Maafiù 25:1 - WƆŊ FƐ̀Ì EBÒ SÌÀŊ DAYÀA

¹ Wo Jisɛ̀ naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ naŋ wa kaaìŋ e dùùm lɛ, e teengaà aŋ jɔ̀ùŋ jɔ̀à bɛ̀ɛ̀ zììyà naŋ wa ɓèmè maŋ laumpò nyiŋ màŋ yèè àŋ naŋ kɔ̀ e kèè ke yɛɛ̀ gbìaàŋ sùà wèè aŋ yɛmɛ̀ wo kɛ̀ɛ̀nɛ̀ŋ jɔunɔ̀ɔŋ.

Maafiù 25:1 ပူးပေါင်းရင်းမြစ်များ

Maafiù 13:24

Wo Jisɛ̀ naŋ wòò ke kàɓanè joo bà. Wò naŋ woò wààŋ, “E Kànà àìjɛnɛ̀ɛŋ è yaà mààŋ e yèɛ naŋ wa kaaìŋ e teengaà wo nyuùŋ tòmò ɓùɔ naŋ wa kɔ̀ yèè wò naŋ vààì manɛ̀ŋ koei siaŋ ko ɓùuŋ noo.

Maafiù 13:31

Wo Jisɛ̀ naŋ nyiŋ ɓɛìŋ wòò ke kàɓanè joo. Wò naŋ woò wààŋ, “E ɗewe lɛɛ̀ e Kànà àìjɛnɛ̀ɛŋ è yaà. È yaà mààŋ sèè wo nyuùŋ tòmò ɓùɔ wo ɓèmè ke kaaŋ komaŋ wo nyiŋ nyùàŋ ko ɓùuŋ noo.

Maafiù 13:38

Wɔŋ ɓùɔ naŋ yaà e ɗuunyaàŋ. Ke kuù kòmàŋ sìàaŋ nàŋ yaà anyùùŋ nyaŋ kanaŋ e Kànà àìjɛnɛ̀ɛŋ nyàŋ. Maŋ dɛɛ wuiye naanààŋ maŋ nàŋ yaà anyùùŋ nyaŋ kanaŋ wo nyuùŋ kɛ̀ɛ̀nɛ̀ŋ ke kpèè naanààaŋ.

Maafiù 13:47

“E Kànà àìjɛnɛ̀ɛŋ è yaà mààŋ, anyuùŋ sùnga bà aŋ yè nyaŋ naŋ gbìɛ̀ŋ wɔŋ kpee nyiŋ nɔɔ̀ŋ wɔŋ juwoɔ̀ sùà yèè àŋ naŋ kùwò aŋ kɛì ziì zimgbe.

Maafiù 20:1

Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ, wo felaa bà naŋ wa kɔ̀ maŋ nyiìŋ tɛ̀tɛ̀ ko kààmè anyùùŋ wèè aŋ nyɛ̀nɛ̀ŋ e tòmo ko ɓù gbɛɛwɛ̀jɛ̀wɛ̀uŋ niìŋ.

Maafiù 22:2

“E Kànà àìjɛnɛ̀ɛŋ è yaà mààŋ, wo kana bà naŋ wa banebànè wèè wo gè wɔŋ ɗàà ke yɛɛ̀ gbìaŋ wèè wo jɔ̀àfelaauŋ nɔɔ̀ŋ.

Maafiù 25:7

Aŋ jɔ̀ùŋ jɔ̀à bɛ̀ɛ̀ zììyà nyaŋ naŋ kɛɛyɛ̀ yèè àŋ naŋ jòòwò maŋ laumpò nyiŋ màŋ.

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 5:16

E ɗèwè guùŋ lɛɛ̀ sùà, tɔ̀ e gbolòùŋ lɛ mùŋ do nàŋ tɔɔ̀ lɛ e nɔ̀ŋ mɛ̀iŋ niŋ mààŋ e gbòlòùŋ laumpòɛ, e mɛ̀ɛ̀ŋ anyùùŋ nyaŋ fɛɛ̀feìŋ wèè kɛ̀ aŋ yɛmɛ̀ e tòmo sìàaŋ mùŋ naŋ nyɛ̀nɛ̀ŋ lɛ, wèè kɛ̀ aŋ kìɛ̀ŋ wo Dèda mɔɔ̀ŋ e ɓɛ̀ɛ̀jàa ko àìjɛnɛ̀ŋ.

Maafiù 9:15

Wo Jisɛ̀ naŋ nyiŋ woò wààŋ, “Nìŋ yaà yɛ̀ɛ̀mɛ̀ dòmaŋ wèè aŋ nyùùnèènyɛiŋ nyàŋ wɔŋ ɗàà gè ke yɛɛ̀ gbìaàŋ sùà aŋ nɔ̀ŋ ke nyowo sùà e teengaà wo kɛ̀ɛ̀nɛ̀ŋ jɔnɔ̀ɔŋ yàa nyìŋ e tɛɛ ko sààŋ yɛɛ̀ gbìaìŋ lɛ? Tɛɛ̀ fè ɓɛ̀nɛ̀ŋ kàaiŋ! Kɛɛ e teenga do nàŋ hnè aŋ nyiŋ gè wo kɛ̀ɛ̀nɛ̀ŋ jɔnɔ̀ɔŋ e tɛɛ, ke ɗɔɔ bi diɛŋ àŋ do nàŋ kùwò ke tɔùŋ.

Jɔ̀ɔŋ 18:3

Nààŋ wo Juɗà naŋ wa jɔ̀ɔ̀ e ɗààhiì wèè wo maàŋ wo Jisɛ̀, wò naŋ wa kɔ̀ ko kpòkpòi. Kɛɛ wò naŋ wa kɔ̀ɔ̀ ke gbòò aŋ kààlòòɗùà Luùm nyaŋ bà, yèè anyuùŋ tùnìàŋ ke Saaŋ Zòòlò Dayà nyaŋ bà, aŋ yè nyaŋ aŋ kànà sìèfèìŋ zòòlo nyàŋ yèè Fɛlosiì nyaŋ naŋ wa tùɔ̀ŋ wèè aŋ kùwà wo Jisɛ̀. Nààŋ àŋ yaà wa kɔɔyɛ, àŋ naŋ kɔ̀ɔ̀ maŋ sìngà mɛ̀ɛŋ, maŋ laumpò, yèè manɛ̀ŋ sùmiaŋ ko kààmè Jisɛ̀.

Jɔ̀ɔŋ 3:29

E kèè ke nyɛɛ̀ gbìaàŋ sùà, wo kɛ̀ɛ̀nɛ̀ŋ jɔunɔ̀ɔŋ nàŋ mɔnɔŋ wo jɔunɔ̀ɔŋ. Wo dàwì mɔ̀ɔ̀nɔ̀ŋ wo kɛ̀ɛ̀nɛ̀ŋ jɔunɔ̀ɔŋ siàuŋ kɔɔ wèè wo kumiàŋ e nɛ̀ɛŋ wò woà lɛ, wò giiyà ke mìè gbòà wo kɛ̀ɛ̀nɛ̀ŋ jɔunɔ̀ɔŋ e zɔ̀lɔ̀ zimgbe. Weètii, e zɔlɔ̀ naim diè zimgbe.

Nyɛ̀nɛ̀ŋ 20:8

Maŋ laumpò kùwa zimgbe yaà wa ko sààŋ fùùiŋ ko yèi è naiŋ wa deenè lɛ.

1 Kɔliìŋ 11:2

Mìŋ tɛnɛ̀ìŋ e fèfoo e teenga gbiŋ nìŋ jààìm jii, yèè naŋ dè e nɛ̀ɛŋ mìŋ naiŋ kaà lɛ maŋjɛ̀wɛ.

2 Kɔliìŋ 11:2

Mìŋ yaà le koo zimgbe wèè muàŋ, nààŋ nɔŋ wo Dayà yaà lɛ, mùŋ yaà mààŋ wo jɔ̀ùŋ jɔ̀à bɛ̀ɛ̀ zɛ̀nɛŋ wo yèɔ mìŋ naŋ ɓèmè e ɗààhiì ke yɛɛ̀ gbìàuŋ koɓɛ̀ wo fèlàà guùŋ kpò nɔŋ wɔ̀, tèènè mààŋ wo Jisɛ̀ Kulaì wuŋ bi.

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Maŋ kèì nyɛɛnɛŋ 14:4

Anyùùŋ nyɛɛ̀ŋ nyiŋ guùŋ nɔŋ nàŋ yaà aŋ felaa nyàŋ nààŋ kòò àŋ sìè è hààwe nyiŋ nɛ̀ ninaŋ, aŋ yè nyaŋ nyimààŋ kèè jɔùŋ nyaŋ. Àŋ dè wo Ɓaawaaà maŋjɛ̀wɛ àŋ kà koɓɛ̀i gbiŋ wò kɔ̀à lɛ. Àŋ naŋ nyiŋ bilɛ̀ŋ e yìwìà anyuùŋ kpùuŋ ziì nyaŋ gbiŋ sùà e dììɛ diɛŋ, yèè nyiŋ nàŋ yaà aŋ jiɛ̀jiɛ̀ nyaŋ do nàŋ nɔ̀ŋ kìɛŋ nyiŋ koɓɛ̀ Dayài yèè koɓɛ̀ wo Ɓaawaaà.

Maŋ kèì nyɛɛnɛŋ 19:7

Gè wììŋ zɔlɔ̀ e kìlà e nɔ̀iŋ ke jii fàa sùà. Tɛ̀nɛ̀ŋ wiìŋ e gaàŋ gbeeuŋ nɛ̀, esaɓù kɛ̀ e teengaà è haì wèè wo Ɓaawaaà ɓèmè wo jɔùŋ, yèè wo jawèuŋ nɔɔ̀ŋ bànèbànè wuŋ bi weè niŋ.

Maŋ kèì nyɛɛnɛŋ 21:2

Mìŋ naŋ yɛ̀mɛ̀ ko Jàwà Nɛɛmaŋ Gbeeì, ko Jùlusɛ̀làm jɛ̀ì yìi, kò yaà dèya sùà kò yewe koɓɛ̀ Dayài ko àìjɛnɛ̀ŋ. Kò naŋ wa banebànè mààŋ wo jɔùŋ naŋ kpàà e kpàà ke yɛɛ̀ gbìaŋ wò yaà kɔɔyɛ wèè wo mɛɛ̀ŋ wo fanuuŋ nɔɔ̀ŋ.

Maŋ kèì nyɛɛnɛŋ 21:9

Aŋ màìkà nɔɔnɔŋ le tìyèe nyàŋ bà guùŋ wo yèɔ kuwa wa wɔŋ gɛ̀ì maŋ kèì nyìngà nɔɔnɔŋ le tìyèe màŋ wɔ naim woò wààŋ, “Hnaàŋ, mìŋ doum nàŋ tɔ̀ɔ̀ wo jɔunɔ̀ɔŋ do nàŋ nɔ̀ŋ wo jàwè Ɓaawaaà wɔ.”

Maŋ kèì nyɛɛnɛŋ 4:5

E yìwìà koɓɛ̀i ke kpùà kanaà jaa wa wɔŋ gɛ̀ɛ̀ɔŋ sùà lɛ, maŋ keì mɛɛ̀ŋ naŋ wa kaaìŋ, ko fùùiŋ naŋ wa gɛɛ̀ wàìŋ wàìŋ, ko gùmàŋ gbùlùù, yèè kò naŋ kpààŋ. Kè kpùà kanaà feìŋ, maŋ sìngà mɛ̀ɛŋ, màŋ nɔɔnɔŋ le tìyèe nàŋ yaà wa kuwie. Maŋ sìngà mɛ̀ɛŋ bi zà nàŋ yaà wa aŋ jìnàŋ nɔ̀ɔ̀nɔ̀ŋ lètìyèè Dayà nyaŋ.

Maŋ kèì nyɛɛnɛŋ 8:10

Wo màikà dìà taaiɔ̀ naŋ fùɔ̀ŋ e pòtanàuŋ nɛ̀. Wɔŋ ɗu gbee, naŋ fòlò ke nyiliɛ̀ wɔŋ sɔ̀à. Wɔ̀ŋ yaà wa hiwie mààŋ ke sìnga, yèè wɔ̀ŋ naŋ sɔ̀ɔ̀ maŋ wuiyè gbeegbèè maŋ yaà maŋ wuiyè nyɛɛnyɛ̀ɛ̀ maŋ, aŋ naŋ gòònò e ɗì taai màŋ e ɗì guùŋ diɛŋ.