Maafiù 24:49 - WƆŊ FƐ̀Ì EBÒ SÌÀŊ DAYÀA

⁴⁹ kɛ̀ wo tɔ̀ɔ̀tù ɓùlà aŋ ɓɔìjɔ̀à dàwiuŋ nyàŋ e kìlà wuŋ yaà anyuùŋ tìà maŋ mùàŋ, àŋ kùùnò jììyà e nɛ̀ŋje yèè aŋ tiià maŋ mùàŋ koɓɛ̀ guùŋ.

Maafiù 24:49 ပူးပေါင်းရင်းမြစ်များ

Maafiù 18:28

“Kpeiŋ wo ɓɔìjɔ̀àa naŋ kɔ̀ yèè wò naŋ mɛ̀ɛ̀ŋ wo ɓɔìjɔ̀à dàwiuŋ nɔɔ̀ŋ bà guùŋ wo yèɔ kùwaùŋ wa e kpàŋ e kaiŋ fua nɛɛnɛŋ hɔ̀nɔ̀ɔ̀ guùŋ. Yèè wò naŋ kùwò wo felaaà ke gbèìŋ. Yèè wò naŋ tɔ̀ɔ̀tù nɔ̀à wo felaaà ke gbèìŋ yèè wò nauŋ woò wààŋ, ‘Pààwaà e nɛɛnɛɛ̀ŋ gbiŋ mùŋ kùwàìm kpàŋ lɛ.’

Maafiù 24:48

Kɛɛ sèè wo ɓɔìjɔ̀à kɛ̀ɛ̀nɛ̀ŋ ke kpèè naanààŋ wii wo wòò ke jiiuŋ nɛɛ̀ŋ sùà wààŋ, ‘Wo kààmɔɔŋ miɔ̀ŋ yaà dɔɔnɔŋ,’

Maafiù 24:50

Sèè è kaaìŋ yɛi, wo kààmɔ̀ɔ̀ŋ ɓɔìjɔ̀àa do nàŋ hnè ke ɗɔ̀ɔ̀ guùŋ e teengaà wo ɓɔìjɔ̀àa naàùŋ nɔ̀ŋ yɛ̀ɛ̀mɛ̀ dòmaŋ yèè e teengaà wo nyimààŋ lɛ.

Maafiù 7:15

“Yɛ̀mɛìŋ nyiŋ bi diɛŋ wèè aŋ wɛ̀ijì tòa nyàŋ. Àŋ hnàŋ yèè mùŋ yɛmɛ̀ nyìŋ ke fòolàa àŋ naŋ kpàà maŋ fɛ̀ì ɓaawaa sùà, kɛɛ tɔɔɓaa maŋ jii nyiŋ màŋ sùà àŋ yaà mààŋ aŋ yilì kùùno nyàŋ àŋ nyaaŋ nyààŋ aŋ pɔ̀ɔ̀wɛ̀i.

Jɔ̀ɔŋ 2:10

yèè wò nauŋ woò wààŋ, “Wo nyùùŋ gbiŋ wɔŋ ɗaa gèeo sùà wò kiɛ̀ŋ wa maŋ tala muaŋ kɛnɛ màŋ jiɛ̀ koɓɛ̀ anyùùŋ nyaŋ. Yèè sèè àŋ tie naàŋ zimgbe maŋ jii fà nyìŋ, kɛ̀ wò ngàà hìàŋ maŋ zɔwùù maŋ. Kɛɛ mùŋ naŋ miŋ jèè kɛɛnɛŋ e hàì ko dìà wɔŋ ɗaaà!”

Luùm 16:18

Anyùùŋ nyaŋ nyɛnɛŋ maŋ keì mɛɛ̀ŋ nyaŋ, aŋ gò kpɛɛ̀ŋ wèè aŋ tomo wèè wò Kana wiɔ̀ Jisɛ̀ Kulaì, àŋ naŋ nɔŋ kpɛɛ̀ŋ wèè nyiŋ bi. Maŋ mìè gbòa ɓuuyè nyiŋ màŋ zuwà anyuùŋ gò nyìmàŋ keì fèemàŋ nyaŋ.

2 Kɔliìŋ 11:20

Nìŋ nyimààŋ wo nyùùŋ gbiŋ woiŋ kùwìè e gààŋ diɛŋ, wò gɔɛnɛŋ gɔ̀ɛ̀nɛ̀ìŋ maŋ fàà maŋ gbiŋ, ɔ̀ɔ̀ woiŋ kɔ̀ɔ̀yɛ̀ fɛ̀ɛ̀ sùà, ɔ̀ɔ̀ woiŋ kaaɓì, ɔ̀ɔ̀ wo gòiŋ ngèè nyààŋ è nɛ̀ŋ gbiŋ, ɔ̀ɔ̀ woiŋ hàà fɛ̀ɛ̀ nyààŋ wɔ.

Fèle 3:19

Àŋ do nàŋ kɔ̀ ko jàhamaŋ, esaɓù kɛ̀ maŋ keì nyɛ̀nɛŋ nyiŋ màŋ maŋ kpùnaŋ nyiŋ màŋ sùà nàŋ yaà aŋ dayà nyiŋ nyàŋ. Àŋ joowà nyiŋ bi e sangè nyiŋ nɛ̀ sùà, nààŋ àŋ gongà nɔŋ e kèè manɛ̀ŋ maŋ e ɗuunyaŋ lɛɛ̀ sùà.

1Pììlɛ 5:3

Ɓɔ̀ nìŋ fɛ̀ɛ̀ wèè naŋ kìlìà kana ànyùùŋ nyaŋ yaà è gaàiŋ nɛ̀ dìì nyaŋ diɛ̀ŋ, kɛɛ nɔ̀iŋ e tɔ̀ɔ̀màŋseì koɓɛ̀ aŋ ɓààwàà Dayà nyaŋ.

Juù 1:12

Aŋ kààmɔɔŋ kùwìè maŋ kàà kii naanààŋ nyɛɛ̀ŋ àŋ yaà anyuùŋ naanààŋ e tɛɛiŋ, àŋ yaà mààŋ le zààmàŋ naŋ sɛ̀ɛ̀ e nɛ̀ŋjeɛ̀ nìŋ jiiyà koɓɛ̀ guùŋ nɛ sùà. Àŋ naŋ nɔŋ kpɛɛ̀ŋ wèè nyiŋ bi. Àŋ yaà mààŋ ko fuùŋ kùwaì wɔŋ dùfòì miinyàŋ, yèè maŋ gɔ̀à fè sɔ̀à lɛ. Àŋ yaà mààŋ maŋ kuù gò kòmàŋ e pɛɛ nɔ̀ŋ sɛ̀ɛ̀ dìì, maŋ yè maŋ àŋ naŋ fie yèè màŋ naŋ fɔ̀ kpɛlɛmɛɛŋ lɛ̀.

Maŋ kèì nyɛɛnɛŋ 13:7

Wo Dayà nauŋ wa gè nyààŋ diɛŋ wèè wo sumiàŋ yèè wo ɓùlà anyùùŋ nɛɛmauŋ nyàŋ, yèè wò nauŋ kìɛ̀ŋ e gààŋ wèè wo nɔ̀ŋ maŋ ziì maŋ gbiŋ, maŋ fuɔŋ màŋ gbiŋ, maŋ kàìŋ maŋ gbiŋ, yèè anyuùŋ kpùuŋ ziì gbiŋ diɛŋ.

Maŋ kèì nyɛɛnɛŋ 16:6

Àŋ naŋ wa wùɔ̀ŋ maŋ sɛ̀ìŋ anyùùŋ nɛɛmaŋ nyàŋ yèè aŋ wɛ̀ijì nyaŋ, weètii mùŋ naŋ nyiŋ kìɛ̀ŋ maŋ sɛ̀ìŋ wèè aŋ tìà. Àŋ yaà yɛ̀ɛ̀mɛ̀ e nɛ̀ɛŋ naŋ nyiŋ tɛɛwɛ̀ lɛ!”

Maŋ kèì nyɛɛnɛŋ 17:6

Mìŋ naŋ wa yɛmɛ̀ kɛ̀ maŋ mùàŋ naŋ wa kùwò wo nìeɔ̀ e yìwìà maŋ sɛ̀ìŋ anyùùŋ nɛɛmaŋ nyàŋ yèè maŋ sɛ̀ìŋ anyùùŋ nyaŋ àŋ naŋ wa jìwè nyaŋ, esaɓù kɛ̀ àŋ yaà wa aŋ seì yèè àŋ naŋ kìɛ̀ŋ maŋ nyiiŋ nyiŋ màŋ wèè Jisɛ̀. E teengaà mìŋ nauŋ wa yɛmɛ̀ lɛ, è naim wa foonò kpɛlɛmɛɛŋ.