Maafiù 24:43 - WƆŊ FƐ̀Ì EBÒ SÌÀŊ DAYÀA

⁴³ Sèè wo kɛ̀ɛ̀nɛ̀ŋ saaàŋ wo weè nyìmàŋ e teengaà wo nyuùŋ wùaà wò hnàŋ lɛ, wò henàŋ nɔ̀ŋ e fɛɛ̀ wòwò wèè wo nyuùŋ wùaà go nàŋ gɔ̀ɛ̀ɛ̀ kè saauŋ nɛɛ̀ŋ.

Maafiù 24:43 ပူးပေါင်းရင်းမြစ်များ

Maafiù 14:25

Kpeiŋ e teenga bà sùà e fèèmàŋ wɔŋ fòìnìlì yaà wɔŋ niìsìaà, wo Jisɛ̀ naŋ hnè koɓɛ̀ anyùùŋ màŋjɛ̀wɛ̀uŋ nyàŋ wò yaà kààìŋ e wùìyèɛ diɛŋ.

Maafiù 20:11

Àŋ naŋ kùwò e nɛɛnɛɛ̀ŋ yèè àŋ naŋ tɔ̀ɔ̀tù maŋ ɗìòsùà gùlia koɓɛ̀ wo kɛ̀ɛ̀nɛ̀ŋ ɓùɔ.

Maafiù 24:42

Weètii, nɔ̀ŋ e fɛɛ̀ wòwò, esaɓù kɛ̀ muŋ nyimààŋ è teengaà wò Kana mɔɔ̀ŋ do nàŋ hnè lɛ.

Maafiù 24:44

Weètii, muàŋ pɛɛ nɔ̀ŋ e bànèbaneum! Muŋ nyimààŋ kè ɗɔɔɛ̀ miàim wo Jɔ̀àfèlàà Nyuùŋ Kpùnɔɔ̀ŋ do nàŋ hnè lɛ.

Maafiù 25:10

Nààŋ aŋ jɔ̀ùŋ jɔ̀à ɓàaɓàa nyàŋ yaà wa kɔɔyɛ wèè aŋ dènàŋ e bù nyiŋ nɛ̀, wo kɛ̀ɛ̀nɛ̀ŋ jɔunɔ̀ɔŋ naŋ jòwò ko jawaì. Aŋ jɔùŋ jɔa kɛ̀ɛ̀jii nyàŋ naŋ wa banebànè yèè àŋ naŋ kɔ̀ aŋ jɔ̀à ko sààŋ wɔŋ ɗàà gè ke yɛɛ̀ gbìaàŋ, yèè anyùùŋ nyaŋ naŋ yìlè maŋ gbemgbee màŋ kpaŋ.

Maafiù 25:13

Yèè wo Jisɛ̀ naŋ wòò anyùùŋ màŋjɛ̀wɛ̀uŋ ko dìèmè e gbòauŋ nɛ̀ wààŋ, “Nɔ̀iŋ e fɛɛ̀ wòwò, esaɓù kɛ̀ niŋ nyimààŋ kè ɗɔɔɛ̀ ɔ̀ɔ̀ è teengaà tɛɛ̀ do nàŋ kaaìŋ lɛ.”

Luù 12:38

E zɔlɔ̀ do nyiŋ nàŋ nɔ̀ŋ sèè wò kɛɛ̀ maŋjɛ̀wɛ wo nyiŋ mɛɛ̀ŋ àŋ yaà bànèbane nyiŋ, sèè pɛɛ wò hnàŋ wɔŋ duùm hàì tɛɛ ɔ̀ɔ̀ e teenga joo bà sùà.

Luù 12:39

Sèè wo kɛ̀ɛ̀nɛ̀ŋ saaàŋ wo weè nyìmàŋ e teengaà wo nyuùŋ wùaà wò hnàŋ lɛ, wo naàŋ weè nyimèè wèè wò nyuùŋ wùaà wo gɔ̀ɛ̀ɛ̀ kè saauŋ nɛɛ̀ŋ.

Luù 21:36

Yɛ̀mɛìŋ nyɛ̀iŋ bi diɛŋ yèè niŋ dawè wo Dayà e teenga gbiŋ wo kiɛ̀iŋ e gààŋ wèè maŋ keì mɛɛ̀ŋ do yaà nàŋ kaaìŋ maŋ gbaàiŋ bòìbòì e kìlà miàim wo Jɔ̀àfèlàà Nyuùŋ Kpùnɔɔ̀ŋ nɔ̀ŋ ke jii fàa sùà weèiŋ.”

Maŋ kèì nyɛɛnɛŋ 16:15

Jàaìŋ jii kɛ̀ wo Kanaà Jisɛ̀ Kulaì naŋ woò wààŋ, “Mìŋ do nàŋ hnè mààŋ wo nyuùŋ wùa! E zɔlɔ̀ do nàŋ nɔ̀ŋ wo nyùnɔ̀ɔŋ wo Dayà do nàŋ kpuumò wèè wo nɔ̀ŋ fɛɛ̀ wòwò wɔ, yèè wo yɛ̀mɛ̀ maŋ dèè kɔɔuŋ màŋ diɛŋ, wèè wo go nàŋ kààìŋ ke kpanja e kìlà e sàngè euŋ kùwà ko ɓài!”

Maŋ kèì nyɛɛnɛŋ 3:3

Kɛ̀ɛ̀nɛìŋ jii jàa wèè e nɛ̀ɛŋ àŋ naiŋ wa kaà yèè e nɛ̀ɛŋ nìŋ naŋ wa kòmò lɛ. Jɔ̀ɔ̀lɔìŋ niŋ dìì e kìlà niŋ fè maŋ tùwo naanààiŋ màŋ jɛwɛ. Sèè nìŋ go yèwà dìì naŋ nyɛ̀nɛ̀ŋ e hààweiŋ nɛ̀ e kɛ̀ɛ̀nɛ̀ŋ gààŋ, mìŋ do nàŋ hnè ko nɛ̀ɛ̀iŋ niìŋ ke ɗɔɔɛ̀ niŋ naàim nɔ̀ɔ̀ŋ yɛ̀ɛ̀mɛ̀ dòmaŋ, màànààŋ wo nyuùŋ wùa nyɛnɛŋ lɛ̀.