Maafiù 24:4 - WƆŊ FƐ̀Ì EBÒ SÌÀŊ DAYÀA

⁴ Wo Jisɛ̀ naŋ nyiŋ wòo wààŋ, “Yɛ̀mɛìŋ nyɛ̀iŋ bi diɛŋ, yèè ɓɔ̀ nìŋ daŋgè wo nyùùŋ bà gbiŋ wò doiŋ zuwò.

Maafiù 24:4 ပူးပေါင်းရင်းမြစ်များ

Luù 21:8

Wo Jisɛ̀ naŋ nyiŋ wòo wààŋ, “Yɛ̀mɛìŋ nyɛ̀iŋ bi diɛŋ, yèè ɓɔ̀ nìŋ daŋgè wo nyùùŋ bà gbiŋ doiŋ zuwò. Anyuùŋ zimgbe do nàŋ hnè e deè mɛ̀ diɛŋ aŋ woò nyààŋ, ‘Miàŋ nàŋ yaà wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ,’ e kìlà ‘E teengaà lɛɛ̀!’ Kɛɛ ɓɔ̀ nìŋ dè nyiŋ màŋjɛ̀wɛ.

Gàla 6:3

Sèè naŋ gongò kɛ̀ nìŋ yaà tɛ̀ɛ̀ e nìàŋ anyuùŋ joo, e yèɛ zà tɔɔɓaa e fè yɛi lɛ̀, kɛ̀ nàŋ zùwò nyɛ̀iŋ bi.

Ɛfesɔ̀ 4:14

Kpeiŋ ɓɔ̀ è tomoiŋ ɓɛìŋ mààŋ àŋ jɔ̀à kaiŋ, ɓɔ̀ è nyimèèiŋ wèè ànyuùŋ tòa aŋ wi kaaɓì màŋ kàà tòa nyiŋ màŋ sùà, màŋ yè maŋ yaà mààŋ wɔŋ dùfòìɔ, duladùlà wì fàà maŋ gbiŋ wɔ̀ŋ.

Ɛfesɔ̀ 5:6

Ɓɔ̀ nìŋ nyimèè wèè wò nyùùŋ gbiŋ woiŋ zùùwò màŋ mìè gbòà foo kpàna. Esàɓù maŋ kèì guùŋ mɛɛ̀ŋ sùà, wo Dayà do nàŋ nyìnìè anyùùŋ nyaŋ fòuŋ kòmàŋ è mìè nyaŋ e wùàŋ.

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

2Tɛsè 2:3

Ɓɔ̀ nìŋ dangè wò nyùùŋ gbiŋ doiŋ zuwò ɗewe gbiŋ sùà. Ke ɗɔɔ yii naàŋ hnè e jèèsùà e keì gànga dìàmaàŋ e kaaìŋ, yèè Wo Nyuùŋ Naanààŋ gàngà dììɔ wo fòlà, wo yèɔ do nàŋ kɔ̀ ko jàhamaŋ wɔ̀.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.