe dìì e yìwìà e teengaà wo Dayà naŋ wa bànè ɗuunyaàŋ lɛ. Kɛɛ wò naŋ wa kìɛ̀ŋ wuŋ bi wèè wo fà e sùà guùŋ kpò e saaà gèeo sùà, e gbɛ̀ɛ̀ e tèèngà maŋ nyiiŋ gèe dìàmaŋ wi màŋ wèè anyùùŋ nyaŋ gbiŋ, wèè kɛ̀ wo nɔ̀ŋ e nɛ̀ŋ saàa do nàŋ gùò maŋ jùumù wi màŋ lɛ.
Wo yilì kùùno wii yaà wa wɔŋ nyiiŋ gèeɔ̀ sùà e tèèngà guùŋ bà, kɛɛ wo fè ɓɛìŋ. È joo tòloò wèè wo fòlà ko golo zutùùiŋ e dììɛ dìì wèè auŋ pɔɔpɔ̀ɔ̀. Anyùùŋ nyaŋ gbiŋ yaà e ɗuunyaàŋ aŋ yè nyaŋ kòò àŋ sìngè maŋ deè nyiŋ màŋ wɔ̀ŋ fɛ̀ì ànyuùŋ gè nyiiŋ nyàŋ sùà paŋgàà wo Dayà naŋ wa bànè e ɗuunyaàŋ nyaŋ, è do nyiŋ nàŋ foonò sèè àŋ yɛmɛ̀ wa nàwèè wo yilì kùùnoɔ̀. Wo yàà wa wɔŋ nyiiŋ gèeɔ̀ sùà e tèèngà guùŋ. Sààmɛ tiŋ, wo fè ɓɛìŋ wɔ̀ŋ nyiiŋ gèeɔ̀ sùà, kɛɛ wò do ɓɛìŋ nàŋ fòlò ke fòolà.”
ကြော်ငြာတွေ