Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maafiù 24:21 - WƆŊ FƐ̀Ì EBÒ SÌÀŊ DAYÀA

21 Esaɓù kɛ̀ maŋ ɗɔɔ miiŋ do wa nàwèè nàŋ nɔ̀ŋ maŋ ɗɔ̀ɔ̀ e haamiŋ nyìnga naanààŋ. Maŋ do nàŋ nìè maŋ ɗɔɔ màŋ ko tɔɔtuì, nààŋ wo Dayà naŋ wa bànè e ɗuunyaàŋ, e hàì ke ɗɔɔ yɛɛ̀. Yèè julɔfɔ e keì gbiŋ naàŋ wa nàwèè ɓɛìŋ kaaìŋ wèè e niŋ teenè.

အခန်းကိုကြည့်ပါ။ ကော်ပီ




Maafiù 24:21
20 ပူးပေါင်းရင်းမြစ်များ  

Zòòloìŋ Dayà kɛ̀ tɛɛ̀ ɓɔ̀ è kaaìŋ è tèèngà kè vuù gbeeɛ̀ dìì ɔ̀ɔ̀ kè Ɗɔ̀ɔ̀ Zòòlò aŋ Juùù nyaŋ diɛŋ.


Wo Jisɛ̀ naŋ ɓɛìŋ woò wààŋ, “Kɛɛ maŋ ɗɔɔ miiŋ sùà, eɓìèmànjɛ̀wɛ̀ maŋ keì nyìnga miiŋ, e gɔɛɛ̀ do naŋ kùwò ke nyìwì yèè wɔŋ wààa naàŋ ɓɛìŋ dè. Maŋ ɗu màŋ do nàŋ sɔ̀ɔ̀ e yìwìà ke nyiliɛ̀, yèè manɛ̀ŋ gààŋ maŋ ko àìjɛnɛ̀ŋ do nàŋ mɛɛmɛ̀ɛ̀ŋ e yìwìà ko jɛ̀i miŋ niìŋ.


Àŋ do nàŋ jìwìè aŋ bà nyiŋ maŋ kòyà ɗùà. Àŋ do nàŋ kɔ̀ɔ̀ aŋ bà nyiŋ e pèesìnàŋ dìì maŋ fuɔŋ joo sùà. Anyùùŋ nyaŋ fè àŋ Juùù nyaŋ do nàŋ ɓèmè ko Jùlusɛ̀làm, e kìlà aŋ doo nàŋ jeè e jèèsùà e tèèngà anyùùŋ maŋ fuɔŋ joo nyàŋ e jùà.


Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.


Ko fùùiŋ naŋ wa gɛɛ̀ wàìŋ wàìŋ, ko gùmàŋ, ko kpààŋ, yèè e dììɛ naŋ kìlè. Nààŋ gbà e dììɛ kòò è kìlè yɛi wa è do mawulà e yìwìà e teengaà wo Dayà naŋ wa bànè anyuùŋ kpùuŋ lɛ̀.


Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ